काँग्रेस नेत्या प्रिया दत्त मातोश्रीवर उद्धव ठाकरेंच्या भेटीला

मुंबई : काँग्रेस नेत्या प्रिया दत्त यांनी शिवसेना पक्षप्रमुख उद्धव ठाकरे यांची मातोश्रीवर भेट घेतल्याने राजकीय वर्तुळात वेगवेगळ्या चर्चांना उधाण आलं होतं. मात्र काँग्रेसच्या कार्यक्रमात शिवसैनिकांच्या राड्यामुळे ही भेट घेतल्याची माहिती आहे.

काँग्रेसच्या माजी खासदार प्रिया दत्त यांनी मातोश्री या उद्धव ठाकरेंच्या निवासस्थानी जाऊन त्यांची भेट घेतली. शनिवारी रात्री कांदिवलीतील काँग्रेसच्या कार्यक्रमात शिवसैनिकांनी घातलेल्या राड्याच्या पार्श्वभूमीवर ही भेट झाल्याची माहिती आहे.

मात्र काँग्रेसच्या खासदार शिवसेना पक्षप्रमुखांच्या भेटीला आल्यामुळे राजकीय वर्तुळात विविध तर्कवितर्क लढवले जात होते.