Mumbai Corona Update : मुंबईत रविवारी 399 रुग्णांची नोंद, 761 कोरोनामुक्त
Mumbai Corona Update : बीएमसीने दिलेल्या आकडेवारीनुसार, रविवारी मुंबईत 399 नव्या रुग्णांची भर पडली आहे.
Mumbai Coronavirus Cases : मुंबईमध्ये मागील काही दिवसांत कोरोना (Corona) रुग्णसंख्येत चढ-उतार पाहायला मिळत आहे. कोरोना रुग्णांचा स्फोट मुंबईसह महाराष्ट्रात होत आहे. आज मुंबईत 399 रुग्णांची नोंद झाली आहे. वाढत्या आकडेवारीमुळे प्रशासनासह (Mumbai BMC) नागरिकांची चिंता वाढली आहे. मागील काही दिवसांपासून रुग्णसंख्या झपाट्याने वाढत आहे.
मुंबई महानगरपालिकेने दिलेल्या आकडेवारीनुसार, मुंबईत रविवारी 761 रुग्णांनी कोरोनावर मात केली आहे. ज्यामुळे मुंबईत कोरोनावर मात केलेल्या रुग्णांची संख्या 10 लाख 95 हजार 418 वर पोहोचली आहे. त्यामुळे मुंबईचा रिकव्हरी रेट 98 टक्के इतका झाला आहे. तर मागील 24 तासांत एकाही रुग्णाचा कोरोनामुळे मृत्यू झाला नसून कोरोनामुळे मृत्यू पावलेल्यांची संख्या 19 हजार 624 झाली आहे. सध्या मुंबईत 3,753 रुग्ण आहेत. दरम्यान मुंबईत आढळलेल्या नव्या 399 रुग्णांमध्ये 375 रुग्णांना अधिक लक्षणं नसल्याने काहीसा दिलासा मुंबईकरांना मिळाला आहे. रुग्ण दुपटीचा दर आणि सक्रिय रुग्णसंख्यादेखील वेगाने वाढत आहे. रुग्ण दुपटीचा दर 1291 दिवसांवर गेला आहे.
#CoronavirusUpdates
— माझी Mumbai, आपली BMC (@mybmc) July 10, 2022
10th July, 6:00pm
Positive Pts. (24 hrs) - 399
Discharged Pts. (24 hrs) - 761
Total Recovered Pts. - 1095418
Overall Recovery Rate - 98%
Total Active Pts. - 3753
Doubling Rate - 1291Days
Growth Rate ( 3rd July - 9th July)- 0.052%#NaToCorona
सर्वाधिक सक्रिय रुग्ण मुंबईत
राज्यात सर्वाधिक सक्रिय रुग्ण मुंबईममध्ये आहेत. मुंबईमध्ये 3753 सक्रिय रुग्ण आहेत. तर पुण्यात 6470 सक्रिय रुग्ण आहेत. त्यानंतर ठाण्यात 2259 सक्रिय रुग्ण आहेत. पालघर 343, रायगड 783, रत्नागिरी 103, सिंधुदुर्ग 95, सातारा 325, सांगली 87, कोल्हापूर 97, सोलापूर 253, नाशिक 399, अहमदनगर 281, जळगाव 77, धुळे 98, औरंगाबाद 389, जालना 354, बीड 42, लातूर 131, नांदेड 32, उस्मानाबाद 130, अमरावती 75, अकोला 133, वाशिम 292, बुलढाणा 169, यवतमाळ 83, नागपूर 771, वर्धा 57, भंडारा 92, गडचिरोली 23 आणि चंद्रपूरमध्ये 89 सक्रीय रुग्ण आहेत. इतर ठिकाणी सक्रिय रुग्णांची संख्या 10 पेक्षा कमी आहे. राज्यात एकूण 18369 सक्रिय रुग्ण आहेत.
राज्यात रविवारी दोन हजार 894 रुग्णांनी कोरोनावर मात केली आहे. तर दोन हजार 591 नव्या रुग्णांची भर पडली आहे. दिलासादायक बाब म्हणजे आरोग्य विभागाने दिलेल्या माहितीनुसार, राज्यात आज एकाही रुग्णाचा मृत्यू नाही.
महत्त्वाच्या बातम्या
ट्रेंडिंग न्यूज
