Shirdi : साई चरणी दोन कोटींचं सोनं अर्पण; हैद्राबादच्या भक्ताकडून चार किलो सोनं दान
हैद्राबादमधील (Hyderabad) एका भक्तानं चार किलो सोनं साईंच्या चरणी अर्पण केलं आहे.
Shirdi : शिर्डीच्या (Shirdi) साईबाबांच्या (Sai Baba) चरणी अनेक भाविक सोन किंवा पैस दान करतात. काही लोक ऑनलाइन पद्धतीनं दान करतात. तर काही लोक शिर्डीला जाऊन दान करतात. नुकतच हैद्राबादमधील (Hyderabad) एका भक्तानं चार किलो सोनं साईंच्या चरणी अर्पण केलं आहे. या सोन्याची सध्याची किंमत ही दोन कोटी आहे.
मंदिरीच्या ट्रस्टच्या मुख्य कार्यकारी अधिकारी असणाऱ्या भाग्यश्री बानायत यांनी दिलेल्या माहितीनुसार, हैद्राबाद येथील पार्थ सारथी रेड्डी यांना 2016 मध्ये साईबाबांच्या चरणी सोन्याची पट्टी दान करायची होती, परंतु त्यानंतर आवश्यक प्रक्रिया पूर्ण होऊ शकली नाही आणि नंतर कोविड-19 महामारीमुळे ही प्रक्रिया पुढे ढकलण्यात आली. त्यांनी आता श्री साईबाबांच्या मूर्तीच्या चौथऱ्यासाठी 2 कोटी रुपयांच्या चार किलो सोन्यापासून बनवलेली नक्षीदार पट्टी दान केली आहे. मंगळवारी (17 मंगळवार) विधीवत पूजा करुन भक्तानं दान केली हा सोन्याची पट्टी मूर्तीच्या चौथऱ्यासाठी बसवण्यात आली आहे.
Maharashtra | Parthasarth Reddy, a philanthropist from Hyderabad, donated 4 kg of gold worth about Rs 2 crores at Sai Baba Temple in Shirdi, Ahmednagar district pic.twitter.com/azrnINH46h
— ANI (@ANI) May 18, 2022
भाग्यश्री बानायत यांनी पुढे सांगितले की, 2007 साली हैद्राबाद येथील आणखी एका भक्तानं साईबाबांना 94 किलो सोन्यापासून तयार केलेले सिंहासन दान केले होते. 9 एप्रिल ते 11 एप्रिल दरम्यान यावर्षी शिर्डीमध्ये रामनवमीचा उत्सव साजरा करण्यात आला. या दरम्यान 4 कोटी 57 लाखांचे दान संस्थानला प्राप्त झाले असून या तीन दिवसात पावणे तीन लाख साईभक्तांनी साई दर्शन घेतले आहे.
हेही वाचा:
महत्त्वाच्या बातम्या
