एक्स्प्लोर
Advertisement
मुंबई महापालिकेला लवकरच मिळणार तब्बल 1800 कोटींची प्रॉपर्टी
हे प्रकरण तब्बल 15 वर्षे कोर्टात प्रलंबित होतं. आज याप्रकरणी सुप्रीम कोर्टाचा निकाल आला असून. पालिकेला तब्बल 1800 कोटी रुपयांची प्रॉपर्टी मिळणार आहे. तसेच रुग्णालयाने थकवलेला 140 कोटींचा प्रॉपर्टी टॅक्स देखील पालिकेकडून वसूल करण्यात येणार आहे.
मुंबई : मुंबईतील मरोळ येथे असणाऱ्या सेव्हन हिल हॉस्पिटलला भाडे तत्त्वावर मुंबई महापालिकेने दिलेली जागा पुन्हा महापालिकेला मिळणार आहे. 2004- 05 साली महापालिकेने केलेल्या कराराचं पालन न केल्यामुळे ही जागा पुन्हा महापालिकेला मिळणार आहे. 2004 साली पालिकेने सेव्हन हिल हॉस्पिटलला तब्बल सतरा एकर जागा दिली होती. त्यावेळी पालिकेने या जागेच्या बदल्यात रुग्णालयाने गरीब रुग्णांसाठी 20 टक्के जागा राखीव ठेवाव्यात असं ठरवण्यात आलं होतं.
यानंतर रुग्णालयाने याठिकाणी एक इमारत बांधली परंतु करारानुसार ते सेवा पुरवण्यात अपयशी ठरल्याचं लक्षात आल्यानंतर पालिकेने त्यांच्याविरोधात कडक कारवाईचं धोरण अवलंबले. दरम्यानच्या काळात रुग्णालय प्रशासन देखील अडचणीत आलं. हे प्रकरण तब्बल 15 वर्षे कोर्टात प्रलंबित होतं. आज याप्रकरणी सुप्रीम कोर्टाचा निकाल आला असून. पालिकेला तब्बल 1800 कोटी रुपयांची प्रॉपर्टी मिळणार आहे. तसेच रुग्णालयाने थकवलेला 140 कोटींचा प्रॉपर्टी टॅक्स देखील पालिकेकडून वसूल करण्यात येणार आहे.
याबाबत बोलताना महापालिकेच्या आरोग्य विभागाच्या अतिरिक्त आयुक्त डॉ. अश्विनी जोशी म्हणाल्या की, सदर रुग्णालयाने करारावेळी केलेल्या अटी पूर्ण केल्या नाहीत. याठिकाणी रुग्णालयाने 1400 खाटांचे रुग्णालय पाच वर्षात उभारने अपेक्षित होतं. त्यातील 20 टक्के जागा गरीब रुग्णांना कमी पैशात द्याव्यात असं करारात नमूद करण्यात आलं होतं. परंतु रुग्णालय प्रशासनाकडून या अटी पूर्ण करण्यात आल्या नाहीत. त्यामुळे पालिकेने रुग्णालय प्रशासनाने कारवाईचा बडगा उभारला होता. हे संपूर्ण प्रकरण मागील 8 ते 9 वर्षे सुप्रीम कोर्टात होतं. आता याठिकाणी पालिका लवकरच अद्यावत रुग्णालय किंवा आरोग्य सेवेशी निगडीत सुविधा असणारं केंद्र उभारणार आहे, असे जोशी यांनी एबीपी माझाशी बोलताना सांगितले.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
भारत
विश्व
राजकारण
जळगाव
Advertisement