एक्स्प्लोर

Mumbai Corona Update : मंगळवारी मुंबईत 218 नव्या रुग्णांची भर, 1430 सक्रिय रुग्ण

Mumbai Corona Update : बीएमसीने दिलेल्या आकडेवारीनुसार, मंगळवारी मुंबईत 218 नव्या रुग्णांची भर पडली आहे.

By : एबीपी माझा वेब टीम | Edited By: मंजिरी पोखरकर | Updated at : 24 May 2022 08:34 PM (IST)

Mumbai Corona Update

Mumbai Corona Update : मुंबईतील दैनंदिन कोरोना रुग्णांच्या संख्येत चढउतार पाहायला मिळत आहे. बीएमसीने दिलेल्या आकडेवारीनुसार, मंगळवारी मुंबईत 218 नव्या रुग्णांची भर पडली आहे. मंगळवारी सतरा रुग्णांना उपचारासाठी रुग्णालयात दाखल करण्यात आले आहे. मागील 24 तासांत मुंबईत एकाही कोरोनाबाधित रुग्णाचा मृत्यू झालेला नाही. मंगळवारी 158 रुग्णांनी कोरोनावर मात केली आहे.

बीएमसीने दिलेल्या आकडेवारीनुसार, मंगळवारी एकाही कोरोनाबाधित रुग्णाचा मृत्यू झालेला नाही. तर गेल्या 24 तासात मुंबईमध्ये 158 रुग्ण कोरोनामुक्त झाले आहेत. मुंबईमध्ये सध्या 1430 सक्रिय रुग्ण आहेत. मुंबईमध्ये आतापर्यंत 10,42,280 रुग्ण कोरोनामुक्त झाले असून बरे झालेल्या रुग्णांचे प्रमाण हे 98 टक्के इतकं आहे. तसेच मुंबईतील रुग्ण दुप्पटीचा कालावधी कालावधी 3914 झाला आहे. तसेच कोरोना वाढीचा दर 0.017% टक्के इतका आहे.

#CoronavirusUpdates
24th May, 6:00pm

Positive Pts. (24 hrs) - 218
Discharged Pts. (24 hrs) - 158

Total Recovered Pts. - 10,42,280

Overall Recovery Rate - 98%

Total Active Pts. - 1430

Doubling Rate - 3914 Days

Growth Rate (17th May- 23rd May)- 0.017%#NaToCorona
— माझी Mumbai, आपली BMC (@mybmc) May 24, 2022

सर्वाधिक सक्रीय रुग्ण मुंबईत

राज्यात सर्वाधिक सक्रीय रुग्ण मुंबईममध्ये आहेत. मुंबईमध्ये 1430 सक्रीय रुग्ण आहेत. तर पुण्यात 284 सक्रीय रुग्ण आहेत. त्यानंतर ठाण्यात 195 सक्रीय रुग्ण आहेत. अहमदनगर 17, रायगड 34 आणि पालघरमध्ये 20 सक्रीय रुग्ण आहेत. इतर ठिकाणी सक्रीय रुग्णांची संख्या 10 पेक्षा कमी आहे. राज्यात एकूण 2039 सक्रिय रुग्ण आहेत.

राज्यातील कोरोनाची रुग्णसंख्या हळूहळू वाढताना दिसत आहे. आज राज्यामध्ये 338 नव्या कोरोनाबाधितांची नोंद झाली आहे. तर गेल्या 24 तासामध्ये एकूण 276 रुग्ण बरे होऊन घरी परतले आहेत. राज्यात आज एका कोरोनाबाधिताचा मृत्यू झाला आहे. राज्यातील मृत्यूदर हा 1.87 टक्के इतका आहे. तर राज्यात आतापर्यंत 77,33, 452 कोरोना रुग्ण बरे होऊन घरी परतले आहेत. त्यामुळे राज्यातील रुग्ण बरे होण्याचे प्रमाण हे 98.10 टक्के इतके झाले आहे. राज्यात आज एकूण 2039 इतक्या सक्रिय रुग्णांची नोंद आहे. सध्या देशात कोरोना व्हायरसच्या प्रादुर्भावात घट झाल्याचं पाहायला मिळत आहे. देशात गेल्या 24 तासांत कोरोनाच्या 1675 रुग्णांची नोंद झाल्याचं पाहायला मिळत आहे. केंद्रीय आरोग्य मंत्रालयानं जारी केलेल्या आकडेवारीनुसार, कोरोनामुळे 31 रुग्णांचा मृत्यू झाला आहे.

संबंधित बातम्या