Pune Accident: भोर-महाड मार्गावर वरंध घाटात भीषण अपघात; कार 100 फूट खोल दरीत कोसळली अन्...
पुण्यातील भोर महाड मार्गावर सोमवारी पहाटे चार वाजताच्या सुमारास भीषण अपघात झाला.
Pune accident: पुण्यातील भोर महाड मार्गावरील वरंध घाटात (Varandh Ghat Accident) शंभर फूट खोल दरीत इको कार कोसळून भीषण अपघात झाला आहे. या अपघातात शुभम शिर्के (वय 22) या तरुणाचा मृत्यू झाला असून अन्य 8 जण जखमी झाले आहेत. ही घटना पहाटे 4:00 वाजताच्या सुमारास उंबर्डे गावाच्या हद्दीत घडली. महाड होऊन भोरच्या दिशेने भरधाव वेगात येणारी कार अनियंत्रित होऊन 100 फूट खोल दरीत कोसळली. अपघाताची माहिती मिळताच स्थानिक शिरगाव रेस्क्यू टीमचा सदस्यांनी तात्काळ घटनास्थळी धाव घेत पोलिसांच्या मदतीने जखमींना बाहेर काढले. अपघात नेमका कशामुळे झाला याचा भोर पोलीस अधिक तपास करत आहेत. (Bhor Mahad Road Accident)
अपघातात शुभम शिर्के (वय 22) या तरुणाचा जागीच मृत्यू झाला, तर मंगेश गुजर (वय 26), आशिष गायकवाड (वय 29), सिद्धार्थ गंधणे (वय 26), सौरभ महादे (वय 22), गणेश लवंडे (वय 27), अमोल रेकीणरं (वय 27), यशराज चंद्र (वय 22) आणि आकाश आडकर (वय 25) हे गंभीर जखमी झाले आहेत.
नक्की झाले काय?
पुण्यातील भोर महाड मार्गावर सोमवारी पहाटे चार वाजताच्या सुमारास भीषण अपघात झाला. भोर महाड मार्गावरील वरंध घाटात इको कार महाडहून भोरच्या दिशेने जात होती. घाटातील उंबरडे गावच्या हद्दीत पहाटे चार वाजताच्या सुमारास चालकाचे गाडीवरील नियंत्रण सुटले आणि कार थेट 100 फूट दरीत कोसळली. या अपघातात एक तरुण जागीच ठार झाला असून इतर 8 जण गंभीर जखमी झाले.अपघाताची माहिती मिळताच स्थानिक शिरगांव रेस्क्यू टीमच्या सदस्यांनी तात्काळ घटनास्थळी धाव घेत पोलिसांच्या मदतीने जखमींना बाहेर काढलं. जखमींना तात्काळ बाहेर काढून, रुग्णालयात उपचारासाठी दाखल करण्यात आले. स्थानिक शिरगाव रेस्क्यू टीम आणि पोलिसांनी बचाव कार्य केले आणि अपघाताची माहिती घेत तपास सुरू केला आहे.
राज्यातील अपघातांचे प्रमाण वाढले
राज्यात अपघातांचे प्रमाण कमालीचे वाढले असून कधी चालकाचे नियंत्रण सुटल्याने तर कधी वेगावर नियंत्रण नसल्याने , खराब रस्त्यांमुळे तर वाहनांच्या धडकेत होणारे अपघात वाढले आहेत. या अपघातांवर नियंत्रण ठेवण्यासाठी काही ठोस पावलं उचलण्याची गरज असून वाहनवेगावर अंकुश ठेवण्यासाठी, घाटात किंवा अपघाती वळणांवर वाहतूक नियमांचे कठोर पालन व्हावे यासाठी सरकार काय कठोर पावलं उचलते हे महत्वाचं ठरणार आहे.
हेही वाचा:
महत्त्वाच्या बातम्या
ट्रेंडिंग न्यूज
