Pune Jain Boarding Land: पुण्यातील जैन बोर्डिंग हॉस्टेलच्या जमीनविक्री प्रकरणात मुख्यमंत्री देवेंद्र फडणवीसांची एन्ट्री, मोठं आश्वासन दिलं, नक्की काय घडलं?
Pune Jain Boarding hostel: पुण्यातील जैन बोर्डिंग हॉस्लेटची जमीनविक्रीच्या मुद्द्यावरुन सत्ताधारी गटातील नेत्यांवर गंभीर आरोप झाले आहेत. याप्रकरणात आता देवेंद्र फडणवीसांनी लक्ष घातले आहे.
Pune Jain Boarding House land: पुणे शहरात मोक्याच्या जागी असलेल्या जैन बोर्डिंग हॉस्टेलची (Jain Boarding hostel Land) जागा सत्ताधारी गटातील नेत्यांनी संगनमत करुन परस्पर विकल्याच्या मुद्द्यावरुन सध्या राजकीय वाद पेटला आहे. गेल्या अनेक वर्षांपासून राज्याच्या कानाकोपऱ्यातून आलेल्या वंचित समाजाच्या विद्यार्थ्यांना या वसतीगृहामध्ये आसरा मिळायचा. मात्र, ही जागा बेकायदेशीरपणे विकण्यात आल्याचा आरोप करत जैन समाज (Jain Community) प्रचंड आक्रमक झाला आहे. जैन समाजाकडून शुक्रवारी पुणे जिल्हाधिकारी कार्यालयावर मोर्चा काढण्याची हाक देण्यात आली होती. या पार्श्वभूमीवर मुख्यमंत्री देवेंद्र फडणवीस (Devendra Fadnavis) यांनी या प्रकरणाची तातडीने दखल घेत या प्रकरणार हस्तक्षेप केला आहे. (Pune News)
मुख्यमंत्री देवेंद्र फडणवीस यांनी पुण्यातील जैन बांधवांना आंदोलन स्थगित करण्याची विनंती केली आहे. तसेच त्यांनी जैन बांधवांना एक निरोपही पाठवला आहे. मी तुमच्या भावना दुखावून देणार नाही. मी या प्रकरणात लक्ष घालेन, असे देवेंद्र फडणवीस यांनी म्हटले. मात्र, राजू शेट्टी यांनी आक्रमक भूमिका घेत, आम्हाला असली आश्वासनं नकोत, असा पवित्रा घेतला आहे. जैन बोर्डिंग हाऊसच्या जमिनीचा विक्रीचा व्यवहार रद्द झाल्यावरच आम्ही विश्वास ठेवू. तोपर्यंत आमचा लढा हा सुरुच राहील. दिवाळीनंतर या जमीनविक्री व्यवहाराला स्टे देण्याची ऑर्डर घेऊन मुख्यमंत्र्यांनी पुण्याला यावे. आम्ही त्यांचा सत्कार करु, असे राजू शेट्टी यांनी म्हटले.
Pune News: पुण्यातील जैन बोर्डिंग हॉस्टेलच्या जागेच्या विक्रीबाबत रोहित पवारांचा गंभीर आरोप
जैन बोर्डिंग हॉस्टेल विक्री प्रकरणावरुन आमदार रोहित पवार यांनी गंभीर दोषारोप केले आहेत. पुण्यातील जैन धर्मियांची मोक्याची तब्बल साडेतीन एकर जागा अनेक कटकारस्थाने करून हडपली गेली आहे. यामध्ये आर्थिक लाभासाठी सरकारमधील काही नेत्यांचाच हस्तक्षेप मोठ्या प्रमाणात असून काही नेत्यांचे नातलगही यामध्ये पार्टनर असल्याचे कळते. इतर वेळेस स्वतःला हिंदुत्ववादी म्हणवून घेणाऱ्या या लोकांनी धंदा आणि पैशांसाठी जैन मंदिरही गिळंकृत केलं. सत्तेचा वरदहस्त असेल तर फाईली किती वेगाने पळतात हे नवी मुंबईत सिडको प्रकरणात दिसलंच तसं या प्रकरणातही दिसून येत आहे. या प्रकरणाची सखोल चौकशी होऊन जैन बांधवांना न्याय मिळाला पाहिजे. त्यासाठी जैन मंदिराची जमीन हडपणाऱ्यांविरोधात आम्ही जैन बांधवांच्या लढ्यात सोबत आहोत. सरकारनेही यात हस्तक्षेप करुन त्यांना त्यांना न्याय मिळवून द्यावा, अन्यथा या प्रकरणाचे सर्व पुरावे आमच्याकडे असल्याने आम्ही या पुराव्यांसह रस्त्यावर उतरु, असा इशाराही रोहित पवार यांनी दिला आहे.
आणखी वाचा
महत्त्वाच्या बातम्या
