'मिशन पोलीस स्टेशन' ; प्राथमिक तपासणीसाठी 'डॉक्टर आपल्या दारी'ची टीम थेट पोलीस स्टेशनमध्ये

सुमारे 57 डॉक्टरांनी अहोरात्र मेहनत घेत 57 पेक्षा जास्त मोबाईल डिस्पेंसरी व्हॅन सेवेच्या माध्यमातून आतापर्यंत 'डॉक्टर आपल्या दारी' या उपक्रमाचा 3,46,485 मुंबईकरांनी लाभ घेतला आहे.

मुंबई : कोविड वॉरिअर्समध्ये डॉक्टर, पोलीस, शासकीय कर्मचारी यांचा समावेश आहे. 'डॉक्टर आपल्या दारी'ची टीम थेट पोलीस स्टेशनमध्ये पोहोचली. कारण होते प्राथमिक तपासणी. मुंबईकरांच्या रक्षणासाठी पोलीस अहोरात्र मेहनत करत आहेत. कोविडवर विजय मिळवण्यासाठी पोलीस आज कार्यरत आहेत. त्यातच या युद्धात अनेकांना आपला जीव गमवावा लागला आहे. त्यामुळे त्यांची प्राथमिक तपासणी होणे गरजेचे आहे.

प्रत्येकाची प्राथमिक तपासणी झाली तर आपण कोरोनापासून सुरक्षित अंतरावर राहू शकतो हा विचार पुढे आणत क्रेडाई-एमसीएचआय, भारतीय जैन संघटना आणि देश अपनाये यांच्या संयुक्त विद्यमाने महापालिकेच्या मार्गदर्शनाखाली 'डॉक्टर आपल्या दारी' हा उपक्रम यशस्विरित्या राबविण्यात येत आहे. आतापर्यंत मालाड, घाटकोपर, टिळकनगर पोलीस स्टेशन, ठाणे आणि डोंबिवलीतील पोलीस स्टेशनसह जवळ 60 हून अधिक पोलीस स्टेशनला टीमने भेट देत पोलिसांची प्राथमिक तपासणी केली आहे. या स्तुत्य उपक्रमामुळे पोलिसांकडून टीमला कौतुकाची थाप मिळत आहे.

याचा फायदा फक्त पोलिसांनाच नाही तर सामान्य नागरीकांना सुद्धा झाला आहे. सुमारे 57 डॉक्टरांनी अहोरात्र मेहनत घेत 57 पेक्षा जास्त मोबाईल डिस्पेंसरी व्हॅन सेवेच्या माध्यमातून आतापर्यंत 'डॉक्टर आपल्या दारी' या उपक्रमाचा 3,46,485 मुंबईकरांनी लाभ घेतला आहे. यातील 5,658 रुग्णांना संशयित रुग्ण म्हणून सरकारी रुग्णालयात जाण्याचा सल्ला देण्यात आला आहे. याचा फायदा अधिकाधिक मुंबईकरांना व्हावा म्हणून 'डॉक्टर आपल्या दारी'च्या टीमतर्फे प्रत्येक सोसायटी, विभागातील लोकसेवकांना आवाहन केलं जातं आहे.

क्रेडाई-एमसीएचआय, भारतीय जैन संघटना आणि देश अपनाये यांच्या संयुक्त विद्यमाने आणि महानगरपालिकांच्या मार्गदर्शनाने 'डॉक्टर आपल्या दारी'चा उपक्रम राबविण्यात येत आहे.

• 57 पेक्षा जास्त मोबाइल डिस्पेंसरी व्हॅनची मदत
• 3,46,385 मुंबईकरांनी घेतला प्राथमिक तपासणीचा लाभ
• 5,658 रुग्णांना संशयित रुग्ण म्हणून सरकारी रुग्णालयात जाण्याचा सल्ला

या उपक्रमाबाबत बोलतांना नयन शाह, म्हणाले, आज मुंबई आणि उपनगरांची लोकसंख्या बघता वैद्यकीय सेवेवर मोठ्या प्रमाणावर ताण येत आहे. त्यामुळे आम्ही या उपक्रमाची सुरूवात केली. आमच्या या उपक्रमाला आता महिना झाला आहे. आम्हाला अभिमान आहे की, महानगरपालिकांना तीन लाख पेक्षा जास्त संशयित रुग्ण शोधून देण्याचा प्रयत्न आम्ही केला आहे. या सेवेचा फायदा प्रत्येकाला व्हावा म्हणून आम्ही सर्वांना तपासणी करण्याचे आवाहन करत आहोत.डॉकटर सुद्धा आपल्या कर्तव्य चोखपणे पार पाडत आहेत.

Day With Corona Warrior | मुंबई मधील धारावी येथील कोरोना योद्ध्यांचा अनुभव कसा आहे? | ABP Majha