Maharashtra Assembly Winter Session 2023 LIVE: मराठा आरक्षणावर आज दोन्ही सभागृहात चर्चा होणार, विधानभवनावर दहा मोर्चे धडकणार, प्रत्येक अपडेट जाणून घ्या

Maharashtra Assembly Winter Session 2023 LIVE Updates: मराठा आरक्षणावर मंगळवारी सुरु झालेली चर्चा आजही दिवसभर सुरु राहिल. विधानसभेत सकाळी 11 पासून चर्चेला सुरुवात होईल.

Background

Maharashtra Assembly Winter Session 2023 LIVE Updates: मराठा आरक्षणावर मंगळवारी सुरु झालेली चर्चा आजही दिवसभर सुरु राहिल. विधानसभेत सकाळी 11 पासून चर्चेला सुरुवात होईल. तर विधानपरिषदेत आज दुपारी साडेतीन वाजता चर्चा होणार आहे. तर दुसरीकडे आज एकूण दहा मोर्चे विधानभवनावर धडकणार आहेत. यामध्ये प्रामुख्याने संगणक परिचालकांचा मोर्चा तसंच लहुजी शक्ती सेनेचा मोर्चा लक्षणीय ठरण्याची शक्यता आहे. याशिवाय शाहीर आणि कलावंतांचा मोर्चा तसेच कंत्राटी वीज कर्मचाऱ्यांचा मोर्चाही महत्त्वाचा ठरणार आहे. याशिवाय बारसू रिफायनरीच्या मुद्द्यावर ठाकरे गट आक्रमक होण्याची शक्यता आहे. बारसूमधील माती परीक्षणावेळी झालेल्या आंदोलनादरम्यान 300 पेक्षा जास्त जणांवर गुन्हे दाखल झाले होते. हे गुन्हे मागे घेण्याच्या मागणीसाठी आज सर्व आमदार उपमुख्यमंत्री देवेंद्र फडणवीसांना भेटून पत्र देणार आहेत.

11:24 AM (IST)  •  13 Dec 2023

Maharashtra Assembly Winter Session LIVE: 55 हजार 520 कोटींच्या पुरवणी मागण्या मंजूर

Maharashtra Assembly Winter Session 2023 LIVE Updates: विधीमंडळात दोन दिवसांच्या चर्चेनंतर 55 हजार 520 कोटींच्या पुरवणी मागण्या मंजूर, पुरवणी मागण्यांच्या माध्यमातून पायाभूत सुविधानिर्मिती, विकासाची संधी सर्वसामान्यांपर्यंत पोहचवण्याचा प्रयत्न करणार, उपमुख्यमंत्री अजित पवारांचं आश्वासन.

11:23 AM (IST)  •  13 Dec 2023

Hiwali Adhiveshan: विठ्ठलाच्या प्रसादाचा लाडू निकृष्ट दर्जाचा, लेखापरीक्षण अहवालातील निष्कर्ष

Pandharpur Ladoo: पंढरीला येणारे वारकरी मोठ्या भक्तिभावाने विठूराया लाडूचा प्रसाद घेऊन जातात. प्रसादाचा हा लाडू निकृष्ट दर्जाचा असून तो तयार होणाऱ्या कारखान्यात स्वच्छतेचा अभाव आहे, असा निष्कर्ष लेखापरीक्षण अहवालात नोंदवण्यात आला आहे. तसंच या लाडूच्या सेवनाने भक्तांच्या आरोग्याला अपाय होऊ शकतो, असा इशारा देण्यात आलाय. नागपुरातील विधिमंडळाच्या हिवाळी अधिवेशनात ‘श्री विठ्ठल-रुक्मिणी मंदिर समिती’चा वर्ष 2020-21 चा लेखापरीक्षण अहवाल आणि त्यावरील अनुपालन अहवाल सादर झाला. त्यात प्रसाद म्हणून देण्यात येणाऱ्या लाडूसंदर्भात गंभीर बाबी समोर आल्या आहेत.

11:22 AM (IST)  •  13 Dec 2023

Hiwali Adhiveshan 2023 LIVE Updates: हिवाळी अधिवेशनाच्या पाचव्या दिवशी विधिमंडळावर धडकणार दहा मोर्चे

Hiwali Adhiveshan 2023 LIVE Updates: हिवाळी अधिवेशनाच्या पाचव्या दिवशी विधिमंडळावर धडकणार दहा मोर्चे, संगणक परिचालक आणि लहुजी शक्ती सेनेचा मोर्चा लक्षणीय ठरण्याची शक्यता.

आज एकूण दहा मोर्चे विधानभवनावर धडकणार आहेत. यामध्ये प्रामुख्याने संगणक परिचालकांचा मोर्चा तसंच लहुजी शक्ती सेनेचा मोर्चा लक्षणीय ठरण्याची शक्यता आहे. याशिवाय शाहीर आणि कलावंतांचा मोर्चा तसेच कंत्राटी वीज कर्मचाऱ्यांचा मोर्चाही महत्त्वाचा ठरणार आहे. 

11:21 AM (IST)  •  13 Dec 2023

Winter Session 2023 LIVE: माजी मंत्री नवाब मलिक विधिमंडळ अधिवेशनाच्या कामकाजात सहभागी होणार नाहीत

Nawab Malik, Winter Session 2023 LIVE: माजी मंत्री नवाब मलिक विधिमंडळ अधिवेशनाच्या कामकाजात सहभागी होणार नाहीत. प्रकृती ठीक नसल्याने डॉक्टरांनी दिला आराम करण्याचा सल्ला.  मलिक पुढील आठवड्यात कामकाजात सहभागी होण्याची शक्यता.

11:20 AM (IST)  •  13 Dec 2023

Shiv Sena MLA Disqualification Case: शिवसेना आमदार अपात्रतेचा निकाल 20 डिसेंबरपर्यंत? राहुल नार्वेकरांनी दिली महत्त्वाची माहिती

Shiv Sena MLA Disqualification Case: शिवसेना आमदार अपात्र प्रकरणाचा 20 तारखेपर्यंत निकाल देण्याचा प्रयत्न, राहुल नार्वेकरांची माहिती.

विधानसभा अध्यक्ष राहुल नार्वेकर म्हणाले की, "आपल्या सर्वांना माहीत आहे की विधिमंडळाचे अधिवेशन सुरू आहे. सातत्यानं सकाळ आणि संध्याकाळी जवळपास दररोज सात तास सुनावणी घेऊन साक्ष पूर्ण झालेली आहे. आता पुढील कार्यवाही पूर्ण करून हे प्रकरण निकालासाठी क्लोज करायचे, असं मी प्रस्तावित केलं आहे. त्या अनुशंगाने सर्वांच्या सहकार्याने 20 तारखेपर्यंत हे कार्य पूर्ण करायचा माझा प्रयत्न आहे."