पायावर फावडा मारला, हाड तुटलं, तलाठ्याला सोडून महसूल अधिकारी पळून गेले, गस्तीवरच्या महसूल पथकावर वाळू माफियांचा हल्ला
हल्लेखोरांच्या तावडीत सापडल्याने तलाठ्याला जबर मारहाण करण्यात आली. तर अचानक झालेल्या हल्ल्यानंतर महसूल पथकातील इतर अधिकारी, कर्मचाऱ्यांनी जीव वाचवण्यासाठी नदीपात्रात वाट दिसेल तिकडे पळत सुटले.
Jalgaon Crime: अवैध वाळू वाहतूक रोखण्यासाठी मध्यरात्री अडीच वाजेच्या सुमारास गस्तीवर असलेल्या महसूल पथकावर 12 ते 15 वाळू माफियांनी अचानक हल्ला केल्याच्या घटनेने मोठी खळबळ उडली आहे. मध्यरात्री अडीच वाजेच्या सुमारास चांदसर बु. गावातील गिरणा नदी पात्रात घडली आहे. हल्लेखोरांच्या तावडीत सापडल्याने तलाठी दत्तात्रय पाटील यांना जबर मारहाण करण्यात आली. तर अचानक झालेल्या हल्ल्यानंतर महसूल पथकातील इतर अधिकारी, कर्मचाऱ्यांनी जीव वाचवण्यासाठी नदीपात्रात वाट दिसेल तिकडे पळत सुटले.यावेळी तलाठी दत्तात्रय पाटील हे हल्लेखोरांच्या तावडीत सापडल्याने त्यांना फावड्याने ,लाथा बुक्क्यांनी जबर मारहाण करण्यात आली. तलाठी दत्तात्रय पाटील यांच्या पायावर फावडे मारून पायाचे हाड मोडल्याने त्यांना जळगाव येथील दवाखान्यात दाखल करण्यात आले आहे. घटनेची माहिती मिळताच तहसीलदार महेंद्र सूर्यवंशी, सहाय्यक पोलीस निरीक्षक कंडारे हे घटनास्थळी पोहचले. दरम्यान, वाळू माफियांनी महसूल पथकावर केलेल्या हल्ल्यामुळे प्रचंड खळबळ उडालेली आहे.
18 डिसेंबर 2024 रोजी मध्यरात्री 2:15 धरणगाव येथील तहसील कार्यालयातील अवैध गौण खनिज उत्खनन व वाहतूक प्रतिबंधक पथकाने चांदसर बु ता धरणगाव येथिल गिरणा नदी पात्रात वाळू वाहतूक करणारे 2 ट्रॅक्टर नायब तहसिलदार महसूल संदीप मोरे, मंडळ अधिकारी लक्ष्मीकांत बाविस्कर, मंडळ अधिकारी प्रवीण बेंडाळे, तलाठी दत्तात्रय पाटील यांनी पकडले. घटनेची माहिती मिळताच ट्रॅक्टर चालक,मालक व वाळू भरणारे मजूर असे एकूण 12 ते 15 लोकांनी महसूलच्या पथकावर हल्ला चढवला.
नक्की घडले काय?
चांदसर बु. (ता. धरणगाव) येथील गिरणा नदीपात्रात मध्यरात्री महसूल पथकावर वाळू माफियांनी प्राणघातक हल्ला केला. या घटनेने महसूल विभाग आणि परिसरात खळबळ उडाली आहे. हल्ल्यात तलाठी दत्तात्रय पाटील गंभीर जखमी झाले असून, त्यांना जळगावच्या रुग्णालयात दाखल करण्यात आले आहे. या पथकामध्ये नायब तहसीलदार संदीप मोरे, मंडळ अधिकारी लक्ष्मीकांत बाविस्कर, मंडळ अधिकारी प्रवीण बेंडाळे, आणि तलाठी दत्तात्रय पाटील सहभागी होते.घटनेची माहिती मिळताच ट्रॅक्टर चालक, मालक आणि वाळू भरणारे मजूर असे 12 ते 15 जणांनी महसूल पथकावर अचानक हल्ला केला. या अनपेक्षित हल्ल्यामुळे महसूल पथकातील अधिकारी व कर्मचारी जीव वाचवण्यासाठी नदीपात्रात पळत सुटले. मात्र तलाठी दत्तात्रय पाटील हल्लेखोरांच्या तावडीत अडकले. तलाठ्याला फावड्याने आणि लाथा-बुक्क्यांनी मारहाण करण्यात आली. त्यांचे पायाचे हाड फावड्याने मारून जाणीवपूर्वक मोडण्यात आले. त्यानंतर त्यांना गंभीर अवस्थेत जळगाव येथील रुग्णालयात दाखल करण्यात आले. घटनेची माहिती मिळताच तहसीलदार महेंद्र सूर्यवंशी आणि सहाय्यक पोलीस निरीक्षक कंडारे यांनी घटनास्थळी धाव घेतली. महसूल पथकावर झालेल्या या हल्ल्यामुळे परिसरात खळबळ माजली असून, प्रशासनाने हल्लेखोरांविरोधात कठोर कारवाई करण्याची मागणी होत आहे. अवैध वाळू उत्खनन रोखण्यासाठी महसूल विभागाने रात्रगस्त सुरू केली आहे.
हेही वाचा:
सायबर चोरट्यांचा धोका वाढला, नेमकी कशी होते फसवणूक? या घटनांपासून वाचण्यासाठी काय करावं?
महत्त्वाच्या बातम्या
