शिवसेना मध्यवर्ती कार्यालयाचा पत्ता बदलला? शिंदे गटाकडून मध्यवर्ती कार्यलायाचा पत्ता आनंदआश्रमचा

Mumbai News : शिंदे गट दादरमध्ये  प्रति शिवसेना भवन उभारणार असल्याच्या चर्चा होत्या. मात्र आता   नियुक्ती पञावर  ठाण्याच्या टेंभी नाका येथील आनंद आश्रमचा पत्ता देत सर्व चर्चांना पूर्णविराम मिळाला आहे.

Feature Photo

 मुंबई : मुख्यमंत्री एकनाथ शिंदे (Eknath Shinde) यांनी बंडखोरी करत मोठा राजकीय भूकंप केला. शिवसेनेतील आमदार आणि खासदारांचा पाठिंबा मिळवत त्यांनी शिवसेना पक्षप्रमुख उद्धव ठाकरे यांना आव्हान दिले आहे. शिंदे गटाने थेट शिवसेना पक्षावरच दावा केला आहे. दादर येथील शिवसेना भवन (Shivsena Bhavan) हे शिवसेना पक्षाचे मध्यवर्ती कार्यालय आहे. शिंदे गट शिवसेना भवनावर दावा करत असल्याची चर्चा सुरु असतानाच शिंदे गटाने शिवसेना मध्यवर्ती कार्यालयाचा पत्ताच बदलला आहे. शिंदे गटाकडून जारी केलेल्या नियुक्ती पञावर दादरच्या शिवसेना भवनाऐवजी  ठाण्याच्या टेंभी नाका येथील आनंद आश्रमचा पत्ता दिला आहे.

शिंदे गट दादरमध्ये  प्रति शिवसेना भवन उभारणार असल्याच्या चर्चा होत्या. मात्र आता   नियुक्ती पञावर  ठाण्याच्या टेंभी नाका येथील आनंद आश्रमचा पत्ता देत सर्व चर्चांना पूर्णविराम मिळाला आहे. आमदार, खासदार, नगरसेवकांसह अनेक पदाधिकाऱ्यांना आपल्या बाजूनं केल्यानंतर शिंदेच्या समर्थनात गर्दी होत आहे. कार्यकर्त्यांचीही संख्या दिवसेंदिवस वाढत आहे. त्यामुळेच शिंदे गटाला एक मध्यवर्ती कार्यलयाची आवश्यकता होती. आता प्रत्येक जिल्ह्याच्या ठिकाणी  शिंदे गटाची कार्यलयं होतील. इतकंच नाही तर जेव्हा मुंबईत कार्यकर्ते जमतील म्हणूनच की काय एकनाथ शिंदे गटानं  आनंद आश्रम या नव्या कार्यलायची निवड केली. 

शिंदे गटानं आधी बाळासाहेबांवर हक्क सांगितला त्यानंतर शिवसेना आम्ही आहोत असा दावा केला. त्याला उत्तर म्हणून उद्धव ठाकरेंनीही सेनाभवनात जोरदार बैठका सुरु केल्या. कार्यकर्ते मेळावे घेतले आणि पक्षावर पकड आणखी मजबूत करण्याची तयारी केलीय.. इतकंच नाही तर ठाकरेंनी पालिका निडणुकांची तयारीही केलीय. तिकडे एकनाथ शिंदे गटानंही पालिकेसाठी तयारी केलीय. पण, त्यासाठी त्यांना कार्यलयाची आवश्यकता होती. म्हणूनच शिंदे गटानं ठाण्यामध्ये  मध्यवर्ती कार्यालयाचा पत्ता दिला.

शिवसेना स्थापनेनंतर दहा वर्षानंतर सेनेला हक्काचं ठिकाण मिळालं. देशातल्या कानाकोपऱ्यातून शिवसैनिक इथं यायचा आपली भावना मांडयचा आणि त्याला जितका विश्वास बाळासाहेबांवर होता. तितकाच विश्वास शिवसेना भवनाविषयी होता.