Eknath Shinde vs Ravindra Chavan Thane News: भाजपाच्या माजी नगरसेवकाने शिंदेंच्या पदाधिकाऱ्यांना चोपलं; ठाण्यात राजकारण तापलं, नेमकं काय घडलं?
Eknath Shinde vs Ravindra Chavan Thane News: ठाण्यात शिवसेना शिंदे गट आणि भाजपच्या पदाधिकाऱ्यांमध्ये राडा झाला आहे.
Eknath Shinde vs Ravindra Chavan Thane News ठाणे: एकीकडे राज्यात भाजपाचे प्रदेशाध्यक्ष रवींद्र चव्हाण (Ravindra Chavan) विरुद्ध उमुख्यमंत्री आणि शिवसेना शिंदे गटाचे नेते एकनाथ शिंदे (Eknath Shinde) असे वाद आणि नाराजीनाट्य सुरू असतानाच ठाण्यात शिवसेना शिंदे गट आणि भाजपच्या (Shivsena Shinde vs BJP) पदाधिकाऱ्यांमध्ये राडा झाला आहे.
भाजपच्या माजी नगरसेवकाने शिवसेना शिंदे गटाच्या शाखाप्रमुख आणि उपविभाग प्रमुखाला मारहाण केल्याची तक्रार नौपाडा पोलीस स्थानकात करण्यात आली आहे. सदर प्रकरणानंतर पोलिसांनी एनसी देखील दाखल करुन घेतली आहे. काल (20 नोव्हेंबर) रात्री उशिरा पोलिसांस सदर प्रकरणाबाबत तक्रार देण्यात आली.शिवसेना शिंदे गटाचे हरेश महाडीक, शाखाप्रमुख आणि महेश लहाने, उपविभागप्रमुख यांना मारहाण करण्यात आली आहे. भाजपचे माजी आणि जेष्ठ नगरसेवक नारायण पवार (Bjp Narayan Pawar Thane) यांनी मारहाण केल्याचा आरोप शिवसेना शिंदे गटाच्या पदाधिकाऱ्यांकडून करण्यात आला आहे.
नेमकं काय घडलं? (Shivsena Shinde vs BJP Thane)
काल (20 नोव्हेंबर) बीएसयूपी घरांना शंभर रुपये रजिस्ट्रेशन फी जाहीर करण्यात आली, एकनाथ शिंदे यांच्या माध्यमातून हे करण्यात असल्याने शिवसैनिक बीएसयूपी इमारतीत जाऊन सेलिब्रेशन करत होते. पाच पाखाडी विभागातील लक्ष्मी नारायण बिल्डिंगमध्ये असेच सेलिब्रेशन करण्यात येणार होते. मात्र त्याठिकाणी भाजपच्या माजी नगरसेवकाने येऊन शिवसेनेच्या पदाधिकाऱ्यांन कसे सेलिब्रेशन करता? असे विचारात भाजपचे माजी आणि जेष्ठ नगरसेवक नारायण पवार यांनी मारहाण केल्याचा आरोप करण्यात आला आहे. यासंदर्भात नारायण पवार यांच्याशी संपर्क होऊ शकला नाही. मात्र शिवसेना शिंदे गट विरुद्ध भाजप हा व ठाण्यातील वाद आणखी चिघळणार, अशी चिन्हे दिसू लागली आहेत.
एकनाथ शिंदेंची अमित शाहांकडे रवींद्र चव्हाणांची तक्रार- (Eknath Shinde Meets Amit Shah)
शिवसेना शिंदे गटातील मंत्र्यांच्या नाराजी नाट्यानंतर उपमुख्यमंत्री आणि शिवसेना शिंदे गटाचे मुख्य नेते एकनाथ शिंदे यांनी 19 नोव्हेंबर रोजी केंद्रीय गृहमंत्री आणि भाजपचे ज्येष्ठ नेते अमित शाह यांची दिल्लीत जाऊन भेट घेतली. यावेळी एकनाथ शिंदेंनी भाजप प्रदेशाध्यक्ष रवींद्र चव्हाणांची तक्रार केल्याची सूत्रांची माहिती आहे. कल्याण डोंबिवलीसह अनेक भागात भाजप प्रदेशाध्यक्षांच्या नेतृत्वात ऑपरेशन लोटस राबवण्यात आलं. तसंच भाजपने शिंदेंच्या शिवसेनेचे नेते अनेक माजी नगरसेवक फोडले, अशी तक्रार एकनाथ शिंदेंनी अमित शाहांकडे केली.
ठाण्यात भाजप आणि शिवसेना कार्यकर्त्यामध्ये राडा, Video:
संबंधित बातमी:
महत्त्वाच्या बातम्या
