Mumbai Powai Fire : मुंबईत पवईच्या साकी विहार रोडवर भीषण अग्नितांडव; कोट्यवधींच्या गाड्या जळून खाक
Mumbai Powai Fire : मुंबईत पवईच्या साकी विहार रोडवर भीषण अग्नितांडव, कोट्यवधींच्या गाड्या जळून खाक, नागरिकांमध्ये भीतीचं वातावरण
Mumbai Powai Fire : पवईच्या साकी विहार रोडवर लार्सन एंड टूब्रो कंपनीच्या समोर साई ऑटो हुंडाईच्या सर्व्हिस सेंटरला काही वेळा पूर्वी भीषण आग लागली आहे. यामुळे बाजूच्या महावीर क्लासिक या इमारतीत राहणाऱ्या लोकांमध्ये भीतीचे वातावरण निर्माण झाले आहे. घटनास्थळी अग्निशमन दलाच्या पाच गाड्या पवई पोलीस ठाण्याचे अधिकारी आणि वाहतूक विभागाचे अधिकारी पोहोचले आहेत. या आगीमुळे आणि नागरिकांच्या प्रचंड गर्दीमुळे वाहतूक कोंडी होऊन मदत कार्याला उशीर होत आहे. शोरूम मधून मोठं मोठ्या स्फोटाचे आवाज होत आहेत. तर या शोरूममध्ये कोट्यवधींच्या गाड्या असून त्या जळून खाक झाल्याचा अंदाज व्यक्त केला जात आहे.
मुंबईतील पवई इथल्या साकी विहार रोडवर भीषण आग लागली आहे. लार्सन अँड टुब्रो कंपनी समोर असलेल्या साई ऑटो हुंडाईच्या सर्व्हिस सेंटरला आग लागली आहे. आगीमुळे धुरांचे लोळ सभोवतालच्या परिसरात पसरले आहेत. अग्निशमन दलाच्या पाच गाड्या घटनास्थळी दाखल झाल्या आहेत. अग्नीशमन दलाकडून आग विझवण्याचे प्रयत्न सुरु आहेत. सर्विस सेंटरच्या बाजूलाच असलेल्या महावीर क्लासिक इमारतीत राहणाऱ्या रहिवाशांमध्ये आगीमुळे भीतीचं वातावरण पसरलं आहे. आगीच्या ठिकाणावरुन स्फोटाचे मोठे आवाज येत आहेत. या ठिकाणी सुरु असलेल्या मदत आणि बचावकार्यामुळे मोठ्या प्रमाणावर वाहतूक कोंडी झाली आहे. आगीत कोट्यवधीच्या गाड्या जळून खाक झाल्याचा अंदाज वर्तवला जात आहे.
आगीची माहिती मिळताच मुंबईच्या महापौर किशोरी पेडणेकरही घटनास्थळी पोहोचत असून परिस्थितीचा आढावा त्या घेतील. दरम्यान, आगीत अद्याप किती नुकसान झालं, याची अद्याप कोणतीही अधिकृत माहिती मिळालेली नाही.
महत्त्वाच्या बातम्या
ट्रेंडिंग न्यूज
