Bharat Jodo Yatra: 'आम्ही जिंकलो, त्यांनी आमदार विकत घेतले', राहुल गांधींचा मध्य प्रदेशात भाजपवर हल्लाबोल
Rahul Gandhi Attack On BJP: काँग्रेसची भारत जोडो यात्रेचा प्रवास आता मध्य प्रदेशमध्ये सुरु झाला आहे. मध्य प्रदेशमधील बुरहानपूरमध्ये ही यात्रा पोहोचली असून यावेळी सभेला संबोधित करताना काँग्रेसने राहुल गांधी यांनी भाजपवर हल्लाबोल केला आहे.
Rahul Gandhi Attack On BJP: काँग्रेसची भारत जोडो यात्रेचा प्रवास आता मध्य प्रदेशमध्ये सुरु झाला आहे. मध्य प्रदेशमधील बुरहानपूरमध्ये ही यात्रा पोहोचली असून यावेळी सभेला संबोधित करताना काँग्रेसने राहुल गांधी यांनी भाजपवर हल्लाबोल केला आहे. ते म्हणाले की, आम्ही मध्य प्रदेशात निवडणूक जिंकलो, आमचे सरकार होते. पण 20-25 भ्रष्ट आमदारांना कोट्यवधी रुपये देऊन विकत घेतले गेले आणि त्यांनी सरकार बनवली.
राहुल गांधी म्हणाले की, आम्ही भारत जोडो यात्रा सुरू केली कारण सर्व लोकशाही मार्ग बंद होते. लोकसभा बंद पडली, निवडणुकीचा मार्ग बंद झाला आणि माध्यमांचा मार्गही बंद झाला. ते म्हणाले, ते (भाजप) आमदारांना विकत घेतात, माध्यमही त्यांचे आहेत. अशा परिस्थितीत आवाज उठवण्यासाठी काँग्रेसला हा प्रवास सुरू करावा लागला. ते म्हणाले की, सरकार विरोधकांचा आवाज दाबत आहे. आवाज उठवण्याच्या सर्व लोकशाही पद्धती बंद झाल्या. केवळ निवडणुकीच्या माध्यमातून आपण लोकांपर्यंत पोहोचू शकत नाही.
राहुल गांधी पुढे म्हणाले की, आम्ही हा प्रवास दोन महिन्यांपूर्वी कन्याकुमारीहून सुरू केला होता. आतापर्यंत 2 हजार किलोमीटरचा प्रवास केला असून लाखो लोक आमच्या सोबत चालले आहेत. भारत जोडो यात्रेबाबत राहुल गांधी पुढे म्हणाले की, तामिळनाडूतून सुरू झालेला प्रवास केरळमार्गे महाराष्ट्रात पोहोचला आणि आता आम्ही मध्य प्रदेशात आहोत. या यात्रेत केरळमध्ये लाखो लोक सामील झाले, त्यानंतर महाराष्ट्रातील लोकही आमच्यात सामील झाले.
मध्यप्रदेश में हम चुनाव जीत गए। हमारी सरकार थी और करोड़ों रुपए देकर 20-25 भ्रष्ट विधायक खरीद लिए और सरकार बना ली।
— Congress (@INCIndia) November 23, 2022
हमने भारत जोड़ो यात्रा इसलिए शुरू की क्योंकि सब लोकतांत्रिक रास्ते बंद थे।
• लोकसभा बंद
• चुनाव का रास्त बंद
• प्रेस का रास्ता बंद
- श्री @RahulGandhi pic.twitter.com/zvTbYcwsha
राहुल म्हणाले की, भाजपने भारतात द्वेष, भीती आणि हिंसाचाराचे वातावरण निर्माण केले आहे. संसदेत आवाज उठवायचा प्रयत्न केला की माझा माईक बंद व्हायचा. मीडियामध्ये काही लोक माझे मित्र आहेत, पण ते माझे ऐकत नाहीत. त्यांच्यावरही दबाव असल्याचे त्यांनी सांगितले. मध्य प्रदेशात आम्ही निवडणूक जिंकलो, भाजपने आमदार विकत घेऊन सरकार स्थापन केले. आवाज उठवण्याच्या सर्व लोकशाही पद्धती बंद झाल्या. आम्हाला वाटले एकच मार्ग उरला आहे, सरळ रस्त्यावर या आणि थेट लोकांशी संपर्क साधा.
महत्त्वाच्या बातम्या
