![ABP Premium](https://cdn.abplive.com/imagebank/Premium-ad-Icon.png)
Weather Update : उन्हाच्या झळांपासून दिलासा! महाराष्ट्रासह 'या' भागात पावसाची शक्यता
IMD Weather Forecast : पुढील 24 तासात देशासह राज्यातील काही भागात पावसाची शक्यता वर्तवण्यात आली आहे. त्यामुळे उन्हाच्या झळांपासून काहीसा दिलासा मिळण्याची शक्यता आहे.
![Weather Update : उन्हाच्या झळांपासून दिलासा! महाराष्ट्रासह 'या' भागात पावसाची शक्यता Weather Update Today IMD Rain Prediction vidarbh maharathwada maharashtra marathi news Weather Update : उन्हाच्या झळांपासून दिलासा! महाराष्ट्रासह 'या' भागात पावसाची शक्यता](https://feeds.abplive.com/onecms/images/uploaded-images/2024/03/26/45ebf1005067252ae5e2aa67e22864561711416225296322_original.png?impolicy=abp_cdn&imwidth=1200&height=675)
Weather Update Today : देशात पुन्हा एकदा अवकाळी पावसाची (Unseasonal Rain) हजेरी पाहायला मिळत आहे. वेस्टर्न डिस्टर्बन्सच्या प्रभावामुळे राज्यासह देशात अनेक भागात पावसाची रिमझिम पाहायला मिळत आहे. भारतीय हवामान विभागाच्या (IMD) अंदाजानुसार, पुढील 24 तासात देशासह राज्यातील काही भागात पावसाची शक्यता वर्तवण्यात आली आहे. त्यामुळे उन्हाच्या झळांपासून काहीसा दिलासा मिळण्याची शक्यता आहे.
उन्हाच्या झळांपासून काहीसा दिलासा
भारतीय हवामान विभागाच्या (IMD) ताज्या अंदाजानुसार, पुढील 24 तासांत पश्चिम बंगाल, सिक्कीम, उत्तर ओडिशा, पूर्व झारखंड, पूर्व विदर्भ, छत्तीसगड आणि अरुणाचल प्रदेशात विजांच्या कडकडाटासह वादळ, सोसाट्याचा वारा, हलक्या ते मध्यम स्वरूपाच्या पावसाची शक्यता आहे. छत्तीसगड, पूर्व झारखंड, पश्चिम बंगाल, पश्चिम आणि उत्तर ओडिशा येथे गडगडाट गतिविधी सुरू राहण्याची अंदाज आहे.
महाराष्ट्रात या भागात पावसाची शक्यता
देशातसह राज्यातही काही भागात पावसाची हजेरी पाहायला मिळणार आहे. पुढील 24 तासात राज्यात पावसाची शक्यता आहे. विदर्भातील चंद्रपूर आणि गडचिरोली येथे गडगडाटी वादळासह गारपीट होऊ शकते. विदर्भ, छत्तीसगड, झारखंड, ओडिशा, गंगेचे पश्चिम बंगाल, सिक्कीम, अरुणाचल प्रदेश, नागालँड, आसाम आणि मेघालय लिकले येथे पुढील 24 तासांत काही ठिकाणी गडगडाटी वादळे, विजांचा कडकडाट आणि सोसाट्याचा वारा वाहण्याची शक्यता आहे.
26 ते 29 मार्च दरम्यान अवकाळी पावसाची शक्यता
आज 26 मार्च 2024 रोजी अरुणाचल प्रदेश, आसाम आणि मेघालय आणि सिक्कीममध्ये जोरदार पाऊस आणि वादळी वाऱ्यांची शक्यता आहे. 26 मार्च ते 29 मार्चदरम्यान पश्चिम हिमालयीन प्रदेश आणि वायव्य भारताच्या लगतच्या मैदानी भागात पाऊस आणि गडगडाटी पावसाची शक्यता आहे. 28 आणि 29 मार्चला सोसाट्याच्या वाऱ्यासह मुसळधार पावसाची शक्यता आहे. 26 ते 29 मार्च दरम्यान देशात काही भागात अवकाळी पावसाची शक्यता आहे.
महत्वाच्या इतर बातम्या :
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)