अवैध शस्त्रसाठाप्रकरणी धनंजय कुलकर्णीला पोलीस कोठडी

49 वर्षीय धनंजय कुलकर्णी हे भाजपचे कल्याण शहर उपाध्यक्ष आहे. कुलकर्णीच्या दुकानात चॉपर, तलवारी, एअरगन, फायटर्स, चाकू, सुरे आणि कुऱ्हाडी अशी शस्त्रं सापडली.

कल्याण :  डोंबिवलीतील अवैध शस्त्रसाठाप्रकरणी अटकेत असलेल्या धनंजय कुलकर्णीला तीन दिवसांची पोलीस कोठडी सुनावली आहे. कल्याण कोर्टाने कुलकर्णीला ही शिक्षा सुनावली आहे. डोंबिवलीत भाजप पदाधिकारी असलेल्या धनंजय कुलकर्णीच्या दुकानातून 16 जानेवारी रोजी मोठा शस्त्रसाठा पोलिसांनी जप्त करण्यात आला. कुलकर्णींकडे तब्बल 180 प्रकारची शस्त्रं सापडली होती. कल्याण गुन्हे शाखेने दुकानावर धाड टाकत ही कारवाई केली होती. याच प्रकरणी धनंजय कुलकर्णीला कल्याण कोर्टाने शिक्षा सुनावली आहे. कल्याण गुन्हे शाखेने आधारवाडी कारागृहातून धनंजय कुलकर्णीचा ताबा घेतला आहे. 49 वर्षीय धनंजय कुलकर्णी हे भाजपचे कल्याण शहर उपाध्यक्ष आहे. कुलकर्णीच्या दुकानात चॉपर, तलवारी, एअरगन, फायटर्स, चाकू, सुरे आणि कुऱ्हाडी अशी शस्त्रं सापडली. त्यामुळे सुसंस्कृत शहराचा टेंभा मिरवणाऱ्या डोंबिवलीत खळबळ उडाली. धनंजय कुलकर्णींच्या नावे 'तपस्या फॅशन हाऊस' नावाचं गिफ्ट शॉप आहे. या ठिकाणी शस्त्रास्त्र विक्रीला ठेवल्याची माहिती पोलिसांना मिळाली होती. त्यानंतर पोलिसांनी सापळा रचून या दुकानावर धाड टाकली. कुलकर्णीनीने क्रॉफर्ड मार्केटमधून हे साहित्य विकत आणल्याची माहिती आहे.