मुंबईतील विक्रोळीत शिक्षकानेच विद्यार्थ्यांचे केस कापले

मुंबई: विक्रोळीत शारीरिक शिक्षणाचे धडे देणाऱ्या शिक्षकानेच विद्यार्थ्यांचा अमानुष छळ केल्याची घटना घडली आहे. शिक्षकाने शिपायाच्या मदतीनं विद्यार्थ्यांच्या हेअरकटवर आक्षेप घेत त्यांचे केस स्वत: कापले आहेत. विक्रोळीतल्या कमळ वासुदेव वायकुळे या इंग्रजी माध्यमाच्या शाळेत हा धक्कादायक प्रकार घडला आहे. विद्यार्थ्यांनी योग्य हेअरकट न ठेवल्यानं शिक्षकांनं विद्यार्थ्यांना अशी विचित्र शिक्षा केल्याचं कळतं आहे. दरम्यान, पीडित विद्यार्थ्यांच्या पालकांच्या ही गोष्ट लक्षात येताच त्यांनी शिक्षक आणि शिपायाविरोधात विक्रोळी पोलिसांत तक्रार केली आहे.