(Source: ECI / CVoter)
'फसगत करणारं फसवं सरकार, राज्यातील सरकारला मिळाली नवीन ओळख'; विजय वडेट्टीवारांचा हल्लाबोल
Maratha Reservation : सरकारने मराठा समाजाला स्वतंत्र 10 टक्के आरक्षण देण्याचा निर्णय घेतला आहे. यावरूनच आता विरोधकांकडून मुख्यमंत्री एकनाथ शिंदे यांच्यासह सरकारवर टीका होत आहे.
मुंबई : मराठा समाजाला 10 टक्के स्वतंत्र आरक्षण (Maratha Reservation) देण्याचा निर्णय सरकारने बोलावलेल्या विशेष अधिवेशनात घेण्यात आला आहे. दरम्यान, यावरूनच आता विरोधकांकडून सरकारवर टीका होतांना पाहायला मिळत आहे. विरोधी पक्षनेते विजय वडेट्टीवार (Vijay Wadettiwar) यांनी देखील सरकारवर टीका करतांना, 'फसगत करणारं फसवं सरकार अशी राज्यातील सरकारला मिळाली नवीन ओळख' असल्याचं म्हटले आहे. वडेट्टीवार यांनी ट्वीट करत सरकारवर निशाणा साधला आहे.
वडेट्टीवार यांनी ट्वीट करत म्हटले आहे की, "निवडणुका डोळ्यासमोर ठेऊन मतं मिळविण्यासाठी फसव्या सरकारकडून मराठा समाजाची पुन्हा फसवणूक. महायुती सरकारने विशेष अधिवेशनाचा फार्स करून आज मराठा समाजाला नोकरी आणि शिक्षणात दिलेले 10 टक्के आरक्षण न्यायालयात टिकणारे नाही. सरकारचे पितळ उघडे पडेल म्हणून आज सभागृहात सरकारने विरोधी पक्षाच्या नेत्यांना बोलू दिले नाही. सरकारने कितीही ढोल वाजवले, उर बडवले तरी आंदोलनकर्त्यांमध्ये सरकारने फसवल्याची भावना आहे. हे या सरकारचे अपयश आहे. महायुतीचे सरकार हे फसवे सरकार आहे. हे मराठा समाजाच्या आता लक्षात आले असल्याचे वडेट्टीवार म्हणाले.
मराठा समाजाच्या तोंडाला पाने पुसल्याचा प्रकार
पुढे बोलतांना वडेट्टीवार म्हणाले की, "दोन वेळा न्यायालयात न टिकलेले आरक्षण पुन्हा या महायुती सरकारने दिले आहे. केवळ लोकसभा निवडणूक डोळ्यासमोर ठेऊन केलेला फार्स म्हणजे मराठा समाजाच्या तोंडाला पाने पुसल्याचा प्रकार आहे. तेलही नाही आणि तुपही नाही आमच्या मराठा समाज बांधवांच्या हाती या महायुती सरकारने फक्त धुपाटणे दिले आहे. निवडणुकीच्या तोंडावर केवळ मतं मिळवण्यासाठी सरकारने ही नौटंकी केली असल्याचे वडेट्टीवार म्हणाले आहेत.
'फसगत करणारं फसवं सरकार, राज्यातील सरकारला मिळाली नवीन ओळख'
पुढे बोलतांना वडेट्टीवार म्हणाले की, "ओबीसींच्या आरक्षणाला धक्का न लागता मराठा समाजाला आरक्षण मिळालेच पाहिजे, अशी काँग्रेस पक्षाची आणि माझी भूमीका मी वेळोवेळी मांडली आहे. आता दिलेले 10 टक्के आरक्षण कोणत्याही आधाराशिवाय दिले आहे. त्यामुळे हे आरक्षण न्यायालयात टिकणार नाही. या महायुती सरकारमुळे मराठा समाजाचा पुन्हा भ्रमनिरास होणार आहे. महायुतीचे सरकार बळीराजाची फसगत करणारं फसवं सरकार आहे. बेरोजगार युवक-युवतींची फसगत करणारं फसवं सरकार आहे. परीक्षार्थी उमेदवारांची फसगत करणारं फसवं सरकार आहे. जुमलेबाजी करणारं जुमलेबाज सरकार आहे. मलिदा खाणारं फसवं सरकार आहे. गॅरेंटीच्या नावाखाली फसगत करणार नो गॅरेंटी सरकार आहे. आता आरक्षण प्रश्नी फसगत करणारं फसवं सरकार म्हणून नवी ओळख या सरकारला मिळाली असल्याचे वडेट्टीवार म्हणाले.
निवडणुका डोळ्यासमोर ठेऊन मतं मिळविण्यासाठी फसव्या सरकारकडून मराठा समाजाची पुन्हा फसवणूक.
— Vijay Wadettiwar (@VijayWadettiwar) February 20, 2024
महायुती सरकारने विशेष अधिवेशनाचा फार्स करून आज मराठा समाजाला नोकरी आणि शिक्षणात दिलेले 10 टक्के आरक्षण न्यायालयात टिकणारे नाही. सरकारचे पितळ उघडे पडेल म्हणून आज सभागृहात सरकारने विरोधी…
इतर महत्वाच्या बातम्या :
Maratha Reservation: राज्यात आता ७२ टक्के आरक्षण , पाहा कोणाला किती टक्के आरक्षण मिळणार?
महत्त्वाच्या बातम्या
ट्रेंडिंग न्यूज
