![ABP Premium](https://cdn.abplive.com/imagebank/Premium-ad-Icon.png)
Sambhajiraje Chhatrapati : संभाजीराजेंची शुगर, ब्लडप्रेशर कमी झालं, औषधं घ्यायला स्पष्ट नकार
Sambhajiraje Chhatrapati on Maratha Reservation : मराठा आरक्षणासाठी खासदार संभाजीराजे गेल्या तीन दिवसांपासून आझाद मैदानावर उपोषणाला बसले आहेत. आज तिसऱ्या दिवशी संभाजीराजे यांची प्रकृती बिघडली आहे.
![Sambhajiraje Chhatrapati : संभाजीराजेंची शुगर, ब्लडप्रेशर कमी झालं, औषधं घ्यायला स्पष्ट नकार Sambhajiraje Chhatrapati on Maratha Reservation Sambhaji Raje's sugar, blood pressure decreased, refusal to take medicine Sambhajiraje Chhatrapati : संभाजीराजेंची शुगर, ब्लडप्रेशर कमी झालं, औषधं घ्यायला स्पष्ट नकार](https://feeds.abplive.com/onecms/images/uploaded-images/2022/02/28/d701b9510dbdb203c692b929b817ba51_original.jpg?impolicy=abp_cdn&imwidth=1200&height=675)
Sambhajiraje Chhatrapati on Maratha Reservation : मराठा आरक्षणासाठी खासदार संभाजीराजे छत्रपती गेल्या तीन दिवसांपासून आझाद मैदानावर उपोषणाला बसले आहेत. आज तिसऱ्या दिवशी संभाजीराजे यांची प्रकृती बिघडली आहे. त्यांचा ब्लड प्रेशर, शुगर कमी झाली आहे, मात्र त्यांनी औषधं घ्यायला नकार दिला आहे. संभाजीराजे यांच्या प्रकृतीची तपासणी केल्यानंतर डॉक्टर म्हणाले की, 60 तास झालेत त्यांना आमरण उपोषण करत आहेत. त्यांचं शुगर आणि रक्तदाब कमी झाला आहे. सोबतच हृदयाचे ठोके वेगाने पडत आहेत. आम्ही शुगर लेव्हल वाढवण्यासाठी त्यांना इंजेक्शन घेण्याचा सल्ला दिला आहे. मात्र ते उपोषणावर असल्यानं त्यांनी यासंदर्भात नकार दिला आहे, असं डॉक्टरांनी सांगितलं.
संभाजीराजे यांना सरकारकडून चर्चेसाठी निमंत्रण
सरकारकडून चर्चेसाठी निमंत्रण आलं असून आज वर्षा बंगल्यावर सकाळी 11 वाजता चर्चा होणार आहे, असं खासदार संभाजीराजे छत्रपती यांनी सांगितलं. आंदोलन कुठवर न्यायचं हे सरकारनं ठरवावं, असंही खासदार संभाजीराजे यांनी म्हटलं आहे. संभाजीराजेंनी माध्यमांशी बोलताना म्हटलं की, आज सकाळी अचानकच शुगर आणि रक्तदाब कमी झालं आहे. आमरण उपोषण करायची माझी इच्छा नाही. महाराजांनी ज्याप्रकारे अन्यायाविरोधात लढा दिला त्याप्रकारे मी सुद्धा प्रयत्न करतोय, असं ते म्हणाले.
22 मागण्यांपैकी 6 मागण्या कमीत कमी मार्गी लागाव्यात
खासदार संभाजीराजे म्हणाले की, गरीब मराठ्यांची अवस्था मी पाहिलीय. महाराजांनी सर्वांना न्याय देण्याचा प्रयत्न केला होता. आरक्षणाचा दीर्घकालीन लढा आहे. त्यामुळे ज्या 22 मागण्यांपैकी 6 मागण्या कमीत कमी मार्गी लागाव्यात. या मागण्यांना कोर्टाचे निर्बंध आहेत असं काही नाही, असं ते म्हणाले. याआधी देखील असे निर्णय झाले आहेत. माझ्या बोलण्यात काही वेगळं नाही आहे. मला त्रास होतोय, सरकारनं ठरवावं आता कुठपर्यंत न्यायचंय. सरकारकडून बोलवणं आलंय, असं ते म्हणाले.
खासदार संभाजीराजे छत्रपती यांच्यावतीने जाणाऱ्या शिष्टमंडळासोबत मराठा आरक्षण उपसमितीची मुख्यमंत्री उद्धव ठाकरे यांच्या अध्यक्षेखाली 11 वाजता वर्षा निवासस्थानी बैठक होणार आहे. संभाजीराजे म्हणाले की, यातून मार्ग निघाला पाहिजे. गरीब मराठ्यांना न्याय मिळावा म्हणून आपण इथे आहोत. मी मराठ्यांचा सेवक, पण बहुजनांचं नेतृत्व करतो. आपण मार्ग काढून यावं अशी माझी विनंती आहे, असं ते म्हणाले.
महत्त्वाच्या बातम्या:
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)