Sushma Andhare: "विषय संपला", ठाकरे-फडणवीस भेटीवर सुषमा अंधारेंची मोठी प्रतिक्रिया!

चंद्रकांत पाटील यांनी विरोधी पक्षनेत्यांना एक  चॉकलेट दिले यावर सुषमा अंधारेंनी टीका केली आहे. चंद्रकांत पाटील आणि त्यांच्या पक्षाने आम्हाला विश्वासघाताचे विषारी घोट पाजले आहेत, असे त्या म्हणाल्या.

Sushma Andhare

पुणे : विधिमंडळात आज उपमुख्यमंत्री देवेंद्र फडणवीस आणि माजी मुख्यमंत्री उद्धव ठाकरे (Devendra Fadnavis & Uddhav Thackeray in One Lift)  यांनी एकाच लिफ्टमध्ये प्रवास केला. लिफ्टमध्ये प्रवास केला नागही तर  दोन्ही नेत्यांनी संवाद साधला. त्या तीन मिनिटाच्या प्रवासाने महाराष्ट्राच्या राजकरणात मोठी खळबळ उडाली आहे. अनेक चर्चांना उधाण आले आहे. या भेटीवर  शिवसेना उद्धव ठाकरेच्या नेत्या सुषमा अंधारेंनी (Sushma Andhare)  प्रतिक्रिया दिली आहे. आम्ही  फडणवीस यांच्या नावावर आता फुली मारली आहे  त्यामुळे विषय संपला आहे, अशी प्रतिक्रिया सुषमा अंधारेंनी दिली आहे.  त्या पुण्यात बोलत होत्या.  

सुषमा अंधारे म्हणाल्या,  उद्धव साहेबांना एका ताटात जरी घेऊन फडणवीस जेवले तरी आम्ही फडणवीस यांच्या नावावर आता फुली मारली आहे,   म्हणजे विषय संपला आहे. एकत्र येणार वगैरे काहीही असं नाही. योगायोगाने आपल्याकडे लिफ्ट पाच-पन्नास नाही त्यामुळे एकाच लिफ्टमधून ते गेले की याचा अर्थ लगेच एकत्र आले असा होत  नाही.

भाजपने आम्हाला विश्वासघाताचे विषारी घोट पाजले : सुषमा अंधारे

चंद्रकांत पाटील यांनी विरोधी पक्षनेत्यांना एक  चॉकलेट दिले तसेच अनिल परबांना अॅडव्हान्स शुभेच्छा दिल्या, यावर सुषमा अंधारे म्हणाल्या,   चंद्रकांत पाटील आणि त्यांच्या पक्षाने आम्हाला विश्वासघाताचे विषारी घोट पाजले आहेत. हे विश्वासघाताचे विषारी घोट सुद्धा पचवून आम्ही परत उभा राहिलो आहे. माध्यमांच्या समोर जरी चंद्रकांत पाटील यांनी चॉकलेट दिले असले तरी आमची त्यांना विनंती आहे की,  जनतेला आश्वासनांचे चॉकलेट देऊ नका.   तुमच्या अशा चॉकलेटनी आम्ही तुम्हाला जनतेच्या समस्यांबाबत प्रश्न विचारणार नाही या भ्रमात राहू नका. मेरा यार मेरा दुश्मन हा चित्रपट पुन्हा एकदा बघून घ्या याचा काहीही परिणाम होणार नाही.

छगन भुजबळांच्या प्रवेशावर सुषमा अंधारे म्हणाल्या... (Sushma Andhare On Chhagan Bhujbal) 

छगन भुजबळांच्या शिवसेना प्रवेशावर  सुषमा अंधारे म्हणाल्या,  वर्धापन दिनादिवशी उद्धव साहेबांनी हे स्पष्ट केला आहे की, कुठली चर्चा झाली नाही आम्ही कुणासोबत जाणार नाही म्हणजे जाणार नाही .  

विधिमंडळात नेमकं काय घडले?

विधिमंडळात एकाहून एक धक्कादायक घटनांचा सिक्वेन्स पाहायला मिळाला. विधिमंडळात लिफ्टपाशी उद्धव ठाकरे आणि देवेंद्र फडणवीस दोन्ही नेते एकाचवेळी येऊन थांबले. यावेळी दोन्ही नेत्यांमध्ये जुजबी संवाद झाला. लोकसभा निवडणुकीत उद्धव ठाकरे आणि फडणवीस यांनी एकमेकांवर जोरदार टीका केली होती. त्यामुळे दोघांमध्ये कटुता निर्माण झाली होती. या पार्श्वभूमीवर दोन्ही नेत्यांमधील तोंडदेखला का होईना पण झालेला संवाद हा महत्त्वाचा मानला जात आहे.

Video :

हे ही वाचा :