Mumbai Corona Update : मुंबईत सोमवारी 431 रुग्णांची नोंद, 1060 कोरोनामुक्त

Mumbai Corona Update : बीएमसीने दिलेल्या आकडेवारीनुसार, सोमवारी मुंबईत 431 नव्या रुग्णांची भर पडली आहे.

Mumbai Corona Update

Mumbai Coronavirus Cases : मुंबईमध्ये मागील काही दिवसांत कोरोना (Corona) रुग्णसंख्येत चढ-उतार पाहायला मिळत आहे. कोरोना रुग्णांचा स्फोट मुंबईसह महाराष्ट्रात होत आहे. आज मुंबईत 431 रुग्णांची नोंद झाली आहे. वाढत्या आकडेवारीमुळे प्रशासनासह (Mumbai BMC) नागरिकांची चिंता वाढली आहे. मागील काही दिवसांपासून रुग्णसंख्या झपाट्याने वाढत आहे. 

मुंबई महानगरपालिकेने दिलेल्या आकडेवारीनुसार, मुंबईत सोमवारी 1060 रुग्णांनी कोरोनावर मात केली आहे. ज्यामुळे मुंबईत कोरोनावर मात केलेल्या रुग्णांची संख्या 10 लाख 88 हजार 814 वर पोहोचली आहे. त्यामुळे मुंबईचा रिकव्हरी रेट 98 टक्के इतका झाला आहे. तर मागील 24 तासांत दोन रुग्णांचा कोरोनामुळे मृत्यू झाला असून कोरोनामुळे मृत्यू पावलेल्यांची संख्या 19 हजार 619 झाली आहे. सध्या मुंबईत 7,040 रुग्ण आहेत. दरम्यान मुंबईत आढळलेल्या नव्या 431 रुग्णांमध्ये 377 रुग्णांना अधिक लक्षणं नसल्याने काहीसा दिलासा मुंबईकरांना मिळाला आहे. रुग्ण दुपटीचा दर आणि सक्रिय रुग्णसंख्यादेखील वेगाने वाढत आहे. रुग्ण दुपटीचा दर 686 दिवसांवर गेला आहे.

#CoronavirusUpdates
4th July, 6:00pm

Positive Pts. (24 hrs) - 431
Discharged Pts. (24 hrs) - 1060

Total Recovered Pts. - 10,88,814

Overall Recovery Rate - 98%

Total Active Pts. - 7040

Doubling Rate - 686 Days

Growth Rate (27th June- 3rd July)- 0.097%#NaToCorona

— माझी Mumbai, आपली BMC (@mybmc) July 4, 2022

सर्वाधिक सक्रिय रुग्ण मुंबईत

राज्यात सर्वाधिक सक्रिय रुग्ण मुंबईममध्ये आहेत. मुंबईमध्ये 7040 सक्रिय रुग्ण आहेत. तर पुण्यात 5221 सक्रिय रुग्ण आहेत. त्यानंतर ठाण्यात 4605 सक्रिय रुग्ण आहेत. पालघर 634, रायगड 1180, रत्नागिरी 92, सिंधुदुर्ग 81, सातारा 121, सांगली 89, कोल्हापूर 81, सोलापूर 202, नाशिक 378, अहमदनगर 149, जळगाव 81, धुळे 53, औरंगाबाद 192, जालना 73, बीड 25, लातूर 87, नांदेड 36, उस्मानाबाद 106, अमरावती 49, अकोला 97, वाशिम 307, बुलढाणा 129, यवतमाळ 57, नागपूर 511, वर्धा 24, भंडारा 77, गोंदिया 24, गडचिरोली 37 आणि चंद्रपूरमध्ये 54 सक्रीय रुग्ण आहेत. इतर ठिकाणी सक्रिय रुग्णांची संख्या 10 पेक्षा कमी आहे. राज्यात एकूण 21935 सक्रिय रुग्ण आहेत.

राज्यात आज 1515 कोरोनाच्या नव्या रुग्णांची भर पडली आहे. तर आज दिवसभरात एकूण 2062 रुग्ण कोरोनामुक्त होऊन घरी परतले आहेत. आज नोंद झालेल्या रुग्णांपैकी सर्वाधिक रुग्ण हे मुंबईतील आहे. मुंबईत सध्या 431 सक्रिय रुग्ण आहेत. 

संबंधित बातम्या