![ABP Premium](https://cdn.abplive.com/imagebank/Premium-ad-Icon.png)
एक, दोन नाही, तर तब्बल 5 ईमेल; मुकेश अंबानींना येणाऱ्या धमकीच्या ईमेलचं सत्र सुरूच, पोलिसांच्या हाती अद्याप काहीच नाही
Mukesh Ambani : मुकेश अंबानींना पुन्हा आलेल्या धमकीच्या ईमेलमध्ये गांभीर्यानं घेत नसल्यानं आता परिणामांसाठी तयार राहा, असा इशारा मुकेश अंबानींना पुन्हा आलेल्या दोन ईमेलमधून देण्यात आला आहे.
![एक, दोन नाही, तर तब्बल 5 ईमेल; मुकेश अंबानींना येणाऱ्या धमकीच्या ईमेलचं सत्र सुरूच, पोलिसांच्या हाती अद्याप काहीच नाही Mukesh Ambani Death Threat via Email demanded 400 crores Rupees Mumbai Police marathi news एक, दोन नाही, तर तब्बल 5 ईमेल; मुकेश अंबानींना येणाऱ्या धमकीच्या ईमेलचं सत्र सुरूच, पोलिसांच्या हाती अद्याप काहीच नाही](https://feeds.abplive.com/onecms/images/uploaded-images/2023/07/11/fac916ad1b2f3b5274f4a6ba80699e70168906446766576_original.jpg?impolicy=abp_cdn&imwidth=1200&height=675)
Death Threat to Mukesh Ambani : भारतातीय प्रसिद्ध उद्योगपती मुकेश अंबानी (Mukesh Ambani) यांना येणाऱ्या धमकीच्या ईमेलचं (Threat Email) सत्र काही थांबायचं नाव घेईना. मुकेश अंबानींना जीवे मारण्याची धमकी देत कोट्यवधींच्या खंडणीची मागणी करणारे तब्बल 5 ईमेल आले आहेत. यापूर्वी मुकेश अंबानींना धमकीचे एकापाठोपाठ एक असेल तीन ईमेल आले होते. त्यानंतर पुन्हा मुकेश अंबानींना आणखी दोन ईमेल आले आहेत. दरम्यान, मुंबई पोलिसांकडून अंबानींना येणाऱ्या धमकीच्या ईमेलचा कसून तपास सुरू आहे. मुंबई पोलीस (Mumbai Police) तांत्रिक मदतीच्या आधारे आरोपीचा शोध घेत आहेत. मात्र, अजून काही त्याचा पत्ता लागत नाही.
मुकेश अंबानींना पुन्हा आलेल्या धमकीच्या ईमेलमध्ये गांभीर्यानं घेत नसल्यानं आता परिणामांसाठी तयार राहा, असा इशारा मुकेश अंबानींना पुन्हा आलेल्या दोन ईमेलमधून देण्यात आला आहे. अशातच आता मुकेश अंबानींना आलेल्या धमकीच्या मेलची एकूण संख्या पाचवर पोहोचली आहे. उद्योगपती मुकेश अंबानी यांना येणारं धमकीच्या मेलचे सत्र सुरूच आहे. अशातच हे धमकीचे ईमेल बेल्जियम स्थित फेन्स मेल या कंपनीच्या सुविधेचा वापर करत असल्याची माहिती समोर आली आहे.
27 ऑक्टोबर रोजी मुकेश अंबानींच्या ईमेल अकाऊंटवर एक मेल आला होता. ज्यामध्ये त्यांना धमकी देणाऱ्या व्यक्तीनं मुकेश अंबानी यांच्याकडे 20 कोटी रुपयांची मागणी केली होती आणि जर पैसे दिले नाहीत, तर आपला जीव गमवावा लागेल, असं म्हटलं होतं. तो ईमेल मिळाल्यानंतर, मुकेश अंबानी यांच्या सुरक्षा प्रभारींच्या तक्रारीच्या आधारे, गावदेवी पोलिसांनी आयपीसीच्या कलम 387 आणि 506 (2) अंतर्गत अज्ञात व्यक्तीविरुद्ध एफआयआर नोंदवून तपास सुरू केला आहे. पहिल्यांदा आरोपीनं 20 कोटी तर दुसऱ्यांदा 200 कोटीची मागणी केली होती. त्यानंतर आरोपीनं तिसरा ईमेल करत 400 कोटी रुपयांची मागणी आरोपींनी केली होती.
यापूर्वीही आलेली ईमेलद्वारे धमकी
यापूर्वी सुद्धा अनेकदा अंबानी कुटुंबांना असे धमकी कॉल्स आणि ईमेल आलेत. एक वर्षांपूर्वी ऑक्टोबर 2022 मध्ये रिलायन्स फाऊंडेशन हॉस्पिटलच्या नंबरवर एका अनोळखी नंबरवरून धमकी देणारा कॉल आला होता. सदर धमकी देणाऱ्या व्यक्तीने रिलायन्स फाऊंडेशन हॉस्पिटल उडवून देण्याची तसेच अंबानी कुटुंबियांच्या संदर्भात धमकी दिली होती. याच पार्श्वभूमीवर डॉ डी बी मार्ग पोलीस ठाण्यात तक्रार नोंदवण्यात आली.
त्यानंतर ऑगस्ट 2022 ला देखील मुकेश अंबानी यांना जीवे मारण्याची धमकी देण्यात आली होती. आतंकवादी अफजल गुरु आहे असे सांगून रिलायन्स इंडस्ट्रीज लिमिटेडचे चेअरमन मुकेश धीरूभाई अंबानी आणि त्यांचे दिवंगत वडील धीरूभाई अंबानी यांचे नावाने वारंवार अश्लील भाषेत शिवीगाळ करून जीवे मारण्याची धमकी दिली गेली होती. या आरोपीने रिलायन्स रुग्णालयात नऊ वेळा कॉल करुन धमकी दिली. त्यानंतर विष्णू बिंदू भूमिक या 56 वर्षीय आरोपीला बोरीवलीमधून ताब्यात घेण्यात आलं.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)