एक्स्प्लोर
Advertisement
![ABP Premium](https://cdn.abplive.com/imagebank/Premium-ad-Icon.png)
रितेश देशमुखचा माफीनामा, छत्रपती संभाजीराजे म्हणतात....
रितेश देशमुखच्या माफीनाम्यानंतर आता खासदार संभाजीराजे छत्रपती यांनीही प्रतिक्रिया दिली आहे.
![रितेश देशमुखचा माफीनामा, छत्रपती संभाजीराजे म्हणतात.... Sambhajiraje Chhatrapatis reaction on Riteish Deshmukh photo session at raigad meghdambari रितेश देशमुखचा माफीनामा, छत्रपती संभाजीराजे म्हणतात....](https://static.abplive.com/wp-content/uploads/sites/4/2018/07/06115717/Riteish-Deshmukh-Sambhajiraje-Chhatrapati.jpg?impolicy=abp_cdn&imwidth=1200&height=675)
मुंबई: अभिनेता रितेश देशमुखने रायगडावरील छत्रपती शिवाजी महाराजांच्या मेघडंबरीवर चढून फोटो काढल्याने, त्याच्यावर चौफेर टीका होत आहे. या टीकेनंतर रितेश देशमुखे जाहीर माफी मागितली आहे. रितेश देशमुखच्या या माफीनाम्यानंतर आता खासदार संभाजीराजे छत्रपती यांनीही प्रतिक्रिया दिली आहे.
चौथऱ्यावर बसून महाराजांच्या मूर्तीकडे पाठ करुन फोटोसेशन करणं खरोखरच निंदनीय आहे, अशी प्रतिक्रिया संभाजीराजे छत्रपतींनी दिली. तसंच आज होणाऱ्या रायगड विकास प्राधिकरणाच्या बैठकीत खास नियमावली तयार करण्यात येणार असून, त्यातील नियम सर्वांना बंधनकारक असतील, असंही नमूद केलं. संभाजीराजेंनी ट्विटरवर याबाबतची माहिती दिली.
संभाजीराजे काय म्हणाले?
रायगडावरील सिंहासनाच्या चौथऱ्यावर बसून महाराजांच्या मूर्तीकडे पाठ करुन काढलेले काही सेलिब्रेटिंचे फोटो प्रसिद्ध झाले आहेत. हे खरोखरच निंदनीय आहे. आज होणाऱ्या रायगड विकास प्राधिकरणाच्या बैठकीत खास नियमावली तयार करण्यात येणार असून त्यातील नियम सर्वांना बंधनकारक असतील.
काय आहे संपूर्ण प्रकरण? रायगडावरील मेघडंबरीत चढून फोटोसेशन करणाऱ्या अभिनेता रितेश देशमुखने, चौफेर टीकेनंतर माफीनामा सादर केला. कोणालाही दुखावण्याचा हेतू नव्हता. केवळ भक्तीभावनेतून फोटो काढले. पण यामुळे जर कोणीही दुखावलं असेल तर त्यांची मी अंत:करणापासून माफी मागतो, असं रितेश देशमुखने म्हटलं आहे. अभिनेता रितेश देशमुख, दिग्दर्शक रवी जाधव, पानिपतकार लेखक विश्वास पाटील आणि सहकारी 5 जुलै रोजी रायगडावर गेले होते. तिथे त्यांनी राजदरबारातील मेघडंबरीतील छत्रपती शिवाजी महाराजांच्या पुतळ्या शेजारी मेघडंबरीत चढून फोटो काढले होते. ते फोटो त्यांनी सोशल मीडियावर शेअरही केले होते. मात्र मेघडंबरीवर चढून फोटो काढल्याने रितेश देशमुखवर तुफान टीका होत होती. सोशल मीडियावर अनेकांनी रितेश देशमुखवर शिव्यांची लाखोली वाहिली. त्यानंतर रितेश देशमुखने माफीनामा सादर केला. रितेश देशमुखचा माफीनामा आपल्या सर्वांचे दैवत असणाऱ्या छत्रपती शिवाजी महारांजांच्या व्यक्तिमत्त्वापासून प्रेरणा घेण्यासाठी नुकताच रायगड किल्ल्यावर जाण्याचा योग आला. सर्व शिवभक्तांप्रमाणे मी ही इथल्या वातावरणाने भारावून गेलो होतो. त्यांच्यासमोर नतमस्तक होऊन त्यांच्या पुतळ्याला हार घालून वंदन केले. आजन्म ज्यांच्या पायावर डोकं ठेवलं त्यांच्या पायापाशी कृतज्ञ होऊन बसण्याची इच्छा अनेक वर्षांपासून होती. तिथे बसून आम्ही काही छायाचित्रे घेतली आणि ती सोशल माध्यमातून पोस्ट केली. यामागे फक्त भक्तीभाव होता. ती छायाचित्रे घेताना किंवा तिथे बसताना आमच्या मनात कोणालाही दुखावण्याचा हेतू नव्हता. मात्र आमच्या या कृत्यामुळे कोणीही दुखावलं असेल तर त्याची आम्ही अंत:करपूर्वक माफी मागतो. संबंधित बातम्या चौफेर टीकेनंतर रितेश देशमुखचा माफीनामा फोटो - मेघडंबरीतील फोटोसेशनमुळे टीका, रितेश देशमुखचा माफीनामारायगडावरील सिंहासनाच्या चौथऱ्यावर बसून महाराजांच्या मुर्तीकडे पाठ करुन काढलेले काही सेलिब्रेटिंचे फोटो प्रसिद्ध झाले आहेत. हे खरोखरच निंदनीय आहे. आज होणाऱ्या रायगड विकास प्राधिकरणाच्या बैठकीत खास नियमावली तयार करण्यात येणार असून त्यातील नियम सर्वांना बंधनकारक असतील. pic.twitter.com/c1i5uMkp9R
— Sambhaji Chhatrapati (@YuvrajSambhaji) July 6, 2018
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
क्रिकेट
महाराष्ट्र
पुणे
सोलापूर
Advertisement
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)
उमेश अलोणे, एबीपी माझाअकोला जिल्हा प्रतिनिधी
Opinion