सरकारी नोकरीचं स्वप्न अधुरं, पण व्यवसायात मारली बाजी, पोल्ट्री उद्योगातून तरुणाची गगनभरारी
Poultry Farming: नांदेडच्या युवकाने कुक्कुटपालनाच्या माध्यमातून लाखो रुपयांची कमाई केली आहे. जाणून घेऊयात त्याची यशोगाथा.
Poultry Farming: अलिकडच्या काळात अनेक तरुण व्यवसायाच्या माध्यमातून मोठी प्रगती करत असल्याचं चित्र पाहायला मिळत आहे. आज आपण अशाच एका कुक्कुटपालन करणाऱ्या युवकाची यशोगाथा पाहणार आहोत. या युवकाने कुक्कुटपालनाच्या माध्यमातून लाखो रुपयांची कमाई केली आहे. सरकारी नोकरीसाठी प्रयत्न केले, मात्र, नोकरी मिळाली नाही. या स्थितीत नाराजन न होता नांदेड जिल्ह्यातील आशिष आडके या युवकाने कुक्कुटपालनाच्या माध्यमातून मोठा नफा मिळवला आहे.
आशिष आडके आज अशा तरुणांसाठी प्रेरणास्थान आहे. ते सरकारी नोकऱ्यांसाठी तयारी करत होते. पण यशस्वी होऊ शकले नाहीत. त्यानंतर त्यांनी कुक्कुटपालनाचा व्यवसाय सुरु केला. यामाध्यमातून त्यांनी लाखो रुपयांची कमाई केली आहे. आशिषचे सरकारी नोकरीची परीक्षा उत्तीर्ण होऊन चांगली नोकरी मिळवण्याचे स्वप्न होते. पण नशिबात काहीतरी वेगळंच होतं. पुण्यात तीन वर्षे तयारी केली. मात्र यश न मिळाल्याने तो गावी परतला आणि कुक्कुटपालन सुरू केले.
3 वर्ष केली स्पर्धा परीक्षांची तयारी
आशिष आडके हा नांदेड शहरातील विजयनगर परिसरात कुटुंबासह राहतो. त्याने समाजशास्त्र आणि राज्यशास्त्रात पदव्युत्तर पदवी उत्तीर्ण केली आहे. यानंतर स्पर्धा परीक्षेच्या माध्यमातून अधिकारी होण्याचे स्वप्न जोपासले. 2015 मध्ये तो पुण्यात आला आणि स्पर्धा परीक्षांची तयारी करू लागला. मात्र, हे यश त्याच्यापासून दूर राहिले. त्यामुळे तो तीन वर्षांनी आपल्या गावी परतला.
खासगी नोकरी ऐवजी व्यवसाय निवडा
आशिषचे शिक्षण चांगले झाले होते. त्याला प्रोफेसरची नोकरी मिळत होती. मात्र, खासगी नोकरी करण्याऐवजी स्वत:चा व्यवसाय सुरू करण्याचा निर्णय घेतला. पण नंतर कोरोना व्हायरसमुळे त्यांना दीड ते दोन वर्षे घरीच राहावे लागले. कोरोनाच्या काळात आशिषने मोबाईल फोनवर विविध व्यवसायांची माहिती मिळवली. तेव्हा आशिषच्या लक्षात आले की 'कुक्कुटपालन' हा कमी वेळेत जास्त पैसे मिळवून देणारा व्यवसाय आहे. त्यामुळेच त्यांनी हा व्यवसाय सुरू करण्याचा निर्णय घेतला.
कुक्कुटपालन सुरु
घरातील काही पैसे आणि कुक्कुटपालनासाठी बँकेचे कर्ज घेऊन त्यांनी 2023 मध्ये नांदेडजवळील एका शेतात कुक्कुटपालनासाठी शेड बांधले. हळूहळू त्यांनी एक एकर जागेवर 10 हजार फुटांचे पोल्ट्री शेड बांधले. या शेडमध्ये अत्याधुनिक तंत्रज्ञानाचा वापर करण्यात आला आहे. हिवाळ्यात कोंबड्यांना उबदार ठेवण्यासाठी आवश्यक असलेले सर्व काही त्यात आहे, ज्यामध्ये एक हीटर, विविध दिवे, स्वयंचलित अन्न आणि पाण्याचे डिस्पेंसर, थंड करण्यासाठी इन्व्हर्टर आणि उन्हाळ्यासाठी वीज समाविष्ट आहे. या पोल्ट्री फार्ममध्ये एकावेळी 15,000 कोंबड्यांचे संगोपन करण्याची व्यवस्था आहे. वर्षभरात असे सहा भूखंड तयार केले जातात. या कोंबड्या विक्रीसाठी तयार होण्यासाठी सुमारे 45 दिवस लागतात. यानंतर कोंबडीची पूर्ण वाढ झाल्यावर कोंबडीची विक्री केली जाते.
आशिषने पोल्ट्री फार्ममधून वर्षभरात 30 लाख रुपये कमावतो. तरुणांना स्पर्धा परीक्षांमध्ये अपेक्षित यश मिळत नसेल, तर त्यांनी शेतीशी संबंधीत जोडधंदा केला पाहिजे, असे त्याचे म्हणणे आहे. तरुणांनी पूरक व्यवसायांकडे वळले पाहिजे. तरुणांनी नोकरीच्या मागे न धावता स्वत:चा व्यवसाय उभा करून रोजगार निर्माण करावं असे तो म्हणाला.
महत्त्वाच्या बातम्या
