धनंजय मुंडेंच्या राजीनाम्याला 2 महिने पूर्ण, मंत्रालयातील पाटी निघेना, कार्यालयही रिक्त; चर्चा तर होणारच

धनंजय मुंडे यांनी मंत्री पदाचा राजनामी देऊन आता जवळपास दोन महिने पूर्ण होतील. मात्र, अद्यापही मंत्री म्हणून मंत्रालयातील धनंजय मुंडे यांच्या नावाची पाटी कायम ठेवलेली आहे.

Dhananjay munde resignation after 2 month

Source : abp

मुंबई : बीड (Beed) जिल्ह्यातील मस्साजोगचे सरपंच संतोष देशमुख यांच्या हत्येनंतर राज्यभरातून तीव्र निषेध व्यक्त करत आंदोलन करण्यात आले. या घटनेनंतर बीडमधील गुन्हेगारी व दहशत हा मुद्दा प्रचंड गाजला. संतोष देशमुख हत्या आणि खंडणीप्रकरणात आरोपी वाल्मिक कराडसह 7 जणांना पोलिसांनी अटकही केली आहे. त्यातच, अर्थसंकल्पीय अधिवेशनाच्या दुसऱ्याच दिवशी मंत्री धनजंय मुंडेंचा (Dhananjay munde) राजीनामा घेण्यात आला. दोषारोपपत्र दाखल होताच संतोष देशमुख यांना झालेल्या मारहाणीचे फोटो समोर आल्यानंतर मुख्यमंत्र्यांनी धनंजय मुंडेंना राजीनामा (Resignation) देण्यास भाग पाडले. त्यामुळे, इच्छा नसतानाही मुंडेंनी आपला मंत्रिपदाचा राजीनामा दिला. मात्र, अद्यापही मंत्रालयातील त्यांच्या कार्यालयात त्यांच्या नावाची पाटी झळकत आहे. त्यामुळे, धनंजय मुंडेंच्या नावाची पाटी कायम ठेवण्यामागे कारण काय, असा सवाल अनेकांना पडला आहे.

धनंजय मुंडे यांनी मंत्री पदाचा राजनामी देऊन आता जवळपास दोन महिने पूर्ण होतील. मात्र, अद्यापही मंत्री म्हणून मंत्रालयातील धनंजय मुंडे यांच्या नावाची पाटी कायम ठेवलेली आहे. विशेष म्हणजे मंत्रालयात मंत्र्यांची अनेक कार्यलये जागेअभावी विखुरलेली आहेत. मात्र, दुसरीकडे धनंजय मुंडे यांच्या नावाच्या पाटीसह दालन रिक्त ठेवण्यात आलेल आहे. यावरुन अनेक तर्क वितर्क काढले जात आहेत. एरव्ही मंत्री पदाचा राजीनामा झाल्यानंतर तात्काळ नावाच्या पाट्या हटवल्या जातात. मात्र, इथे वेगळी भुमिका का? असा प्रश्न उपस्थित केला जातोय. उपमुख्यमंत्री अजित पवार यांच्याकडून राजीनामा घेण्यासाठी टाळाटाळ केली जात असल्याचा आरोपही सामाजिक कार्यकर्त्या अंजली दमानिया यांनी केला होता. त्यामुळे, मुंडेंच्या कार्यालयाची पाटी न काढण्याचे नेमकं कारण काय, असा सवाल उपस्थित होत आहे.

दरम्यान, धनंजय मुंडेंनी आपल्या मंत्रिपदाचा राजीनामा दिल्यानंतर आपण आजारी असल्याने कारणाने, प्रकृती स्वास्थ्यासाठी राजीनामा देत आहोत, असे धनंजय मुंडेंनी म्हटले होते. त्यामुळेही, त्यांच्यावर टीकेची झोड उठली होती. संतोष देशमुख हत्याप्रकरणात त्यांचे निकटवर्तीय वाल्मिक कराड असल्याने त्यांची नैतिक जबाबदारी म्हणून राजीनामा देणे क्रमप्राप्त होते, असे मुख्यमंत्री देवेंद्र फडणवीस यांनी म्हटले होते. तर, याच कारणामुळे सातत्याने बीडमधील इतर लोकप्रतिनिधी आणि सामाजिक कार्यकर्त्या अंजली दमानिया यांनी देखील धनंजय मुंडेंच्या राजीनाम्याची सातत्याने मागणी केली होती. त्यासाठी, त्यांनी उपमुख्यमंत्री अजित पवारांना भेटून सर्व पुरावेही दिले होते. 

हेही वाचा