जरा हटके ! रेड्याच्या वाढदिवसाला अख्या गावाने मारला मटणावर ताव; वाजतागाता काढली मिरवणूक

घरातील सदस्यांप्रमणेच त्या पाळीव प्राण्यांची काळजी घेत असल्याचे आजपर्यत आपण पहिले असेल. इतकंच नाही तर त्यांचे वाढदिवस देखील साजरे करतात. असाच एक अनोखा वाढदिवस सध्या सोशल मीडियावर चर्चेत आहे.

ramu-shahapur

Buffalo Birthday Celebration : पाळीव प्राण्यांची बहुतांश लोकांना खूपच आवड असते. त्यामुळे घरातील मंडळी सदस्यांप्रमणेच त्या पाळीव प्राण्यांची काळजी घेत असल्याचे आजपर्यत आपण पहिले असेल. इतकंच नाही तर त्यांचे वाढदिवस देखील साजरे करतात. असाच एक अनोखा वाढदिवस सध्या सोशल मीडियावर चर्चेत आहे. हा वाढदिवस आहे एका रेड्याचा. होय या रेड्याचा वाढदिवस अख्या गावाने  मटणावर ताव मारून साजरा केला. जणू एखाद्या राजकिय नेत्याच्या वाढदिवसाप्रमाणेच वाजतागात संपूर्ण गावाने जल्लोष केला. आता त्या रेड्याचा वाढदिवसाचा व्हिडीओ पाहून तुम्हाला देखील प्रश्न पडेल की, खरंच हा एखाद्या रेड्याचाच वाढदिवस होता का? होय या रेड्याचा वाढदिवस अख्या गावाने  साजरा केला. या रेड्याचं नाव रामू असे आहे. 

रेड्याने अनेक झुंजी खेळून मिळवली प्रसिद्धी... 
शहापूर तालुक्यामधील  सापगावातील  सुरेश महादू अंदाडे यांचा रेडा असून त्याचा  जंगी वाढदिवस साजरा करण्याचे ठरवले होते. या रेड्याचं नाव रामू असं आहे. अंदाडे यांचे  रामू  रेड्यावर खूप प्रेम आहे. हा रेडा झुंज खेळण्यात पटाईत असून त्याने आतापर्यत   अनेक झुंजी खेळून पुरस्कार आणि प्रसिद्धी मिळाली आहे. त्यामुळे दरवर्षी ते  या लाडक्या रामूचा वाढदिवस असाच जल्लोष करून साजरा करीत असल्याचे त्यांनी सांगितले आहे.  

असा साजरा केला जातो रामूचा वाढदिवस .. 
रामू रेड्याच्या वाढ दिवशी त्याला सजवलं जाते,  त्याच्यासाठी खास आवडते पदार्थ तयार केले जातात. खास केकही तयार केला जातो. एवढंच नाही तर पूर्ण गावाला चिकन-मटणची जंगी पार्टी दिली जाते. रात्री फटाक्यांची आतिशबाजी करून गावभर वाजतगाजत मिरवणूकही काढण्यात  जाते. अशाच प्रकारे याही वर्षी  रामूचा वाढदिवस साजरा करण्यात आला. या जल्लोषाचे व्हिडीओ सध्या सोशल मीडियावर भलताच व्हायरल होत आहेत. 

मराठी लाईव्ह न्यूज सुपरफास्ट पाहा ABP Majha वर, मुंबई, पुणे, नागपूर, औरंगाबाद, मनोरंजन, क्रिकेट, देश-विदेशातील प्रत्येक बातमी सर्वात आधी एबीपी माझावर Live