आमच्याकडून भाजपमध्ये गेले ते भटकेच, आमदार खासदार नेते पक्षात घेणं म्हणजे श्रीमंत भिकाऱ्याचं लक्षण, राऊतांचा हल्लाबोल 

आमच्याकडून जे गेले किंवा मनसेमधून जे गेले ते भटकेचं आहेत अशी टीका शिवसेना ठाकरे गटाचे खासदार संजय राऊत यांनी केली.

Sanjay Raut on BJP

Source : Getty Images

Sanjay Raut on BJP : आमच्याकडून जे गेले किंवा मनसेमधून जे गेले ते भटकेचं आहेत अशी टीका शिवसेना ठाकरे गटाचे खासदार संजय राऊत यांनी केली. गिरीश महाजन हे स्वतः ला बाहुबली समजतात, पण त्यांना देखील नगरपालिकेत फटका बसला आहे. त्यांची पत्नी निवडून आली मात्र इतर कारणामुळे त्यांना फटका बसल्याचे राऊत म्हणाले. सगळ्यात मोठं पक्ष भाजप आहे. गौतम अदानी सुद्धा भाजपचे सदस्य आहेत. इतरांचे आमदार खासदार नेते आपल्या पक्षा घेणं म्हणजे श्रीमंत भिकाऱ्याचं लक्षण असल्याची टीका संजय राऊत यांनी केली.

आता तिकडे जाणारे निर्लज्ज की घेणारे निर्लज्ज, राऊतांचा टोला

कालच मुंबईत पत्रकार परिषद घेत राज ठाकरे आणि उद्धव ठाकरे यांनी मनसे-शिवसेना(उबाठा) युतीची घोषणा केली. त्यानंतर आज भाजपने दोन्ही ठाकरे बंधूंना जबरदस्त धक्का दिला आहे. धक्कादायक म्हणजे नाशिकचे मनसेचे प्रदेश सरचिटणीस दिनकर पाटील यांनी भाजपमध्ये प्रवेश केला आहे. यावरुन संजय राऊतांनी भाजपवर टीका केली. या पक्ष प्रवशानंतर भाजपच्या आमदार देवयानी फरांदे रस्त्यावर उतरतल्या. कोणालाही न जुमानता इतर पक्षच्या लोकांना सोबत घेत आहेत. देवेंद्र फडणवीस नाशिकमध्ये इतरांवर भ्रष्टाचारचे आरोप करत होते. आत्ता हे गिरीश महाजन आपली गॅंग बनवत असल्याची टीका संजय राऊतांनी केली. काल हे महाशय जे जात आहेत आज ते काल नाचत होते पेढे भरवत होते आणि नाचता नाचता तिकडे गेले आणि त्यांनी ते घेतले. आता तिकडे जाणारे निर्लज्ज की घेणारे निर्लज्ज अशी जहरी टीका राऊतांनी भाजपवर  केली. 

आगामी महापालिका निवडणुकांच्या पार्श्वभूमीवर नाशिकमध्ये भाजपमध्ये इनकमिंग सुरु

आगामी महापालिका निवडणुकांच्या पार्श्वभूमीवर नाशिकमध्ये भाजपमध्ये (BJP) आज माजी आमदार, माजी महापौरासह 5 मोठ्या नेत्यांचे पक्षप्रवेश संपन्न झाले. या पक्षप्रवेशावर नाशिकमधीलच (Nashik) भाजपचे स्थानिक नेते, पदाधिकारी व कार्यकर्ते नाराज आहेत. भाजप आमदार देवयानी फरांदे (Devyani farande) यांनी या पक्षप्रवेला अनुपस्थित राहत विरोध केला होता. मात्र, तरीही मंत्री गिरीश महाजन यांच्या प्रमुख उपस्थितीत हे प्रवेश झाले. यावेळी, मंत्री गिरीश महाजन पक्षप्रवेशााठी भाजप कार्यालयात येत असताना, भाजपच्या निष्ठावंतांनी त्यांना कार्यालयाबाहेरच घेराव घातला होता. आता, देवयानी फरांदे यांनी याबाबत प्रतिक्रिया दिली, तेव्हा त्यांचे डोळे पाणावले होते. 

नाशिकमधील पक्षप्रवेशावेळी भाजप कार्यालयाबाहेर काही वेळ गोंधळाची परस्थिती निर्माण झाली होती. भाजप सर्वात मोठा पक्ष आहे, सर्वाधिक आमदार खासदार भाजपचे आहेत. आज दिनकर पाटील यांनी प्रवेश केला आहे, दिनकर पाटील यांनी आता कुठे जाऊ नये, असे या पक्षप्रवेशानंतर गिरीश महाजन यांनी म्हटले. मनसे, काँग्रेस, उबाठाचे सर्व पदाधिकाऱ्यांनी इथे प्रवेश केला आहे, मी सर्वांचे स्वागत करतो. मुख्य प्रवाहात त्यांनी प्रवेश केला आहे, भाजपवर विश्वास आहे, नेतृत्वार विश्वास आहे, त्यामुळे या सर्वांनी प्रवेश केला आहे. प्रमुख पदाधिकाऱ्यांसह सर्व आले आहेत, बाहेर आता कोणीही राहिले नाही. 100 च्या वर आमचे नगरसेवक निवडून येतील, आता चार वाढल्याने 104 होतील, असेही महाजन यांनी म्हटले. तर, देवयानी फरांदे यांनी मी नाराज नाही असे म्हटले, पण त्यांच्या डोळ्यातील अश्रू लपले नाहीत. 

महत्वाच्या बातम्या: