Dasara Melava 2022 : बिकेसीचं मैदान शिंदे गटाकडे, पण दसरा मेळावा शिवतीर्थावरच घेण्यासाठी दोन्ही गटात चुरस
Dasara Melava 2022 : दसरा मेळाव्यावरुन ठाकरे आणि शिंदे गटात चढाओढ सुरू असताना ठाकरे गटाला मोठा धक्का बसला
Dasara Melava 2022 : दसरा मेळाव्यावरुन ठाकरे आणि शिंदे गटात चढाओढ सुरू असताना ठाकरे गटाला मोठा धक्का बसला आहे. कारण बीकेसीच्या एमएमआरडीएच्या मैदानावर मेळावा घेण्यास शिंदे गटाचा अर्ज स्वीकारण्यात आला आहे. तर बीकेसीतील दुसऱ्या मैदानात शिवसेनेकडून दाखल करण्यात आलेला अर्ज फेटाळला गेलाय. त्यामुळे दसरा मेळाव्याकरता बीकेसीतील एक मैदान शिंदे गटानं आरक्षीत केलं आहे. मात्र, अद्याप ठाकरे गटाचा दसरा मेळाव्याकरता कोणत्याच मैदानाचा अर्ज मंजुर झालेला नाही.
दरवर्षीप्रमाणे शिवसेनेचा दसरा मेळावा शिवाजी पार्क म्हणजेच शिवतिर्थावर होणार की नाही यावर अजुनही प्रश्नचिन्हच आहे. शिवाजी पार्क वरच आम्ही दसरा मेळावा घेणार असे दावे दोन्ही गटांकडून केले जात आहेत. मात्र मुंबई पालिकेनं कोणाच्याच अर्जाला अद्याप मंजूरी दिली नाहीय. त्यामुळे दोन्ही गटांकडून पर्यायी व्ययवस्थेची शोधाशोध सुरु झाली. यात बिकेसीच्या एका मैदानाकरता ठाकरे गटानं तर दुस-या मैदानाकरता शिंदे गटानं एमएमआरडीएकडे दसरा मेळाव्यासाठी अर्ज दाखल केले होते. यात एमएमआरडीए प्ररासनानं ठाकरे गटाचा अर्ज नापास ठरवत एकनाथ शिंदे गटाच्या अर्जाला मात्र पास केलं आहे.
एमएमआरडीए प्रशासनानं काय माहिती दिलीय?
शिवसेनेच्या कामगार सेनेकडून बीकेसीतील कॅनरा बँकेजवळच्या मैदानासाठी अर्ज दाखल करण्यात आला होता. पण एका कंपनीकडून याआधीच कार्यक्रमासाठी ग्राऊंड आरक्षित केलेलं आहे. त्यामुळे ठाकरेंना परवानगी नाकारली आहे. बीकेसीमध्ये दोन मैदानं आहेत. यातील एमएमआरडीच्या मुख्य मैदानासाठी शिंदे गटाकून अर्ज दाखल करण्यात आला होता. प्रथम अर्ज करणाऱ्यास प्राधान्य या नियमाअंतर्गत एमएमआरडीएकडून शिंदे गटाला दसरा मेळाव्यासाठी परवानगी देण्यात आली आहे.
बीकेसीतील मैदानासाठी प्रथम अर्ज करणाऱ्यास प्राधान्य हाच निकष जर लावण्यात आला असेल तर शीवतीर्थवर दसरा मेळावा घेण्यसाठी आम्हालाच परवानगी मिळायला हवी. कारण शिवसेनेनं पहिला अर्ज दाखल केला आहे, असा दावा शिवसेनेचे खासदार अरविंद सावंत यांनी केला आहे. तर दुसरीकडे एमएमआरडीएकडून परवानगी मिळाली असली तरी दसरा मेळावा आणि शिवसैनिक यांचं नातं पहाता शिंदे गटाचा दसरा मेळावाही शिवतीर्थावरच होणार असा दावा शिंदे गटाकडूनही करण्यात येत आहे. दसरा मेळावा हा शिवाजी पार्ककवच होणं हे दोन्ही गटांसाठी आता प्ररिष्ठेचा मुद्दा झाला आहे. त्यामुळे एक पर्यायी अर्ज मंजूर झाला असला तरी वाद शमलेला नाही. आता शिवाजी पार्कवर सभेसाठी नेमकी कुणाला परवानगी मिळते याकडे लक्ष लागून आहे.
संबंधित बातम्या
महत्त्वाच्या बातम्या
ट्रेंडिंग न्यूज
