अनोखं नातं... 'ले बहेना मेरी राखी'! हातात घड्याळ बांधतांना फोटो व्हायरल, वाचा यामागची स्टोरी
रक्षाबंधनच्या दिवशीचा हा फोटो असून या फोटोत एक मुस्लिम व्यक्ती एका मानसिक दृष्ट्या विकलांग महिलेला घड्याळ हातात बांधतांना दिसतं आहेत.
अमरावती : अमरावती शहरातील एक फोटो सध्या सोशल मीडियावर अतिशय मोठ्या प्रमाणात व्हायरल होत आहे. रक्षाबंधनच्या दिवशीचा हा फोटो असून या फोटोत एक मुस्लिम व्यक्ती एका मानसिक दृष्ट्या विकलांग महिलेला घड्याळ हातात बांधतांना दिसतं आहेत. झालं असं की, अमरावती शहरातील मुख्य बाजारात रस्त्यावर बब्बू भाई यांची घड्याळ्याचं छोटंसं दुकान आहे.
रविवारी सकाळी-सकाळी एक मानसिक दृष्ट विकलांग असलेली एक महिला बब्बू भाई यांच्या दुकानावर गेली आणि नवीन घड्याळकडे पाहत होती, तेव्हा बब्बू भाई यांनी काही पैसे दिले तर ती महिला म्हणाली मला नवीन घड्याळ पाहीजे. मग काय बब्बू भाई यांनी लगेच तिला घड्याळ दिलं. तर ती म्हणाली मला हातावर बांधून दे.. बब्बू भाई यांनी तिला हातावर घड्याळ बांधून दिली आणि म्हणाले "ले बहेना". रक्षाबंधन दिवशी झालेल्या या प्रकाराचा एक फोटो खूप व्हायरल होत आहे.
दोन दिवसांपूर्वी रक्षाबंधनाचा सण मोठ्या थाटामाटात साजरा करण्यात आला आणि भाऊ आणि बहिणीच्या प्रेमाचे प्रतीक असलेला रक्षाबंधन सण सोशल मीडियावरही साजरा केला. या दरम्यान, जिथे एक आणि अनेक लोकांनी सोशल मीडियावर आपापल्या कुटुंबात साजरा होणाऱ्या सणाचे फोटो आणि व्हिडिओ पोस्ट केले. दुसरीकडे, असे अनेक फोटो सोशल मीडियावरही आले, ज्यातून सामाजिक संदेश देण्याचा प्रयत्न करण्यात आला. जेव्हा कोणीतरी अमरावती शहरातील मुख्य बाजारात घड्याळ विक्रेत्या एका वृद्ध मानसिक दृष्ट विकलांग महिलेचा घड्याळ बांधतानाचा फोटो काढला, तो सोशल मीडियावर प्रचंड व्हायरल झाला.
ज्यात रस्त्याच्या कडेला घड्याळाचे दुकान लावणारे दुकानदार रस्त्यातून जात असलेल्या एका वृद्ध महिलेच्या हातावर घड्याळ बांधताना दिसत आहेत. हा फोटो शहरातील जवाहर रोड वरील आहे. कुठे, रक्षाबंधनाच्या दिवशी घड्याळ विकण्याचे काम करणाऱ्या मुस्लिम व्यक्तिनं त्याच्या दुकानासमोर उभ्या असलेल्या एका मानसिक दृष्ट विकलांग महिलेच्या हातावर घड्याळ बांधले. त्याचवेळी असेही म्हटले होते की, 'ले बेहना, आज तुमच्यासाठी एका भावाकडून ही भेट आहे. रक्षाबंधनचं नातं हे किती घट्ट आहे याचं हे उदाहरण असल्याचं पाहायला मिळत आहे...
महत्त्वाच्या बातम्या
