Mumbai Crime : दाऊदचा हस्तक रियाझ भाटीला 1 ऑक्टोबरपर्यंत पोलिस कोठडी
Mumbai Crime News : डॉन दाऊद इब्राहिमच्या (Dawood Ibrahim) टोळीचा सदस्य आणि त्याच्या जवळचा समजला जाणारा रियाझ भाटी (Riyaz Bhati) याला न्यायालयाने 1 ऑक्टोबरपर्यंत पोलिस कोठडी सुनावली आहे.
Mumbai Crime News : अंडरवर्ल्ड डॉन दाऊद इब्राहिमच्या (Dawood Ibrahim) टोळीचा सदस्य आणि त्याच्या जवळचा समजला जाणारा रियाझ भाटी (Riyaz Bhati) याला न्यायालयाने 1 ऑक्टोबरपर्यंत पोलिस कोठडी सुनावली आहे. मुंबई गुन्हे शाखेने AEC (Anti Extortion Cell) काल अंधेरी येथून त्याला अटक केली होती. रियाझ भाटी आणि छोटा शकीलचा साडू सलीम फ्रूट यांनी एका व्यावसायिकाकडून 62 लाख रूपयांची खंडणी मागितल्या प्रकरणी त्यांच्यावर गुन्हा दाखल करण्यात आला होता. सलीम याला यापूर्वीच अटक करण्यात आली असून रियाझ याला काल अटक करण्यात आली. खंडणीची रक्कम दिली नाही तर व्यवसायिकाला जीवे मारण्याची धकमी या दोघांनी दिली होती. याबाबत संबंधित व्यावसायिकाने पोलिसांमध्ये तक्रार दाखल केली होती. या वर्षीच्या फेब्रुवारी महिन्यात या दोघांनी व्यवसायिकाला धमकी दिली होती.
रियाझ भाटी याला अटक केल्यानंतर मुंबईतील किल्ला कोर्टात हजर करण्यात आले होते. पोलिसांनी त्याची 14 दिवस कोठडी मिळावी अशी मागणी केली होती. त्यानंतर न्यायालयाने त्याला 1 ऑक्टोबरपर्यंत पोलिस कोठडी सुनावली आहे.
मुंबईतील वर्सोवा पोलिस ठाण्यात भाटी याच्याविरोधात एका व्यावसायिकाने खंडणी मागितल्याची तक्रार दाखल केली आहे. जीवे मारण्याची धमकी दिल्याने संबंधित व्यावसायिकाने संशयितांच्या खात्यात 7 लाख 50 हजार रूपये ट्रान्फर केले होते. एवढेच नाही तर त्याने आपल्या पत्नीच्या नावावर असणारी महागडी कार देखील आरोपींना दिली होती. या कारची किंमत तब्बल 30 लाख रूपये होती. तक्रारदार हे मुंबईतील वर्सोवा भागातील आहेत. खंडणीबाबात पोलिसांमध्ये तक्रार दिली किंवा कोणाला माहिती दिली तर ठार मारण्यात येईल अशी धमकी तक्रारदारांना देली होती. संबंधित व्यावसायिकाच्या तक्रारीनंतर पोलिसांनी 387, 506 (2), 120 (B) आणि 34 अंतर्गत सलीम फ्रूट आणि रियाझ भाटी यांच्यावर गुन्हा दाखल केला आणि प्रकरणाचे गाांभीर्य लक्षात घेऊन या प्रकरणाचा तपास मुंबई गुन्हे शाखेकडे देण्यात आला.
गुन्हे शाखेच्या एका अधिकाऱ्याने याबाबत माहिती देताना सांगितले की, या प्रकरणाचा तपास करण्यासाठी एनआयएच्या कोर्टात सलीम फ्रूट याची कोठडी मागण्यासाठी अर्ज केला आहे. शिवाय आज पोलिस रियाझ भाटीला न्यायालयात हजर करून त्याच्या कोठडीची मागणी करणार आहेत. गँगस्टर छोटा शकील याचा साडू सलीम इक्बाल कुरेशी उर्फ सलीम फ्रूट याला यापूर्वीच अटक केली आहे.
कोण आहे रियाझ भाटी?
रियाझ भाटी हा गँगस्टर दाऊद इब्राहिमचा निकटवर्तीय आहे. त्याच्यावर खंडणी, जमीन बळकावणं, फसवणूक आणि गोळीबार अशा अनेक प्रकरणी गुन्हे दाखल आहेत. 2015 आणि 2020 मध्ये न्यायालयाच्या आदेशांचं उल्लंघन करून बनावट पासपोर्टचा वापर करून देशातून पळून जाण्याच्या प्रयत्नात असताना त्याला अटक करण्यात आली होती. जुलै 2021 मध्ये गोरेगाव येथे नोंदवलेल्या एफआयआरमध्ये मुंबईचे माजी पोलिस आयुक्त परमवीर सिंह आणि सहाय्यक निरीक्षक सचिन वाझे यांच्यासह भाटी यांचेही आरोपी म्हणून नाव होते. सूत्रांनी दिलेल्या माहितीनुसार, भाटी हा वाझेच्या वतीने बार आणि रेस्टॉरंटमधून पैसे गोळा करत होता असा संशय आहे.
महत्त्वाच्या बातम्या
ट्रेंडिंग न्यूज
and tablets
