Pune Crime News : पुणे हादरलं! दुसऱ्याच्या प्रेमात पडली, म्हणून प्रियकराने सपासप वार करत प्रेयसीला संपवलं
दुसऱ्या मुलाच्या प्रेमात पडली म्हणून पहिल्या प्रियकराने प्रेयसीची सपासप वार करुन हत्या केल्याचा धक्कादायक प्रकार समोर आला आहे. एक एप्रिलच्या रात्री घरातून निघून गेलेल्या सतरा वर्षीय मुलीचा मृतदेह चार एप्रिलला आढळल्यानं खळबळ उडाली होती.
Pune Crime News : दुसऱ्या मुलाच्या प्रेमात पडली म्हणून (Pune crime) पहिल्या प्रियकराने प्रेयसीची सपासप वार करुन हत्या केल्याचा धक्कादायक प्रकार समोर आला आहे. एक एप्रिलच्या रात्री घरातून निघून गेलेल्या सतरा वर्षीय मुलीचा मृतदेह चार एप्रिलला आढळल्याने खळबळ उडाली होती. मुलीच्या शरीरावर ठिकठिकाणी कोयत्याने वार करण्यात आले होते. दोन एप्रिलला ती हरवल्याची तक्रार कुटुंबीयांनी केल्यानंतर चिखली पोलिसांनी तपासाची चक्र हलवली. दुसऱ्या मुलाच्या प्रेमात पडली म्हणून पहिल्या प्रियकराने प्रेयसीची हत्या केल्याचं तपासात उघड झालं. त्यामुळे पिंपरी चिंचवडमधील अल्पवयीन मुलीच्या हत्याप्रकरणाने वेगळं वळण घेतलं आहे.
या सगळ्या प्रकरणी तपास सुरु असताना मुलीची हत्या झाल्याचं आणि दोन अल्पवयीन मुलांनीच तिची हत्या केल्याचं तपासात समोर आलं. यातील एका अल्पवयीन मुलासोबत तिचे प्रेमसंबंध होते. मात्र ती दुसऱ्याच्या प्रेमात पडली होती. त्यात आधीच तिच्याशी असणाऱ्या प्रेमसंबधातून त्याच्यावर लैंगिक अत्याचाराचा गुन्हा ही दाखल झाला होता. याच रागातून त्याने मित्राच्या मदतीने हे कृत्य केलं. चिखली पोलिसांनी या दोघांना ताब्यात घेतलं आहे. मृत मुलीच्या आईने हत्या करणाऱ्यांवर कठोर शिक्षा द्यावी, अशी मागणी केली आहे.
नेमकं काय घडलं होतं?
एक तारखेच्या रात्री घरातून निघून गेलेल्या अल्पवयीन मुलीचा काल (4 एप्रिल) मृतदेह सापडल्यानं खळबळ उडाली होती. पिंपरी चिंचवडमध्ये ही घटना उघडकीस आली होती. सतरा वर्षीय या मुलीची दोन अल्पवयीन मुलांनीच हत्या केल्याचं आता समोर आले आहे. त्या दोघांनाही चिखली पोलिसांनी ताब्यात घेतलं आहे. त्यातील एकासोबत मृत मुलीचे प्रेम संबंध होते, अशी माहिती समोर आली आहे. हे तिघे ही घरकुलमध्ये राहणारे आहेत. मृत मुलीचे एका अल्पवयीन मुलाशीच प्रेम संबंध होते. त्यालाच भेटण्यासाठी ती एक एप्रिलच्या रात्री घराबाहेर पडली होती. कुटुंबीयांनी रात्रभर शोध घेतल्यानंतर दोन एप्रिलच्या सकाळी ती हरवल्याची तक्रार दाखल केली. पोलिसांनी तिचा शोध घेतला असता. घरकुलमधील बांधकाम सुरु असलेल्या सांस्कृतिक भवनच्या टेरेसवर ती मृतावस्थेत आढळली. तिच्या पोटावर आणि हातावर वार आढळले होते. याप्रकरणी पोलिसांनी अधिकचा तपास केला असता तिचे ज्या अल्पवयीन मुलाशी प्रेम प्रकरण होते, त्याचा आणि त्याच्या दुसऱ्या अल्पवयीन मित्राचा यात समावेश असल्याचं समोर आलं. या दोघांना ताब्यात घेतलं असून त्यांनी ही हत्या का केली? याची चौकशी सुरु आहे. मृत मुलीच्या अल्पवयीन प्रियकरावर याआधी हत्येचा प्रयत्न आणि पॉस्कोचा ही गुन्हा दाखल आहे, अशी माहिती चिखली पोलिसांनी दिली.
महत्त्वाच्या बातम्या
ट्रेंडिंग न्यूज
