Nagpur Pench Tiger Project: नागपूरच्या पेंच व्याघ्र प्रकल्पात पर्यटकांसाठी खास 'सायकल सफारी'

पेंच व्याघ्र प्रकल्पात कोलीतमारा ते कुवाराभिवसेन दरम्यान तब्बल 48 किमी लांबीची "चितल सायकल सफारी" पर्यटकांसाठी सुरू करण्यात आली आहे.

Pench Tiger Project

नागपूर:  राज्यात सध्या वन्यजीव सप्ताह सुरू आहे. मान्सूननंतर नुकतच राज्यातील अभयारण्य आणि व्याघ्र प्रकल्प पर्यटकांसाठी सुरु करण्यात आलं आहे. यानिमित्त नागपूरच्या (Nagpur) पेंच व्याघ्र (Pench Tiger Project) प्रकल्पात पर्यटकांसाठी खास "सायकल सफारी" ही सुरू करण्यात आली आहे. आता पर्यटकांना जिप्सी सफारीसह सायकल सफारीचा आनंदही घेता येणार आहे. विशेष म्हणजे या सायकल सफारीदरम्यान पर्यटकांसोबत सायकलवर चालणरे मार्गदर्शक (गाईड) देखील मिळणार आहे. सध्या या सायकल सफारीला चांगला प्रतिसाद मिळत आहे.

पेंच व्याघ्र प्रकल्पात कोलीतमारा ते कुवाराभिवसेन दरम्यान तब्बल 48 किमी लांबीची "चितल सायकल सफारी" पर्यटकांसाठी सुरू करण्यात आली आहे. या सायकल सफारी दरम्यान पर्यटकांना सोबत सायकलवर चालणरे मार्गदर्शक (गाईड) ही मिळणार आहे. जंगलात एखादी आव्हानात्मक परिस्थिती निर्माण झाल्यास त्याला कसं सामोर जायचं यासाठी हे मार्गदर्शक प्रशिक्षित असणार आहेत. सोबतच त्यांच्याकडे प्रथमोपचार किटसह अडचणीच्या प्रसंगी आवश्यक औषध आणि साहित्यही उपलब्ध असणार आहे. या सायकल सफारीसाठी अत्याधुनिक गेअर असलेल्या सायकल वन विभागाकडूनच उपलब्ध होणार आहे. त्यासाठी तीनशे रुपये प्रति सायकल असा दर आहे.

या सायकल सफारी दरम्यान पर्यटक घनदाट जंगलात, वळणदार रस्त्यांवर, निसर्ग संपन्न वन क्षेत्राच्या सानिध्यात सायकल चालवण्याचा आनंद घेता येणार आहे. शिवाय वन्य प्राणी, पक्षी, कीटक यांचे अवलोकन ही ते करू शकणार आहे.  सध्या या सायकल सफारीला चांगला प्रतिसाद मिळत आहे.

कशी असेल राज्यातील पहिली जंगल सायकल सफारी? 

•  कोलितमारा ते कुवारा भिवसिंग अशी एकूण 48 किलोमीटर चे अंतर
• निसर्गरम्य वातावरणात घनदाट जंगलातून सायकल सफारीचा ट्रेक असल्याने ही आरोग्यदायी सफारी
• 48 किलोमीटरच्या सफारी दरम्यान हरीण, चितळ, सांभार सारखे तृणभक्षी, विविध प्रजातीचे पक्षी, फुलपाखरू, कीटक आणि नशीब चांगले असल्यास वाघ ही पाहायला मिळेल 
•  सायकल सफारीसाठी वन विभाग 300 रू दराने अत्याधुनिक सायकल देणार
• स्वतःची सायकल वापरायची असल्यास 100 रुपये दर
• सोबत वायरलेस सेट, प्रथमोपचार किट, आणि अत्यावश्यक वस्तूंसह प्रशिक्षित गाईड ही राहणार..
• सायकल सफारीच्या मार्गावर अनेक आदिवासी गाव त्या ठिकाणी रिफ्रेशमेंट घेता येईल

हे ही वाचा :