Tipu Sultan Controversy : हर्षवर्धन सपकाळांकडून टिपू सुलतानची छत्रपती शिवाजी महाराजांशी तुलना, नितेश राणेंचा थेट इशारा; म्हणाले, 'त्यांना महाराष्ट्र कसे फिरू...'

Tipu Sultan Controversy : सपकाळांच्या वक्तव्यामुळे पुन्हा वादाला फोडणी मिळाली आहे, यावरती आता भाजप आमदार आणि मंत्री नितेश राणे यांनी पोस्ट करत यावरून सपकाळ यांना डिवचलं असून इशारा दिला आहे.

Tipu Sultan Controversy

Source : ABPLIVE AI

Tipu Sultan Controversy :  टिपू सुलतानबाबत काँग्रेस प्रदेशाध्यक्ष हर्षवर्धन सपकाळांनी (Harshvardhan Sapkal) केलेल्या वादग्रस्त वक्तव्यामुळे नव्या वादाला तोंड फुटलं आहे.सपकाळांनी टिपू सुलतानची तुलना थेट छत्रपती शिवाजी महाराजांशी केली. ज्याप्रमाणे शिवाजी महाराजांनी शौर्य आणि स्वराज्याचा विचार दिला त्याचप्रमाणे टिपू सुलतानानं काम केल्याची मुक्ताफळं सपकाळांनी उधळली. मालेगाव महापालिकेचे उपमहापौर शाने हिंद निहाल अहमद यांच्या दालनात भिंतीवर टिपू सुलतानचं तैलचित्र लावल्यानं मोठा गदारोळ झाला. टिपू सुलतानचं तैलचित्र हटवण्याच्या मागणीसाठी शिवसेना नगरसेवकांनी ठिय्या आंदोलन केलं. दरम्यान चहुबाजूंनी टीकेची झोड उठल्यानंतर दालनातील तैलचित्र हटवण्यात आलं. मात्र सपकाळांच्या (Harshvardhan Sapkal) वक्तव्यामुळे पुन्हा वादाला फोडणी मिळाली आहे, यावरती आता भाजप आमदार आणि मंत्री नितेश राणे यांनी पोस्ट करत यावरून सपकाळ यांना डिवचलं असून इशारा दिला आहे.

Tipu Sultan Controversy : ...मग बघु शिवरायांचे मावळे त्यांना महाराष्ट्र कसे फिरू देतात

नितेश राणे यांनी त्यांच्या सोशल मिडीया एक्सवरती पोस्ट करत म्हटलंय की, "टिप्या ची बरोबरी शिवरायांशी करणे यालाच जिहादी मानसिकता बोलतात..ज्या टिप्याने लाखो हिंदूचे धर्मांतर केले.. मंदिर तोडली.. फक्त इस्लाम वाढवण्यात लक्ष दिले..तो आमच्या शिवरायांच्या जवळ पास पण येऊ शकत नाही ! कांग्रेस प्रदेश अध्यक्षांनी आपल्या कार्यालयात शिवरायांचे फोटो काडून टिप्या चे लाऊन दाखवावे मग बघु शिवरायांचे मावळे त्यांना महाराष्ट्र कसे फिरू देतात ! हर हर महादेव !", असं म्हणत एक प्रकारे इशारा दिला आहे.

टिप्या ची बरोबरी शिवरायांशी करणे यालाच जिहादी मानसिकता बोलतात..
ज्या टिप्याने लाखो हिंदूचे धर्मांतर केले.. मंदिर तोडली.. फक्त इस्लाम वाढवण्यात लक्ष दिले..
तो आमच्या शिवरायांच्या जवळ पास पण येऊ शकत नाही !
कांग्रेस प्रदेश अध्यक्षांनी आपल्या कार्यालयात शिवरायांचे फोटो काडून टिप्या…

— Nitesh Rane (@NiteshNRane) February 15, 2026

Tipu Sultan Controversy : हर्षवर्धन सपकाळ यांची सोशल मिडीया पोस्ट

"छत्रपती शिवाजी महाराजांचा पराक्रम अद्वितीय आहे शिवराय आमचा स्वाभिमान आहे आणि टिपू सुलतान पराक्रमी आणि स्वराज्यप्रेमी होते. छत्रपती शिवाजी महाराजांचा आदर्श घेऊनच ते इंग्रजाविरोधात लढत होते. ज्या वेळी छत्रपती शिवाजी महाराज आणि टिपू सुलतान हे परकीयांशी लढत होते त्यावेळी देवेंद्र फडणवीस ज्या संघ भाजपाच्या विचारातून येतात त्या विचारांचे लोक इंग्रजाची गुलामी आणि हेरगिरी करत होते. त्यामुळे देवेंद्र फडणवीसांनी आम्हाला इतिहास शिकविण्याच्या भानगडीत पडू नये. छत्रपती शिवाजी महाराजांबद्दल भाजप आणि आरएसएसच्या भगतसिंह कोश्यारी सह कुणी-कुणी काय-काय मुक्ताफळे उधळली आणि अवमान केलाय हे महाराष्ट्राची जनता विसरलेली नाही. संविधानाच्या मूळ प्रतिवर शिवाजी महाराज व टिपू सुलतान दोघांचेही चित्र आहे", अशी पोस्ट हर्षवर्धन सपकाळ यांनी केली होती.

छत्रपती शिवाजी महाराजांचा पराक्रम अद्वितीय आहे शिवराय आमचा स्वाभिमान आहे आणि टिपू सुलतान पराक्रमी आणि स्वराज्यप्रेमी होते. छत्रपती शिवाजी महाराजांचा आदर्श घेऊनच ते इंग्रजाविरोधात लढत होते. ज्या वेळी छत्रपती शिवाजी महाराज आणि टिपू सुलतान हे परकीयांशी लढत होते त्यावेळी देवेंद्र… pic.twitter.com/xb4MnsBGHe

— Harshwardhan Sapkal (@INCHarshsapkal) February 14, 2026