Mumbai Fire : मुंबईत अग्नितांडव! ताडदेवच्या भाटिया रुग्णालयाशेजारील इमारतीला भीषण आग, सहा जणांचा मृत्यू

ताडदेव परिसरातील भाटिया रुग्णालयाच्या बाजूच्या इमारतीमध्ये आग लागली आहे. ही आग विझवण्यासाठी अग्निशमन दलाच्या बारा गाड्या घटनास्थळी दाखल झाल्या आहेत. या आगीत सहा जणांचा मृत्यू झाल्याची माहिती आहे.

mumbai news

मुंबई : ताडदेव भागातील भाटिया रुग्णालयाच्या बाजूच्या इमारतीमध्ये आग लागली आहे. ही आग विझवण्यासाठी अग्निशमन दलाच्या बारा गाड्या घटनास्थळी दाखल झाल्या आहेत. ही इमारत  20 मजली असून इमारतीच्या 18 व्या मजल्यावर आग लागली आहे. या आगीत सहा जणांचा मृत्यू झाल्याची माहिती आहे. तर या घटनेत 22 जण जखमी झाले असल्याची देखील माहिती मिळाली आहे. 

आज सकाळी साडेसात वाजण्याच्या सुमारास ही आग लागली. पावणे आठच्या सुमारास ही आग लेव्हल 3 ची असल्याची अग्निशमन दलाकडून घोषणा करण्यात आली. आगीच्या ठिकाणी 13 फायर इंजिन 7 जंबो टँकर द्वारे आग विझवण्याचे प्रयत्न सूरु असल्याची माहिती पालिकेच्या आपत्कालीन व्यवस्थापन विभागाने दिली आहे. 

मितेश मीस्त्री, मंजूबेन कंठारिया, पुरूषोत्तम चोपडेकर यांच्यासह इतर तिघांचा मृत्यू झाला तर हंसा चोक्सी, फालगुणी चोक्सी, धावेल, यश चोक्सी, शुभांगी साळकर, दिलीप साळकर, ममता साळकर, तनिषा सावंत, अंकिता चौधरी, धनपत पंडित, गोपाळ चोपडेकर, स्नेहा चोपडेकर, वेदांगी चोपडेकर, मीना चव्हान, प्रतिमा नाईक, कल्पना नाडकर्णी, स्मीता  नाडकर्णी, रुदया चोपडेकर, मनिश सिंग, मंजू खान्ना अशी जखमी झालेल्यांची नावे आहेत. 

सकाळी सातच्या दरम्यान आग लागली. आग लागल्यानंतर पूर्ण लाईट इमारतीची गेली. बाहेर पाहिलं तर मोठ्या धूर पाहायला मिळत होता आणि आग लागल्याची माहिती मिळताच सगळेजण इमारतीच्या खाली आले. प्रत्येक मजल्यावर सहा घर आहेत. या मजल्यावर आग लागली तिथे साधारणपणे 20 ते 22 रहिवासी राहात असतील. आता सगळ्यांना बाहेर काढण्यात आलं आहे, सध्या जखमींपैकी 16जणांवर उपचार सुरू आहेत तर किरकोळ जखमी जालेल्या 7 जणांना रूग्णालयातून घरी सोडण्यात आलं असल्याचे तिथल्या रहिवाशांनी सांगितलं. 

Koo App

Maharashtra: Level 3 fire broke out at Kamla Building at Tardeo (Nana Chowk) 18th floor of G+20 Structure.

View attached media content

- Prasar Bharati News Services (@pbns_india) 22 Jan 2022

इमारतीत काही लोक अडकल्याची भीती
आगीवर नियंत्रण मिळवण्याचं काम सुरू असून आग लागलेल्या ठिकाणी आणखी काही लोक अडकल्याची भीती व्यक्त करण्यात आली आहे. दरम्यान, ही आग कशामुळे लागली  याचे कारण अद्याप अस्पष्ट आहे. आगीतून आतापर्यंत दोघांना बाहेर काढण्यात आल्याचे अग्निशमन दलाकडून सांगण्यात आले आहे.

"आग लागलेली इमारत पूर्णपणे खाली करण्यात आलेली आहे. या आगीमध्ये दहा जण जखमी असून त्यातील काही जण गंभीर जखमी आहेत. जखमींना भाटिया रुग्णालयात दाखल करण्यात आले आहे. आत मधील लोकांना बाहेर काढण्याचं काम सुरुवातीला करण्यात आलं आहे. इमारतीमधील सर्वांना बाहेर काढण्यात आलं असलं तरी या आगीमध्ये जखमी झालेल्यांवर रुग्णालयात उपचार सुरू आहेत, अशी माहिती मुंबईच्या महापौर किशोरी पेडणेकर यांनी दिली. 

महत्वाच्या बातम्या