Raksha Bandhan LIVE Updates: रक्षाबंधन, बहिण-भावाच्या अतुट नात्याचा सण; पाहा लाईव्ह अपडेट्स
Raksha Bandhan 2021 LIVE Updates: श्रावण महिन्याचे वेध लागतात आणि श्रावण महिना सुरु झाला की, नारळी पौर्णिमा, रक्षाबंधनाचे वेध लागतात. देशभरात रक्षाबंधनाचा सण आज मोठ्या उत्साहात साजरा करण्यात येत आहे.
Background
Rakshabandhan 2021 : श्रावण महिन्याचे वेध लागतात आणि श्रावण महिना सुरु झाला की, नारळी पौर्णिमा आणि रक्षाबंधनाचे वेध लागतात. देशभरात रक्षाबंधनाचा सण आज मोठ्या उत्साहात साजरा करण्यात येत आहे. बाजारात रंगीबेरंगी आणि मोहक राख्यांची आवक आहे. त्यामुळे आजच्या दिवशी काय काय करायचे, यंदा कुणाच्या घरी एकत्र जमायचे, याचं प्लानिंग करायला सुरुवात झाली आहे. परंतु, आजच्या रक्षाबंधनावर कोरोनाचे सावट आहे.
रक्षा बंधन म्हणजे, राखी पौर्णिमा. हा सण म्हणजे, बहिण-भावाच्या अतुट नात्याचा सण. बहीण आपल्या भावाच्या दिर्घायुष्यासाठी भावाच्या हातावर राखी बांधते. तसेच आयुष्यभर आपलं रक्षण करावं, असं वचन बहिण भावाकडून घेते. दरवर्षी श्रावण महिन्यातील पौर्णिमेच्या दिवशी रक्षाबंधनाचा सण साजरा केला जातो. यंदा पौर्णिमा 21 ऑगस्टच्या संध्याकाळपासून सुरु होणार आहे. तर 22 ऑगस्ट रोजी सूर्योदयापर्यंत पौर्णिमा असणार आहे. त्यामुळे 22 ऑगस्ट रोजी रक्षाबंधन साजरा करण्यात येत आहे.
रक्षाबंधन हा हिंदू सण आहे. जो भारताच्या विविध भागात साजरा केला जातो. मॉरिशस आणि नेपाळमध्ये देखील हा सण उत्साहात साजरा करण्यात येतो. प्राचीन काळापासून रक्षाबंधन सण साजरा केला जात असून हा मुख्य हिंदू उत्सवांपैकी एक सण आहे. या दिवशी बहीण आपल्या भावाच्या उजव्या हाताच्या मनगटावर राखी बांधून भावास दीर्घ आयुष्याची कामना करते.
राज्यमंत्री दत्तात्रय भरणे यांच्या घरी रक्षाबंधन
राज्यमंत्री दत्तात्रय भरणे यांच्या घरीदेखील आज रक्षाबंधनानिमित्त त्यांच्या तिन्ही बहिणींनी राखी पौर्णिमेनिमित्त राखी बांधून भावा बहिणीचे नाते घट्ट करत औक्षण करीत राखी बांधलीय ..पुणे जिल्ह्यातील इंदापूर तालुक्यातील भरणेवाडी या ठिकाणी असलेल्या निवासस्थानी राज्यमंत्री भरणे यांना कुसुम धापटे , साळुबाई चौगुले ,हिराबाई वायाळ या तिन्ही बहिणींनी राखी बांधून रक्षाबंधन सण साजरा केला आहे...
माजी कृषी राज्यमंत्री व आमदार सदाभाऊ खोत यांच्या घरी रक्षाबंधन सोहळा
महत्त्वाच्या बातम्या
