Viral News : सोने तस्करीसाठी अनोखी शक्कल, दाढी करण्याच्या ट्रीमरमध्ये लपवली बिस्किटे

Viral News : सोन्याच्या तस्करीचा एक व्हिडिओ सोशल मीडियावर मोठ्या प्रमाणात व्हायरल होत आहे. ज्यामध्ये एक माणूस दाढी करण्याच्या ट्रिमरमध्ये सोन्याची तस्करी करताना दिसत आहे.

Gold Smuggling

Viral News : आजकाल लोक सोप्या मार्गाने पैसे कमवण्याची हौसेमुळे अनेकांना तुरुंगाची हवा खायला लागते. कमी वेळात जास्त पैसे मिळवण्यासाठी अनेकजण चुकीचा मार्ग निवडून अवैध तस्करी करतात. नुकतेच सोन्याच्या तस्करीचे एक प्रकरण समोर आले आहे, ज्यामध्ये एका व्यक्तीला शेव्हिंग ट्रिमरमध्ये (Shaving Trimmer) सोने घेऊन जाताना पकडण्यात आले आहे.

सोशल मीडियावर समोर आलेल्या सोन्याच्या तस्करीच्या व्हिडीओमध्ये एक व्यक्तीने सोन्याची तस्करी करण्यासाठी अनोखी शक्कल लढवलेली पाहायला मिळत आहे. कस्टम विभागाच्या नजरेतून सोने वाचवण्यासाठी या व्यक्तीने शेव्हिंग ट्रिमरची मदत घेतली आहे. सोन्याचे तस्कर वेगवेगळ्या मार्गाने तस्करी करण्याचा प्रयत्न करताना पाहायला मिळतात. त्याचवेळी, नुकत्याच समोर आलेल्या व्हिडिओमध्ये सीमाशुल्क विभागाने शेव्हिंग ट्रिमरमधून अर्धा किलो सोने जप्त केले आहे.

शारजाहून एअर अरेबियाच्या विमानाने हा व्यक्ती जयपूर आंतरराष्ट्रीय विमानतळावर उतरला. जिथे कस्टम चेकिंग दरम्यान त्याच्याकडील तस्करी करत असलेले सोने पकडण्यात आले. त्यानंतर सामानाची कसून तपासणी केली असता, शेव्हिंग ट्रिमरमध्ये सोने आढळून आल्याने कस्टम अधिकारी चांगलेच चकित झाले.

सध्या या व्यक्तीकडून 491 ग्रॅम सोने जप्त करण्यात आले आहे. ज्याची किंमत अंदाजे 25 लाख रुपये आहे. सोन्याची तस्करी करण्यासाठी त्या व्यक्तीने हे सोने बिस्किटांच्या रुपात ठेवले होते. या सोन्याच्या बिस्किटांना त्याने काळ्या कार्बन प्लास्टिक शीटच्या अनेक थरांनी लपवून ठेवली होती. सोशल मीडियावर एका व्यक्तीची तस्करी करण्याची कल्पना पाहून सर्वांनाच आश्चर्याचा धक्का बसला आहे.

महत्त्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha