No Honking Day : मुंबईत आज 'नो हॉंकींग डे',  नियमांचं उल्लघंन करणाऱ्यांविरोधात वाहतूक पोलिस कारवाई करणार 

आज मुंबईत  'नो हॉंकिंग डे' (NoHonkDay) मोहिम राबवण्यात येणार आहे. ध्वनी प्रदूषणाला आळा घालण्यासाठी आज मुंबईत 'नो हॉंकिंग डे' पाळण्यात येणार आहे.

Mumbai Traffic Police no honking day

No Honking Day : मुंबई पोलिसांच्या वाहतूक शाखेने (Mumbai Traffic Police ) आज (9 ऑगस्ट) विशेष मोहीम राबवली आहे. आज मुंबईत  'नो हॉंकिंग डे' (NoHonkDay) मोहिम राबवण्यात येणार आहे. ध्वनी प्रदूषणाला आळा घालण्यासाठी आज मुंबईत 'नो हॉंकिंग डे' पाळण्यात येणार आहे. यामध्ये हॉर्न संदर्भातील नियमांचे पालन करण्याचे आवाहन करण्यात आले आहे. तर विनाकारण हॉर्न वाजवणाऱ्यांविरोधात कारवाईचा इशाराही देण्यात आला आहे. तसेच येत्या 16 ऑगस्टला देखील 'नो हॉंकींग डे' पाळण्यात येणार आहे.

ध्वनी प्रदुषण आणि त्याचा सार्वजनिक आरोग्यावर होणारा परिणाम यावर उपाय म्हणून मुंबई पोलिसांच्या वाहतूक शाखेनं हे पाऊल उचललं आहे. ध्वनी प्रदुषणामुळं पर्यावरण आणि मानवी आरोग्य यावर परिणाम होतो. त्यामुळं वाहनचालकांनी हॉर्न वाजवण्यापासून दूर राहून या उपक्रमाला सकारात्मक प्रतिसाद देण्याचं आवाहन पोलिसांकडून करण्यात आलं आहे. 
या मोहिमेच्या माध्यमातून सिग्नलवर थांबलेल्या वाहनचालकांना नो हॉन्किंग चिन्ह/बॅनर दाखवेल जाईल. त्याचबरोबर नो हॉर्निंगच्या मुद्द्यावर चालकांना मार्गदर्शन आणि समुपदेशन करण्यात येणार आहे. 

येत्या बुधवारी करूया शांततेची वारी! #नो_हॉंकिंग_डे #९_ऑगस्ट pic.twitter.com/LZ2NXwS1NY

— Mumbai Traffic Police (@MTPHereToHelp) August 8, 2023

 

नियमांचे पालन न केल्यास कारवाई करणार 

दरम्यान, सातत्यानं मुंबई वाहतूक पोलिसांकडून मुंबईतील अनेक भागात याबाबत जनजागृती करण्यात येत आहे. पोलिनांनी वाहचालकांना भेटून याबाबत माहिती देखील दिली आहे. मुंबई वाहतूक पोलिसांच्या ट्विटरवर या मोहिमेबद्दल माहिती देण्यात आली आहे. दरम्यान, वाहनचालकांना त्यांच्या वाहनांचे हॉर्न आणि सायलेन्सर हे 1989 च्या केंद्रीय मोटार वाहन नियमांच्या नियम क्र. 119 आणि 120 मध्ये नमूद केलेल्या मार्गदर्शक सूचनांनुसार आहेत याची खात्री करण्याचे आवाहन देखील मुंबई पोलिसांच्या वाहतूक शाखेनं केलं आहे. तसेच कलम 194 (f) एमव्ही कायद्याअंतर्गत, एमव्ही कायद्याच्या कलम 198 नुसार नियमांचे उल्लंघन करणार्‍या दुचाकी किंवा चारचाकी वाहनांवर देखील कारवाई करण्या तयेणार आहे.

 

Mumbai will be observing No Honking Day on 9th August (Wednesday) & 16th August in an attempt to reduce the growing trend of unnecessary honking.
Honking significantly contributes to noise pollution and health problems. #NoHonkingDay#HornFreeMumbai pic.twitter.com/T70NS4VeBq

— Mumbai Traffic Police (@MTPHereToHelp) August 8, 2023

मुंबई वाहतूक पोलिसांनी आपल्या अधिकृत ट्विटर हँडलवरून देखील लोकांमध्ये जनजागृती करण्यासाठी 'नो हॉंकिंग डे'बद्दल माहिती दिली आहे. रस्त्यावर कुठेही हॉर्न वाजवणे योग्य नसल्याचे मुंबई पोलिसांच्या वाहतूक शाखेनं म्हटलं आहे.  मुंबईत वाहनांची संख्या प्रचंड आहे. त्यामुळे मुंबईत वाहतूक कोंडीसह ध्वनी प्रदुषण मोठ्या प्रमाणात होते. त्यामुळे वाढत्या ध्वनी प्रदुषणावर आळा घालण्यासाठी मुंबई पोलीस वाहतूक शाखेने 'नो हॉंकिंग डे' ही विषेष मोहीम राबवली आहे. ध्वनी प्रदूषण रोखण्यासाठी वाहनचालकांमध्ये या मोहिमेअंतर्गत जनजागृती करण्यात येणार आहे.

महत्त्वाच्या बातम्या: