Vande Sadharan Express: वंदे भारत एक्स्प्रेसनंतर आता प्रवाशांसाठी 'वंदे साधारण एक्स्प्रेस', एक्स्प्रेसची पहिली झलक 'माझा' वर
वंदे साधारण ही एक्सप्रेस नुकतीच चेन्नईच्या इंटिग्रल कोच फॅक्टरीमधून तयार होऊन मुंबईत दाखल झाली आहे.
मुंबई: वंदे भारत एक्स्प्रेसनंतर (Vande Bharat Expres) आता प्रवाशांसाठी 'वंदे साधारण एक्स्प्रेस' (Vande Sadharan Express) प्रवासांच्या सेवेत दाखल होणार आहे.वंदे भारतच्या धरतीवर बनवण्यात आलेली ही सर्वसामान्य प्रवाशांसाठी असलेली सुपरफास्ट नॉन एसी एक्सप्रेस आहे. LHB push pull ट्रेन म्हणजेच वंदे साधारण एक्सप्रेस प्रवाशांच्या सेवेत लवकरच दाखल होणार आहे. वंदे साधारण ही एक्सप्रेस नुकतीच चेन्नईच्या इंटिग्रल कोच फॅक्टरीमधून तयार होऊन मुंबईत दाखल झाली आहे.
वंदे भारतच्या धर्तीवर बनवण्यात आलेली ही सर्वसामान्य प्रवाशांसाठी असलेली सुपरफास्ट नॉन एसी एक्सप्रेस आहे. फेब्रुवारी 2019 मध्ये वंदे भारत ट्रेन सुरू झाल्यापासून उच्च आणि मध्यमवर्गीय प्रवाशांच्या पसंतीस उतरली मात्र गरीब आणि सर्वसाधारण प्रवाशांसाठी देखील त्याच दर्जाच्या सोयी आणि सुविधांसह कमी किमतीत प्रवास करण्यासाठी वंदे साधारण एक्सप्रेस बनवण्यात आली आहे. या एक्सप्रेसमध्ये पुश पुल टेक्नॉलॉजी असलेले दोन इंजिन पुढे आणि मागे लावण्यात आलेले आहेत. एक्सप्रेसमध्ये 12 स्लीपर नॉन एसी कोच, आठ जनरल कोच, आणि दोन कोच असणार आहेत.
मुंबई ते दिल्ली आणि मुंबई ते पटना त्या दोन मार्गांवर चालवण्याची शक्यता
पंतप्रधान नरेंद्र मोदी यांचा मजूर आणि कामगार वर्गासाठी हा ड्रीम प्रोजेक्ट आहे. ताशी 130 च्या वेगाने ही गाडी धावेल. या गाडीमध्ये पण ते भारत प्रमाणेच अनेक नवीन आणि अध्यायावत सोवी सुविधा देण्यात आलेले आहेत. या गाडीला खास असा भगवा आणि करडा रंग देण्यात आलेला आहे. सध्या तरी ही गाडी मुंबईमध्ये कसारा घाटात वेगवेगळे परीक्षण करण्यासाठी आणण्यात आलेली आहे. या परिसरांमध्ये ही गाडी पास झाली की ताबडतोब महत्त्वाच्या शहरांमध्ये ही गाडी चालवण्यात येण्याची घोषणा खुद्द पंतप्रधान नरेंद्र मोदी करणार आहेत. मुंबईमधून ही गाडी मुंबई ते दिल्ली आणि मुंबई ते पटना त्या दोन मार्गांवर चालवण्याची दाट शक्यता आहे.
वंदे भारत स्लीपर ट्रेन?
आता लवकरच स्लीपर वंदे भारत एक्सप्रेस ट्रेन आणि वंदे भारत मेट्रो ट्रेन भारतातील वेगवेगळ्या शहरांमध्ये धावणार आहे. यावर बोलताना इंटिग्रल कोच फॅक्टरी महाव्यवस्थापक बीजी मल्ल्या म्हणाले, ते या आर्थिक वर्षातच वंदे भारतची स्लीपर आवृत्ती लाँच करतील. या आर्थिक वर्षात वंदे मेट्रोही सुरू होणार असल्याचं त्यांनी सांगितलं
हे ही वाचा :
Before You Go
Abhijeet Dipke Delhi Airport : बाबासाहेबांचं पुस्तक हाती, अभिजीत दीपके दिल्लीत दाखल
महत्त्वाच्या बातम्या
