Sana Khan Case: मोठी बातमी! सना खान प्रकरणाला नवं वळण? आरोपीच्या घरातून मोबाईन अन् लॅपटॉप जप्त
Sana Khan Murder Case: सना खान हत्या प्रकरणातील प्रमुख आरोपी अमित साहूच्या आईच्या घरातून हे मोबाईल आणि लॅपटॉप जप्त करण्यात आले असल्याची माहिती पोलिसांच्या वतीनं देण्यात आली आहे.
Sana Khan Murder Case : नागपूर : राज्यासह (Maharashtra News) संपूर्ण देश हादरवणाऱ्या नागपुरातील (Nagpur Crime News) सना खान हत्या प्रकरणी (Sana Khan Murder Case) एक मोठी अपडेट समोर आली आहे. भाजपच्या (BJP) अल्पसंख्यांक आघाडीच्या पदाधिकारी सना खान हत्या प्रकरणी एक मोबाईल फोन (Mobile) आणि एक लॅपटॉप (Laptop) जप्त करण्यात नागपूर पोलिसांना यश आलं आहे. जबलपूरमधून (Jabalpur) जप्त झालेले ते मोबाईल सना खान यांचेच असल्याची खात्रीलायक माहिती पोलिसांच्या हाती लागली आहे.
सना खान हत्या प्रकरणातील प्रमुख आरोपी अमित साहूच्या आईच्या घरातून हे मोबाईल आणि लॅपटॉप जप्त करण्यात आले असल्याची माहिती पोलिसांच्या वतीनं देण्यात आली आहे. नागपूर पोलिसांच्या विशेष पथकानं जप्तीची कारवाई केली आहे. त्यामुळे लवकरच या प्रकरणी काही नव्या घडामोडी घडू शकतात, अशी शक्यता निर्माण झाली आहे.
सना खान हत्या प्रकरणी नागपूर पोलिसांनी मुख्य आरोपी अमित साहूची 'पोलिग्राफ टेस्ट' आणि 'लाय डिटेक्टर टेस्ट' करण्याचं ठरवलं असून त्यासाठी कायदेशीर प्रक्रिया सुरू केली आहे. भाजप पदाधिकारी सना खान काही महिन्यांपूर्वी मध्य प्रदेशातील जबलपूरला जाऊन बेपत्ता झाल्या होत्या. त्यानंतर अमित साहू नावाच्या त्यांच्या मित्रानंच त्यांची हत्या केल्याचं समोर आलं होतं. मात्र आजवर सना खान यांचा मृतदेह पोलिसांच्या हाती लागलेला नाही. सना खान यांचे मोबाईल फोनही पोलिसांना मिळालेले नव्हते. मात्र, गेल्या काही दिवसांत नागपूर पोलिसांनी याप्रकरणी नव्या दमानं तपास सुरू केल्यानंतर महत्त्वाचे धागेदोरे पोलिसांच्या हाती लागले आहेत.
सना खान हत्या प्रकरण नेमकं काय?
सना खान या पश्चिम नागपुरातील भाजपच्या स्थानिक कार्यकर्त्या होत्या. 1 ऑगस्ट रोजी त्या जबलपूरमध्ये बिझनेस ट्रिपला गेल्या होत्या, तेव्हापासून त्या बेपत्ता होत्या. मिळालेल्या माहितीनुसार, जबलपूरमधील हॉटेल व्यवसायिक अमित साहू उर्फ पप्पूसोबत त्यांची मैत्री होती. काही जण दोघांनी लग्न केल्याचाही दावा करतात. त्याच अमित साहूसोबत 1 ऑगस्टच्या संध्याकाळी सना खान यांचं व्हिडीओ कॉलवर जोरदार भांडण झालं. कधीकाळी अमित साहूला भेट म्हणून दिलेली सोन्याची चेन त्याच्या गळ्यात दिसून न आल्यामुळेच रागवलेल्या सना खान यांनी जबलपूरचा मार्ग धरला होता. सना खान या जबलपूरला पोहोचल्यावर दुसऱ्या दिवशी सकाळी सात वाजता त्यांनी नागपुरातील आपल्या कुटुंबीयांना फोन केला होता. यावेळी त्यांनी त्यांच्या घरच्यांना सुखरुप पोहोचल्याचं कळवलं होतं. पण, सनाने त्यांच्या घरच्यांना फोन करुन कळवल्यानंतर त्यांचा फोन बंद झाला आणि त्यादेखील पुन्हा परतल्याच नाहीत. त्यानंतर अमित साहूने हत्या केल्याची कबुली दिली होती. परंतु त्यांचा मृतदेह अद्याप सापडलेला नाही.
महत्त्वाच्या बातम्या
ट्रेंडिंग न्यूज
