Mega Block : मुंबईकरांनो, घराबाहेर पडण्याआधी नियोजन करा, मध्य आणि हार्बर मार्गावर मेगाब्लॉक
Local Mega Block Today, 12 March : आज मध्य आणि हार्बर रेल्वे मार्गावर मेगाब्लॉक घेण्यात येणार आहे. त्यामुळे आज घराबाहेर पडण्याआधी प्रवासाचं नियोजन करा. लोकलचं वेळापत्रक जाणून घ्या...
Mega Block on Central and Harbour Railway : मुंबईकरांनो, रविवारी घराबाहेर पडणार असाल आणि लोकल ट्रेननं प्रवास करण्याच्या विचारात असाल तर तुमच्यासाठी महत्त्वाची बातमी आहे. आज घराबाहेर पडण्याआधी लोकलचं वेळापत्रक तपासा आणि नियोजन करुनच घराबाहेर पडा. आज रविवारी, 12 मार्च रोजी मध्य रेल्वेकडून (Local Train Mega Block) देखभालीच्या कामांसाठी मध्य (Central Railway) आणि हार्बर रेल्वे मार्गांवर (Harbour Railway) मेगाब्लॉक घेण्यात येणार आहे.
सकाळी 11.05 ते दुपारी 3.55 पर्यंत माटुंगा - मुलुंड अप आणि डाउन जलद मार्ग
सकाळी 10.25 ते दुपारी 3.35 वाजेपर्यंत सेवा धीम्या मार्गावर
छत्रपती शिवाजी महाराज टर्मिनस मुंबई येथून सकाळी 10.25 ते दुपारी 3.35 वाजेपर्यंत सुटणाऱ्या डाउन जलद मार्गावरील सेवा माटुंगा आणि मुलुंड स्थानकांदरम्यान डाउन धीम्या मार्गावर वळवण्यात येऊन त्यांच्या संबंधित नियोजित थांब्यांवर थांबतील. ठाण्याच्या पुढील असलेल्या जलद गाड्या डाउन जलद मार्गावर वळवण्यात येतील आणि नियोजित वेळेपेक्षा 15 मिनिटे उशिराने गंतव्यस्थानी पोहोचेल.
जलद मार्गावरील सेवा मुलुंड आणि माटुंगा धीम्या मार्गावर
ठाणे येथून सकाळी 10.50 ते दुपारी 3.46 वाजेपर्यंत अप जलद मार्गावरील सेवा मुलुंड आणि माटुंगा दरम्यान अप धीम्या मार्गावर वळवण्यात येऊन त्यांच्या संबंधित नियोजित थांब्यांवर थांबतील. त्यानंतर अप जलद मार्गावर पुन्हा वळवण्यात येतील आणि निर्धारित वेळेपेक्षा 15 मिनिटे उशिराने पोहोचेल.
हार्बर मार्गावरही मेगाब्लॉक
छत्रपती शिवाजी महाराज टर्मिनस - चुनाभट्टी/वांद्रे डाउन हार्बर मार्गावर सकाळी 11.40 ते सायंकाळी 4.40 पर्यंत आणि चुनाभट्टी/वांद्रे - छत्रपती शिवाजी महाराज टर्मिनस अप हार्बर मार्गावर सकाळी 11.10 ते सायंकाळी 4.10 पर्यंत मेगाब्लॉक घेण्यात येईल.
सीएसएमटी ते पनवेल आणि गोरेगाव ते सीएसएमटी सेवा सुरु
छत्रपती शिवाजी महाराज टर्मिनस/वडाळा रोड येथून सकाळी 11.16 ते सायंकाळी 4.47 या वेळेत वाशी/बेलापूर/पनवेल करता सुटणारी आणि वांद्रे/गोरेगाव येथून सकाळी 10.48 ते सायंकाळी 4.43 वाजेपर्यंत छत्रपती शिवाजी महाराज टर्मिनस मुंबई करता सुटणारी डाउन हार्बर मार्गावरील सेवा सुरू राहील.
पनवेल ते सीएसएमटी आणि गोरेगाव ते सीएसएमटी सेवा बंद
पनवेल/बेलापूर/वाशी येथून सकाळी 9.53 ते दुपारी 3.20 पर्यंत छत्रपती शिवाजी महाराज टर्मिनस मुंबई करता सुटणारी अप हार्बर मार्गावरील सेवा आणि गोरेगाव/वांद्रे येथून सकाळी 10.45 ते सायंकाळी 5.13 पर्यंत छत्रपती शिवाजी महाराज टर्मिनस मुंबईसाठी सुटणारी अप हार्बर मार्गावरील सेवा बंद राहतील.
मेगाब्लॉक कालावधीत पनवेल आणि कुर्ला (प्लॅटफॉर्म क्र. 8) दरम्यान विशेष सेवा सुमारे 20 मिनिटांच्या कालांतराने चालवल्या जातील. हार्बर मार्गावरील प्रवाशांना ब्लॉक कालावधीत सकाळी दहा ते संध्याकाळी सहा वाजेपर्यंत मेन लाइन आणि पश्चिम रेल्वेवरून प्रवास करण्याची परवानगी आहे.
महत्त्वाच्या बातम्या
ट्रेंडिंग न्यूज
