Mumbai Corona Update : मुंबईत नव्या कोरोनाबाधितांच्या तुलनेत दुप्पट नागरिक कोरोनामुक्त, रुग्ण बरे होण्याचे प्रमाण 97 टक्क्यांवर

Mumbai Corona Update : मुंबईत रविवारी समोर आलेल्या रुग्णसंख्ये नवे 1,160 कोरोनाबाधित आढळले असून 2,530 जण कोरोनामुक्त झाले आहेत.

Mumbai_Corona_Update

Mumbai Coronavirus Cases : मुंबईमधील नव्याने आढळणाऱ्या कोरोना (Corona)रुग्णांच्या तुलनेत कोरोनामुक्त होणाऱ्यांची संख्या बरीच अधिक असल्याच मागील काही दिवस सातत्याने दिसत आहे. आजदेखील (रविवारी) नव्याने आढळलेले मुंबईतील कोरोनाबाधित 1 हजार 160 असून 2 हजार 530 रुग्ण कोरोनामुक्त झाले आहेत. ज्यामुळे मुंबईत सद्यस्थितीला 10 हजार 797 सक्रिय कोरोनारुग्ण आहेत.

महानगर पालिकेने दिलेल्या माहितीनुसार, मुंबईत रविवारी सायंकाळी 6 पर्यंत समोर 1 हजार 160 नवे रुग्ण आढळले असून 10 जणांचा उपचारादरम्यान मृत्यू झाला आहे. ज्यामुळे कोरोनामुळे मृत्यू पावलेल्यांची संख्या 16 हजार 612 झाली आहे. तर मागील 24 तासांत 2 हजार 530 जणांनी कोरोनावर मात केली आहे. त्यामुळे सध्या मुंबईचा रिकव्हरी रेट 97 टक्के इतका आहे.  

मुंबईतील कोरोनारुग्ण संख्येच्या आकडेवारीवर एक नजर.. 

दिनांक	मुंबईतील रुग्णसंख्या
15 जानेवारी	10, 661
16 जानेवारी	7, 895
17 जानेवारी	5, 956
18 जानेवारी	6, 149
19 जानेवारी	6, 032
20 जानेवारी	5,708
21 जानेवारी	5,008
22 जानेवारी	3,568
23 जानेवारी	2,250
24 जानेवारी	1,857
25 जानेवारी	1,815
26 जानेवारी	1,858
27 जानेवारी	1,384
28 जानेवारी	1,312
29 जानेवारी	1,411
30 जानेवारी	1,160

सध्या मुंबईतील 8 इमारती सील करण्यात आल्या आहेत. तसंच आज नव्याने सापडलेल्या 1 हजार 160 रुग्णांपैकी 160 रुग्णांनाच रुग्णालयात दाखल करण्यात आल्याने पालिकेकडील 37 हजार 573 बेड्सपैकी केवळ 2 हजार 268 बेड वापरात आहेत.  

इतर महत्त्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha