Pune : पुण्यात अल्पवयीन मुलीवर शेजाऱ्याकडून वारंवार अत्याचार, आरोपी जेरबंद 

पीडित मुलगी तिच्या शाळेत शिवजयंतीनिमित्त आयोजित नाटकात सहभागी झाली होती. जेव्हा ती घरी परतली आणि कपडे बदलत होती, तेव्हा आरोपी तिच्या घरात घुसला आणि धमकावून तिच्यावर बलात्कार केला. 

Pune Minor Girl Rape Case Swargate Police

Pune Rape Case : पुण्यात गुलटेकडी परिसरात (Pune Gultekadi)  राहणाऱ्या एका 15 वर्षीय मुलीवर शेजाऱ्याने वारंवार बलात्कार (Pune Minor Girl Rape Case) केल्याप्रकरणी गुन्हा दाखल करण्यात आला आहे. मुलीच्या वडिलांनी स्वारगेट पोलिस (Pune Swargate Police) ठाण्यात दिलेल्या फिर्यादीनुसार, 19 फेब्रुवारी रोजी पीडित मुलगी तिच्या शाळेत शिवजयंतीनिमित्त आयोजित नाटकात सहभागी झाली होती. जेव्हा ती घरी परतली आणि कपडे बदलत होती, तेव्हा आरोपी तिच्या घरात घुसला आणि धमकावून तिच्यावर बलात्कार केला, असं तक्रारीत म्हटलं आहे. अपहरण करुन पीडितेला मुंबईमध्ये ठेवल्याची धक्कादायक बाब देखील उजेडात आली आहे. 
 
त्यानंतर जीवे मारण्याची धमकी देऊन वारंवार तिच्यावर बलात्कार केला. जुलै महिन्यात आरोपी आणि त्याच्या मित्राने बळजबरीने तिचे अपहरण करून तिला मुंबईत ठेवले. पोलिसांनी मुलांवर लैंगिक गुन्ह्यांपासून संरक्षण (पोक्सो) कायद्यान्वये गुन्हा दाखल केला आहे. 

स्वारगेट पोलिसांनी सांगितले की, आम्ही तिला वैद्यकीय तपासणीसाठी सरकारी रुग्णालयात पाठवले आहे. उपचारादरम्यान मुलीने सांगितले की, तिच्या शेजाऱ्याने तिच्यावर वारंवार बलात्कार केला, त्यानुसार आम्ही गुन्हा दाखल करून आरोपीला अटक केली आहे, असं पोलिसांनी सांगितलं आहे. 

प्रकाराची कोणाला माहिती दिल्यास त्याने तिला जीवे मारण्याची धमकी

मुलगी घरी परतल्यानंतर पोलिसांनी तिची ससून रुग्णालयात वैद्यकीय तपासणी केली. तेव्हा तिच्यावर बलात्कार करण्यात आल्याचे उघडकीस आली. चौकशीत सहा महिन्यांपूर्वी महेश मोरेने बलात्कार केल्याचे तिने सांगितले. तक्रारीत म्हटलं आहे की, मुलगी शाळेतून घरी आली होती. त्या वेळी घरात कोणी नसल्याचे पाहून महेश मोरेने मुलीवर अत्याचार केले. या प्रकाराची कोणाला माहिती दिल्यास त्याने तिला जीवे मारण्याची धमकी दिली होती. वैद्यकीय तपासणीत मुलीवर बलात्कार झाल्याचे उघडकीस आल्यानंतर पोलिसांनी या प्रकरणाची चौकशी करुन गुन्हा दाखल केला. या प्रकरणाचा तपास स्वारगेट पोलिस करत आहेत. 

इतर महत्वाच्या बातम्या