धारावीत मशिदीचा अवैध भाग तोडण्यावरून वाद; बीएमसी पथकाची गाडीचीही तोडफोड, शेकडोंचा जमाव रस्त्यावर

Mumbai Dharavi: मशिदीचा अवैध भाग तोडण्यावरून धारावीत वाद सुरु आहे.

Mumbai Dharavi

Source : ABP

Mumbai Dharavi मुंबई: मुंबईच्या धारावीत (Dharavi) सध्या तणावपूर्ण स्थिती निर्माण झाली आहे. मशिदीचा अवैध भाग तोडण्यावरून वाद सुरु असल्याचं सांगितलं जात आहे. 

धारावीत (Dharavi) आज सकाळी कारवाईसाठी गेलेल्या बीएमसी पथकाला स्थानिकांनी रोखलं. तसेच बीएमसी पथकाच्या गाडीचीही तोडफोड केल्याचं समोर आलं आहे. शेकडोंचा जमाव रस्त्यावर उतरला असून सध्या तणावपूर्ण स्थिती निर्माण झाली आहे. त्यामुळे धारावी परिसरात पोलिसांचा मोठा बंदोबस्त तैनात करण्यात आला आहे. लोक धारावीतील रस्ता अडवून बसले आहेत. त्यांची समजूत घालून पोलिसांनी रस्त्याचा एक भाग वाहतुकीसाठी खुला केला आहे. या ठिकाणी पोलीस बंदोबस्त वाढवला आहे. पोलीस लोकांशी चर्चा करुन मार्ग काढण्याचा प्रयत्न करत आहे.

नेमकं प्रकरण काय?

मिळालेल्या माहितीनूसार धारावीच्या परिसरात एक मशिद आहे. या मिशिदीचा काही भाग अवैध असल्याचं सांगितलं जातंय. त्यामुळे आज मुंबई महानगरपालिकेचं पथक हा अवैध भाग तोडण्यासाठी धारावीत दाखल झाले होते. बीएमसीचं पथक आल्यानंतर स्थानिक रहिवाशांनी त्यांना अडवले. तसेच बीएमसीच्या गाडीच्या काचाही फोडल्या. तसेच काही नागरिक रस्त्यावर बसले असून त्यांनी आक्रमक पवित्रा घेतल्याचं दिसून येत आहे. लोक धारावीतील रस्ता अडवून बसले आहेत. या ठिकाणी पोलीस बंदोबस्त वाढवला आहे. पोलीस लोकांशी चर्चा करुन मार्ग काढण्याचा प्रयत्न करत आहे.

काँग्रेसच्या खासदार वर्षा गायकवाड यांनी मुख्यमंत्र्यांना लिहिलं होतं पत्र-

काल म्हणजेच 20 सप्टेंबर रोजी स्थानिक खासदार वर्षा गायकवाड यांनी या मशिदीच्या संबंधित मुख्यमंत्री एकनाथ शिंदे यांना पत्र लिहिलं होतं. या पत्रात धारावीतील हिमालया हॉटेल जवळची मेहबुबे सुभानिया मशिदवरील तोडक कारवाई करण्याची नोटीस मुंबई महानगरपालिकेने पाठवली आहे. सदरची मशिद ही अनेक वर्षापासून अस्तित्वात आहे. धारावी पुनर्वसन प्राधिकरण (DRP) कडून या मशिदीच्या अतिक्रमणाबाबतची चौकशी करावी, सदरहू मशिदीच्या अतिक्रमणाबाबतचा DRP चा चौकशी अहवाल सादर झाल्यानंतर पुढील निर्णय घेता येईल, असं वर्षा गायकवाड यांनी म्हटलं आहे. मुंबई महानगरपालिकेने अतिक्रमणचा मुद्दा उपस्थित करून तोडक कारवाई करण्याची नोटीस पाठवलेली आहे. DRP चा चौकशी अहवाल येईपर्यंत राज्याचे प्रमुख या नात्याने आपण मुंबई महानगरपालिकेच्या या तोडक कारवाईला स्थगिती दयावी, अशी विनंती वर्षा गायकवाड यांनी पत्राद्वारे एकनाथ शिंदेंना केली होती. 

वर्षा गायकवाड यांचं ट्विट-

आज मुख्यमंत्री @mieknathshinde जी से धारावी के महबूब - ए - सुबानिया मस्जिद को आई बीएमसी की डिमोलिशन की नोटिस को लेकर मुलाकात की और लोगों की भावनाओं से अवगत कराया। मुख्यमंत्री से सकारात्मक बातचीत हुई। उन्होंने कहा की वे संबंधित अधिकारियों से बात करेंगे और आश्वासन दिया की तोड़क… pic.twitter.com/LmxYAt3k0W

— Prof. Varsha Eknath Gaikwad (@VarshaEGaikwad) September 20, 2024

संबंधित बातमी: