सुशांतप्रकरणी संदीप सिंहची चौकशी करताना भाजप अँगलनेही तपास करावा, काँग्रेसची मागणी

सुशांत सिंह आत्महत्या प्रकरणी संदीप सिंहची चौकशी करताना भाजप अँगलनेही तपास करावा, अशी मागणी काँग्रेस प्रवक्ते सचिन सावंत यांनी केलीय. सावंत यांच्या आरोपांना केशव उपाध्ये यांनी उत्तर दिलं आहे.

मुंबई : सुशांत सिंह आत्महत्या प्रकरणी संदीप सिंहची चौकशी करताना भाजप अँगलनेही तपास करावा, अशी मागणी काँग्रेस प्रवक्ते सचिन सावंत यांनी मुख्यमंत्री आणि गृहमंत्र्यांकडे केली आहे.  संदीप सिंह याचा देवेंद्र फडणवीसांसोबतचा फोटो त्यांनी ट्विट केला आहे. सुशांतसिंह प्रकरणात चित्रपट निर्माता संदीप सिंह वादात आहे. संदीप सिंह हा 'पंतप्रधान मोदी' यांच्यावरील चित्रपटाचा निर्माता आहे. या चित्रपट पोस्टर प्रकाशनावेळी संदीप सिंह हा माजी मुख्यमंत्री देवेंद्र फडणवीस यांच्यासह व्यासपीठावर दिसत आहे. त्यामुळं 'सुशांतप्रकरणी संदीप सिंहची चौकशी करताना भाजपचाही तपास करावा, ड्रग्जप्रकरणी चौकशी करताना भाजप अँगलनेही तपास करा', असं सचिन सावंत यांनी म्हटलंय.

.@OfficeofUT , @AnilDeshmukhNCP request you to see @BJP4India angle in following request. CBI to qn Mr. Sandeep Singh in drug nexus in #SushantSinghRajputDeathCase . He is a producer of a biopic 'PM Narendra Modi' whose poster was launched by Fadnavis ji.https://t.co/ZmqaXwWCGP https://t.co/Ne1lFxZKEu pic.twitter.com/7TyO3u2Trn

— Sachin Sawant सचिन सावंत (@sachin_inc) August 28, 2020

दरम्यान, सचिन सावंत यांच्या आरोपांना केशव उपाध्ये यांनी उत्तर दिलं आहे. बाळासाहेब ठाकरेंचा बायोपिक संदीप सिंह बनवणार असल्याचा दिला दाखला उपाध्ये यांनी दिला आहे. सावंत यांच्या ट्वीटला री-ट्वीट करत उपाध्ये यांनी 'थोडा होमवर्क नीट करत जा. आता हे पहा आणि आता याच्याशी पण संबंध जोडणार का सचिन सावंतजी?' असं म्हटलं आहे.

maachi n_inc थोडा होमवर्क नीट करत जा. आता हे पहा आणि आता याच्याशी पण संबंध जोडणार का सचिन सावंतजी? https://t.co/ddSsGQo9Y2 pic.twitter.com/H3fkShlDNQ

— Keshav Upadhye (@keshavupadhye) August 28, 2020

 रियाची चौकशी सुरु

सीबीआयकडून रियाला समन्स जारी करण्यात आलं आहे. सुशांत सिंह राजपूत आत्महत्या प्रकरणात आज चौकशी सुरु आहे.  रिया चक्रवर्तीला सीबीआयनं आज चौकशीसाठी बोलावल. आज मुंबईत डीआरडीओ गेस्ट हाऊसमध्ये तिची चौकशी सुरु आहे. रियासोबत तिचा भाऊ शौविक देखील आहे, अशी माहिती आहे. याआधी रियाची ईडीनं देखील चौकशी केली आहे.

संबंधित बातम्या  SSR Case | रिया... ड्रग्स... आणि अंडरवर्ल्ड; केंद्रीय नार्कोटिक्स ब्युरो टीम मुंबईत दाखल सुशांतकडून 10 कोटी रुपये कसे मिळाले? ईडीने जया साहाला विचारले प्रश्न 'रियानेच माझ्या मुलाचा खून केलाय'; सुशांत सिंह राजपूतच्या वडिलांचा आरोप SSR Case | ड्रग डीलरच्या संपर्कात होती रिया चक्रवर्ती; जुन्या व्हॉट्सअॅप चॅटवरून ईडीचा खुलासा SSR Suicide Case | संदीप सिंग तपास अधिकाऱ्यांच्या संपर्कात होता?  SSR Case | सुशांत सिंह मृत्यू प्रकरणी सीबीआयची कसून चौकशी; रिया चक्रवर्तीला विचारले जाणार 'हे' प्रश्न