संजय राऊत हाजीर हो...! दादा भुसे बदनामी प्रकरणी आज मालेगाव न्यायालयात सुनावणी

वृत्तपत्रातून चुकीचा व बदनामीकारक मजकूर प्रसिध्द केल्याचा आरोप करत दादा भुसे यांनी संजय राऊतांवर अब्रुनुकसानीचा खटला दाखल केला होता. याप्रकरणी आज मालेगाव न्यायालयात सुनावणी होणार आहे. 

Sanjay Raut

Source : PTI

Sanjay Raut मालेगाव :  वृत्तपत्रातून चुकीचा व बदनामीकारक मजकूर प्रसिध्द केल्याचा आरोप करत नाशिक जिल्ह्याचे पालकमंत्री दादा भुसे (Dada Bhuse) यांनी शिवसेना ठाकरे गटाचे खासदार संजय राऊतांवर (Sanjay Raut) अब्रुनुकसानीचा खटला दाखल केला होता. याप्रकरणी आज मालेगाव न्यायालयात (Malegaon Court) सुनावणी होणार आहे. 

दि. 2 डिसेंबरला संजय राऊत (Sanjay Raut) हे मालेगाव न्यायालयात हजर राहिले होते. या सुनावणीत न्यायालयाने त्यांना दिलासा दिला होता. संजय राऊत यांना याआधी जामीन मंजूर करण्यात आला होता. मात्र आज पुन्हा या प्रकरणी सुनावणी होणार आहे. आजच्या सुनावणीला संजय राऊत हजर राहतात की नाही याकडे सर्वांचे लक्ष लागले आहे.

काय आहे प्रकरण?

शिवसेना नेते खा.संजय राऊत यांनी दै.सामना या वृत्तपत्रात गिरणा सहकारी साखर कारखान्यात मंत्री दादा भुसे यांनी 178 कोटी रुपयांचा शेअर्स घोटाळा केल्याचा चुकीचा व बदनामीकारक मजकूर प्रसिध्द केल्याचा आरोप करत नाशिक जिल्ह्याचे पालकमंत्री दादा भुसे यांनी खा.संजय राऊत यांच्यावर मालेगावच्या न्यायालयात अब्रुनुकसानीचा खटला दाखल केला आहे. ज्येष्ठ विधीज्ञ सुधीर अक्कर यांच्या मार्फत दाखल केलेल्या या फौजदारी खटल्यात मंत्री दादा भुसे यांची जन सामन्यांमध्ये प्रतिमा मलिन करण्याच्या उद्देशाने दै.सामना या वर्तमानपत्रातून बदनामी केल्याने आरोप खा.संजय राऊत यांच्यावर करण्यात आला आहे.

संजय राऊतांनी केली होती दादा भूसेंवर टीका

कोर्टाने दोन्ही नेत्यांना तडजोड करु शकता का? असं विचारलं. त्यावर मी नाही म्हणून सांगितलं. आता याप्रकरणी  3 फेब्रुवारीला पुढील सुनावणी होणार आहे. चोराला चोर म्हणण्याचा अधिकार संविधानाने दिला आहे. चोराला महात्मा मी म्हणू शकत नाही, तो घटनेचा अपमान होईल. तुम्ही अद्वय हिरेंना तुरुंगात टाकता, मग दादा भुसेंचा 178 कोटींचा घोटाळा असताना तुम्ही त्यांना अटक का करत नाही? मी घाबरत नाही, पाय लावून पळत नाही डरपोक आहोत का? तुमच्यासारखं नाही, नोटीस आली की गेले दुसऱ्या कोर्टात. संजय राऊतने कधी माफी मागितली नाही, सत्य सत्य आहे तर माफी का? दादा भुसे यांनी शेतकऱ्यांची माफी मागावी. 2024 नंतर सर्व दखल घेतली जाईल, आम्ही हिशोब मागत आहोत, ते काय पुरावा मागतात,तुरंगात जाण्याची तयारी ठेवा, असे संजय राऊत म्हणाले होते. 

इतर महत्वाच्या बातम्या