सावधान! कोकणसह पश्चिम महाराष्ट्र आणि विदर्भात पावसाचा यलो अलर्ट, आजही राज्यात मुसळधार पावसाचा इशारा

हवामान विभागानं दिलेल्या माहितीनुसार, आजही राज्याच्या विविध भागात मुसळधार पावसाचा इशारा देण्यात आला आहे. पाहुयात याबाबतची सविस्तर माहिती.

Maharashtra Weather News

Maharashtra Weather News :  सध्या राज्याच्या विविध भागात पाऊस (Rain) कोसळत आहे. कुठं मुसळधार पाऊस पडतोय, तर कुठं हलका ते मध्यम स्वरुपाचा पाऊस पडतोय. काही भागात चांगला पाऊस झाल्यामुळं शेतीच्या (Agriculture) कामांना वेग आलाय. शेतकरी पेरणीच्या (Sowing) कामात व्यस्त असल्याचं पाहायला मिळत आहे. दरम्यान, हवामान विभागानं दिलेल्या माहितीनुसार, आजही राज्याच्या विविध भागात मुसळधार पावसाचा इशारा देण्यात आला आहे. पाहुयात याबाबतची सविस्तर माहिती.

'या' जिल्ह्यात पडणार मुसळधार पाऊस

हवामान विभागानं दिलेल्या माहितीनुसार आज कोकणसाह पश्चिम महाराष्ट्र आणि विदर्भात मुसळधार पावसाचा यलो अलर्ट जारी करण्यात आला आहे. कोकणताली रायगड, रत्नागिरी आणि सिंधुदुर्ग या तिन्ही जिल्ह्यांना पावसाचा यलो अलर्ट जारी करण्यात आला आहे. तसेच पश्चिम महाराष्ट्रातील पुणे आणि सातारा जिल्ह्यात देखील पावसाचा यलो अलर्ट जारी करण्यात आला आहे. त्याचबरोबर विदर्भातील अमरावती, यवतमाळ, भंडारा, गडचिरोली, चंद्रपूर, नागपूर आणि वर्धा या जिल्ह्यांना देखील पावसाचा यलो अलर्ट देण्यात आला आहे. दरम्यान, या मुसळधार पावसाच्या पार्श्वभूमीवर नागरिकांनी योग्य ती खबरदारी घ्यावी असं आवाहन प्रशासनाच्या वतीनं करण्यात आलं आहे. 

30 जून पर्यंत महाराष्ट्रात मध्यम ते जोरदार पावसाची शक्यता

सध्या मान्सूनने (Monsoon) संपूर्ण महाराष्ट्र काबिज केला आहे. मात्र, काही भागात अद्यापही म्हणावा तसा पाऊस झालेला नाही. सध्या मान्सूनचा काही प्रमाणात वावर हा घाटमाथ्यावर जाणवू लागला आहे. त्यामुळं आजपासून जूनच्या या शेवटच्या संपूर्ण आठवड्यात म्हणजे 30 जून पर्यंत महाराष्ट्रात मध्यम ते जोरदार पावसाची शक्यता असल्याचे मत ज्येष्ठ हवामान अभ्यासक माणिकराव खुळे (Manikrao Khule) यांनी व्यक्त केलं आहे. 

चांगला पाऊस झालेल्या ठिकाणी शेतीच्या कामांना वेग

ज्या भागात चांगला पाऊस झाला आहे, त्या भागात शेतीच्या कामांना वेग आला आहे. शेतकरी पेरणी करत असल्याचं पाहायला मिळत आहे. दरम्यान, अनेक भागात अद्याप चांगला पाऊस झालेला नाही. त्या भागात चांगल्या पावसाची गरज आहे. शेतकरी पावसाची प्रतिक्षा करत आहेत. दरम्यान, चांगला पाऊस झाल्याशिवाय शेतकऱ्यांनी पेरणी कर नये असं आवाहन कृषी विभागाच्या वतीनं करण्यात आलं आहे. त्यामुळं शेतकऱ्यांनी पेरणीची घाई करु नये असी माहिती अधिकाऱ्यांनी दिली आहे. 

महत्वाच्या बातम्या: