आर्यननंतर मुनमुन आणि अरबाजचीही सुटका; प्रक्रियापूर्ण झाल्यानंतर आर्थर रोड जेलमधून बाहेर
क्रूझ पार्टी प्रकरणी (Mumbai Cruise Drug Case) अटक झाल्यानंतर, 26 दिवसांनी शाहरुख खानचा मुलगा आर्यन खानची (Aryan Khan) अखेर काल जामीनावर सुटका झाली.
Munmun Dhamecha and Arbaaz Merchant Release: क्रूझ पार्टी प्रकरणी (Mumbai Cruise Drug Case) अटक झाल्यानंतर, 26 दिवसांनी शाहरुख खानचा मुलगा आर्यन खानची (Aryan Khan) अखेर काल जामीनावर सुटका झाली. पण त्याच्यासोबत अटकेत असलेल्या मुनमुन धमेचा आणि अरबाज मर्चंट यांनी औपचारिक प्रक्रियेची पूर्तता केली नव्हती. त्यामुळे त्यांना जामीन मिळाला नव्हता. नुकत्याच आलेल्या एका रिपोर्टनुसार, वकिलाने संपूर्ण प्रक्रिया पूर्ण केल्यानंतर मॉडेल मुनमुनला जामीन मिळाला आहे. आर्यनसह अरबाज आणि मुनमुन यांना मुंबई उच्च न्यायालयाने जामीन मंजूर केला. आर्यन खानसाठी अभिनेत्री जुही चावला जामीन देण्यासाठी पुढे आली होती. त्यानंतर इतर प्रक्रिया पूर्ण झाल्यानंतर अखेर आर्यनची सुटका झाली. अरबाज आणि मुनमुनच्या कुटुंबातील व्यक्ती आणि मित्र मिळून एकूण 7 जण जामीनदार म्हणून उपस्थित होते. प्रत्येकी 15,000 रुपयांच्या जामीनावर त्यांची सुटका करण्यात आली. मुनमुनचे जामीनदार म्हणून तिचा भाऊ नातेवाईक आणि मित्र आले होते तर अरबाजचे जामीनदार म्हणून त्याची आई, भाऊ आणि इतर काही लोक आले होते.
पाहूयात अरबाज मर्चंट आणि मुनमुन धमेचा कोण आहेत.
अरबाज मर्चंट
अरबाज मर्चंट हा अभिनेता आहे. त्याचे पुर्ण नाव अरबाज सेठ मर्चेंट असे आहे. अरबाज हा आर्यनबरोबरच शाहरूखची मुलगी सुहानाचा देखील जवळचा मित्र आहे. अनेक वेळा सुहाना आणि आर्यनसोबत अरबाजने अनेक पार्ट्यांमध्ये हजेरी लावली आहे. मुंबईमध्ये क्रूझ प्रकरणानंतर अरबाज आणि आर्यनचे पार्ट्यांमधील फोटो सोशल मीडियावर प्रचंड व्हायरल होत आहेत. काही फोटोमध्ये अरबाज आणि आर्यन हे चंकी पांडे यांची मुलगी अनन्या पांडेसोबत दिसत आहेत. अरबाजचे इन्स्टाग्रामवर 30 हजारपेक्षा अधिक फॉलोअर्स असून तो आर्यन खान, सुहाना खान, शनाया कपूर, अलाया एफ, अनन्या पांडे आणि अंजिनी धवन या प्रसिद्ध कलाकरांना फॉलो करतो.
Aryan Khan : अखेर 26 दिवसांनी आर्यन खानची सुटका! किंग खानच्या चाहत्यांचा जल्लोष
मुनमुन धमेचा
मुनमुन धमेचा ही फॅशन मॉडेल आहे. एका रिपोर्टनुसार, ती मध्यप्रदेशमधील एका बिझनेस मॅनची मुलगी आहे. मुनमुन सोशल मीडियावर नेहमी अॅक्टिव्ह असते. तिच्या वेगवेगळ्या लूकमधील फोटो ती सोशल मीडियावर शेअर करत असते. तिला इन्स्टाग्रामवर 9402 फोलोवर्स आहेत.
महत्त्वाच्या बातम्या
ट्रेंडिंग न्यूज
