Mumbai Corona Update : मुंबईत आज अजब योगायोग, नव्या आढळलेल्या रुग्णांसह कोरोनामुक्तांची संख्याही समसमान

Mumbai Corona Update : मुंबईतील आज नव्याने सापडलेल्या 41 रुग्णांपैकी केवळ चार जणांना रुग्णालयात दाखल करण्यात आलं आहे. तर एका रुग्णाचा मृत्यू झाला आहे.

mumbai_corona

Mumbai Corona Update : मुंबईत आज आढळलेली नव्या कोरोनारुग्णांची(Mumbai Corona Update) संख्या आणि कोरोनामुक्त होणाऱ्यांची संख्या समसमान असल्याचा योगायोग आढळला आहे. मुंबई महानगरपालिकेने दिलेल्या माहितीनुसार मुंबईत नवे 41 कोरोनाबाधित आढळले असून 41 जण कोरोनामुक्त झाले आहेत. मुंबई पालिका क्षेत्रात (BMC) आज एका मृत्यूची नोंद झालेली नाही. दरम्यान मुंबईत काल कोरोनाचे दोन नवीन सबव्हेरियंट आढळले होते. मुंबईत `कापा´ आणि `एक्सई´ उपप्रकाराचे रुग्ण सापडल्याने पालिका प्रशासन (Mumbai BMC) सतर्क झाले आहे.

नव्याने आढळलेल्या कोरोना रुग्णांमुळे मुंबईतील सक्रिय रुग्णसंख्या देखील 282 इतकी झाली आहे. मुंबईत रुग्ण बरे होण्याचे प्रमाणही 98 टक्क्यांवर गेले आहे. आज नव्याने सापडलेल्या 41 रुग्णांपैकी चार रुग्णांना रुग्णालयात दाखल करण्यात आले आहे. त्यामुळे पालिकेकडील 26 हजार 151 बेड्सपैकी केवळ 24 बेड सध्या वापरात आहेत. 

राज्यात 128 नवे कोरोनाबाधित

मागील काही दिवसांपासून राज्यात कोरोना रुग्णांच्या संख्येत चढउतार पाहायला मिळत आहे. आरोग्य विभागाने दिलेल्या माहितीनुसार, गुरुवारी राज्यात 128 नव्या रुग्णांची नोंद झाली आहे. तर सहा रुग्णांचा मृत्यू झाला आहे. 24 तासात राज्यात 159  रुग्ण बरे होऊन घरी परतले आहेत. त्यामुळे राज्यात आजपर्यंत एकूण 77,26,184 करोना बाधित रुग्ण बरे होऊन घरी परतले आहेत.  यामुळे राज्यातील रुग्ण बरे होण्याचे प्रमाण (Recovery Rate) 98.11% एवढे झाले आहे. राज्यात आज रोजी एकूण 828 ॲक्टिव्ह रुग्ण आहेत

महत्त्वाच्या इतर बातम्या: 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha