SBIमध्ये भरदिवसा दरोडा प्रकरण, 2 संशयितांना अटक, घटनेचं थरारक CCTV फुटेज समोर
मुंबईतील SBI बँकेवरील दरोडा प्रकरणात पोलिसांनी 2 संशयितांना अटक केल्याची माहिती मिळाली आहे. सध्या पोलिसांची 8 पथकं तपासासाठी रवाना झाली आहेत. काल भरदिवसा या बँकेवर दरोडा पडला होता
मुंबई : मुंबईतील दहिसर वेस्ट भागातल्या एसबीआय बँकेवरील दरोडा प्रकरणात पोलिसांनी 2 संशयितांना अटक केल्याची सूत्रांनी माहिती दिली आहे. सध्या पोलिसांची 8 पथकं तपासासाठी रवाना झाली आहेत. काल भरदिवसा या बँकेवर दरोडा पडला होता. त्यावेळी झालेल्या गोळीबारात एका बॅंक कर्मचाऱ्याचा मृत्यू झाला आहे तर एक कर्मचारी गंभीर जखमी झाला आहे. काल दुपारच्या सुमारास बँकेतील अडीच लाख रुपयांची रोकड ताब्यात घेतली. यावेळी त्यांनी फिल्मी स्टाईल एन्ट्री करत गोळीबार केला आणि मोटरसायकलवर पळून गेले. काल दुपारी भर दिवसा गोळीबार करत फिल्मी स्टाईल ही बॅंक लूटण्यात आली होती.
एम एस बी पोलिस ठाणे हद्दीत दहिसरमध्ये एसबीआय बँकेवर काल भर दिवसा दरोडा पडला. दोघांनी बंदुकीचा धाक दाखवत बँकेतील अडीच लाख रुपयांची रोकड पळवली.
घटनेची माहिती मिळताच एम एस बी पोलिस घटनास्थळी दाखल झाले होते. या घटनेचं सीसीटीव्ही फुटेज देखील हाती आलं असून यात घटनेचा थरार कैद झाला आहे. या आरोपींचा शोध घेण्याकरता मुंबई पोलिसांची टीम तसेच मुंबई क्राइम ब्रान्चची 8 पथकं तपासासाठी रवाना झाली आहेत.
मुंबईमध्ये गेल्या काही दिवसांपासून बँका आणि इतर ठिकाणी दिवसाढवळ्या दरोडा टाकण्याच्या घटनांमध्ये मोठ्या प्रमाणात वाढ झाल्याचे दिसून येत आहे. पोलिसांनी यावर कारवाई करत अनेक ठिकाणी गस्ती वाढवल्या आहेत. या वाढत्या घटना कायदा आणि सुव्यवस्था धोक्यात आणणाऱ्या असून त्यावर नियंत्रण आणण्याचे आव्हान मुंबई पोलिसांसमोर आहे.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
इतर महत्त्वाच्या बातमी:
महत्त्वाच्या बातम्या
ट्रेंडिंग न्यूज
