फारुख अब्दुल्ला यांची उद्या ED करणार चौकशी, जम्मू-काश्मीर क्रिकेट असोसिएशन घोटाळा प्रकरण

JACA Scam: जम्मू-काश्मीर क्रिकेट असोसिएशन (JACA) मधील कथित घोटाळ्याप्रकरणी अंमलबजावणी संचालनालयाने (ED) मंगळवारी जम्मू आणि काश्मीरचे माजी मुख्यमंत्री फारूख अब्दुल्ला यांची श्रीनगरमध्ये चौकशी करणार आहे.

Farooq Abdullah

JACA Scam: जम्मू-काश्मीर क्रिकेट असोसिएशन (JACA) मधील कथित घोटाळ्याप्रकरणी अंमलबजावणी संचालनालयाने (ED) मंगळवारी जम्मू आणि काश्मीरचे माजी मुख्यमंत्री फारूख अब्दुल्ला यांची श्रीनगरमध्ये चौकशी करणार आहे. ते जम्मू-काश्मीर क्रिकेट असोसिएशनचे माजी प्रमुख होते. या प्रकरणात अंमलबजावणी संचालनालयाने सुरुवातीला 11 कोटींहून अधिक किमतीची मालमत्ता जप्त केली आहे. ईडीच्या एका वरिष्ठ अधिकाऱ्याने सांगितले की, जम्मू आणि काश्मीर क्रिकेट असोसिएशन घोटाळ्याप्रकरणी माजी मुख्यमंत्री फारुख अब्दुल्ला यांना 31 मे 2022 रोजी समन्स बजावण्यात आले आहे.

या समन्सनुसार श्रीनगर येथील ईडी कार्यालयात त्यांची चौकशी करण्यात येणार आहे. फारुख अब्दुल्ला हे जम्मू-काश्मीर क्रिकेट असोसिएशनचे प्रमुख असताना हा घोटाळा झाला आहे. या प्रकरणात फारुख अब्दुल्ला यांच्यावर आरोप आहे की, जम्मू-काश्मीर क्रिकेट असोसिएशनमध्ये सर्व नियम आणि अटींना बगल देत अनेक कामे करण्यात आली, त्यामुळे असोसिएशनला 46 कोटींहून अधिक रुपयांचा घोटाळा झाला. उच्च न्यायालयाच्या निर्देशानुसार हे प्रकरण तपासासाठी सीबीआयकडे सोपवण्यात आले होते.

मनी लाँड्रिंग अंतर्गत समन्स जारी

या प्रकरणाचा तपास केल्यानंतर सीबीआयने फारुख अब्दुल्ला आणि त्यांच्या सहकाऱ्यांविरुद्ध न्यायालयात आरोपपत्र दाखल केले होते. ईडीच्या एका वरिष्ठ अधिकाऱ्याने दिलेल्या माहितीनुसार, एफआयआरच्या आधारे अंमलबजावणी संचालनालयाने मनी लाँडरिंग कायद्यांतर्गत तपास सुरू केला आहे. केंद्रीय तपास यंत्रणा आता या प्रकरणाचा तपास करत आहे. मनी लाँडरिंग प्रतिबंधक कायद्यान्वये फारुख अब्दुल्ला यांना हे समन्स बजावण्यात आले आहे. फारुख अब्दुल्ला यांना 31 मे रोजी ईडीच्या दिल्लीतील मुख्यालयात बोलावण्यात आले आहे.

या प्रकरणी ईडीने 11 कोटींहून अधिकची संपत्ती जप्त केली आहे

दरम्यान, 2019 मध्येही या घोटाळ्याबाबत फारुख अब्दुल्ला यांची चौकशी करण्यात आली होती. या प्रकरणी फारुख अब्दुल्ला यांच्या इतर साथीदारांचीही चौकशी करण्यात आली होती. ईडीच्या म्हणण्यानुसार या प्रकरणात 11 कोटींहून अधिकची संपत्ती जप्त करण्यात आली आहे. सध्या ईडी मंगळवारी सकाळी 11 वाजल्यापासून फारुख अब्दुल्ला यांची पुन्हा एकदा चौकशी करणार आहे. या चौकशीमुळे जम्मू-काश्मीरच्या राजकारणात पुन्हा एकदा आरोप-प्रत्यारोपांच्या फैरी सुरू होऊ शकतात.